URAMBO WAFURAHIA MRADI WA KUPUNGUZA VIFO VYA WATOTO

Na Allan KitweDmNewsonline 

                  URAMBO 

WANANCHI Wilayani Urambo  Mkoani Tabora wameeleza kufurahishwa na uamuzi wa Serikali ya Awamu ya Sita kupeleka zaidi ya shilingi mil 660 kwa ajili ya ujenzi wa mradi wa kupunguza vifo vya watoto wachanga.

Akizungumza mbele ya Wajumbe wa Kamati ya Siasa ya Mkoa waliokuwa katika ziara ya siku moja Wilayani humo jana Mbunge wa Jimbo hilo Magreth Sita ameeleza kuwa mradi huo utasaidia sana kupunguza vifo vya watoto wachanga.

‘Tunamshukuru sana Rais Dkt Samia Suluhu Hassan kwa kutuletea kiasi hicho ili kujengwa mradi utakaohudumia watoto wa changa (NICU) katika Wilaya yetu’, ameeleza.

Amefafanua manufaa mengine ya mradi huo kuwa ni kusogeza huduma za afya ya mtoto karibu zaidi na wananchi na kupunguza rufaa za kwenda Hosptali ya Mkoa.

Faida nyingine ni kuboreshwa huduma za afya kwa watoto wachanga wakiwemo waliozaliwa njiti, wenye ulemavu, wenye matatizo ya kupumua na ya kimaumbile na kuboresha miundombinu ya hospitali hiyo.

Mfanyabiashara Mussa Mohamed ambaye pia ni Mwenyekiti wa CCM wa Wilaya hiyo amemshukuru Rais Samia na kubainisha kuwa mradi huo ni mkombozi kwa wana Urambo.

Akiongea kwa niaba ya Mwenyekiti wa CCM Mkoa, Said Juma Nkumba, Mjumbe wa Kamati hiyo, Janath Kayanda ameguswa sana na mradi huo na kubainisha kuwa utasaidia kuokoa maisha ya watoto.

Ameshauri miradi yote inayojengwa katika maeneo ya wazi kuzungushiwa uzio ili kulinda mipaka yake na kuepusha migogoro itokanayo na uvamizi wa ardhi ili wananchi waendelee kunufaika.

Wakiwa Wilayani humo Wajumbe wa Kamati ya Siasa pia wametembelea mradi wa ujenzi wa Kituo cha Kukusanya na Kuchakata Asali kinajengwa na serikali kwa kushirikiana na wadau kwa gharama ya zaidi ya shilingi milioni 200.

Naye Mjumbe wa Halmashauri Kuu ya CCM Taifa (MNEC) Mohamed Nassoro Hamdan ameeleza kuwa mradi huo ni muhimu sana kwa kuwa utaongeza thamani ya zao hilo hivyo kuinua wananchi.

Aidha ameongeza kuwa mradi huo utaleta tija kubwa kwa uchumi wa wananchi na kuchangia pato la taifa, hivyo akashauri utekelezaji wake ukamilike haraka ili wananchi wanaofanya shughuli ya utundikaji mizinga waanze kunufaika.   

Comments

Post a Comment

Popular posts from this blog

UONGOZI WA SHIRIKISHO LA VYAMA VYA TIBA ASILI TANZANIA WADAIWA SI HALALI NA UMEKOSA DIRA YA KUENDESHA VYAMA VYA WAGANGA WA TIBA ASILI

Image
 Na Mwandishi Wetu                       DAR ES SALAAM   UONGOZI  wa Shirikisho la Vyama vya Waganga wa  Tiba Asili Tanzania (Shivyatiata) uliokasimishwa madaraka ya muda wa mwaka mmoja kuliongoza hadi likae sawa, unalalamikiwa na wachama wa  vyama vya waganga wa tiba asili nchini  kwa kuhodhi madaraka  kwa miaka nane kinyume cha sheria na utaratibu waliokubaliana. Wakizungumza na Mwandishi wa DMNews online Tanzania Disemba 31, 2025 baadhi ya wanachama wa vyama vya waganga wa tiba asili kutoka vyama 28 vinavyounda shirikisho hilo, kwamba  uongozi uliopo si halali wakidai haukuchaguliwa kikatiba. Pia, wamesema kuwa uongozi huo wa Shirikisho umeshindwa kutimiza majukumu na malengo ya Serikali kuukasimisha madaraka ya muda badala yake unalitumia kujinufaisha wenyewe ikiwamo kufifisha shirikisho kwa kulikosesha dira. Mwenyekiti wa Umoja wa Watengeneza Bidhaa Asili Tanzania (UWABIATA) Rajab Ha...
Read more

MWAKIPOSA ASHINDA NAFASI YA UWENYEKITI WA WENYEVITI WA SERIKALI YA MTAA MKOA WA DAR ES SALAAM

Image
  Na Angelina Mganga -DmNewsOnline     BDAR ES SALAAM  UCHAGUZI wa nafasi ya  Uwenyekiti na Katibu Mkuu wa Umoja wa Wenyeviti wa Serikali za Mitaa Mkoa wa Dar es Salaam umefanyika Leo Juni 20,2026,na umemalizika kwa amani na utulivu. Uchaguzi huo ulikuwa na wagombea watatu ambao  wamewania nafasi hiyo ya Uwenyeviti wa Wenyeviti wa Serikali ya Mtaa Mkoa wa Dar es Salaam   Wagombe wa nafasi ya Uwenyeviti ni Consolatha M.Rwiza Juma A.Mwingano na Razalous A.Mwakiposa  Katika uchaguzi huo Razalous A.Mwakiposa ameibuka mshindi wa nafasi hiyo ya  Uwenyekiti huku Peppino Sudi Peppino akishinda nafasi ya Katibu. Akizungumza wakati wa kutangaza matokeo ya uchaguzi huo,Msimamizi wa Uchaguzi Kambi Sinde amesema kuwa kura zilizopigwa ni 37 na wagombea  walikuwa  Consolatha M.Rwiza (11),Juma A.Mwingano  (2 )na Razalous A.Mwakiposa ( 24 ) hakuna kura iliyoharibika.  Razalous A.Mwakiposa ameshinda Kwa kura 24 kati ya kura 37zilizopig...
Read more

KILINDI BARABARA BADO NI CHANGAMOTO

Image
 Mwenyekiti wa Halmashauri ya Wilaya ya Kilindi, Dkt. Michael Chabai.  Na Yusuph Mussa,DmNewsonline                 KILINDI MWENYEKITI wa Halmashauri ya Wilaya ya Kilindi mkoani Tanga, Dkt. Michael Chabai amesema barabara za wilaya hiyo bado ni changamoto, na kueleza moja ya sababu ya wakulima kuuza mazao yao kwa bei ya chini ni kutokana na changamoto ya barabara hizo. Ameyasema hayo Agosti 22, 2026 wakati anafungua kikao cha Baraza la Madiwani wa Halmashauri hiyo, na kuongeza kuwa jitihada zinahitajika kwa Wakala wa Barabara za Vijijini na Mijini (TARURA) kuhakikisha wanafanyia matengenezo ya mara kwa mara barabara za vijijini ili kuona wakulima wanakuwa na uwezo wa kwenda kuuza  mazao yao sokoni. "Barabara zetu kwenye wilaya yetu bado ni changamoto, na hii inasababisha mazao ya wakukima wetu kuuzwa kwa bei ya chini. Hivyo tunataka kuona barabara hizo zinapitika ili wakulima wetu waweze kufikisha mazao yao sokoni" alisema Dkt. Chab...
Read more