MEYA KIBAHA AHIMIZA UKAMILISHAJI WA UJENZI WA ZAHANATI YA VISIGA ILI IPANDISHWE HADHI KUWA KITUO CHA AFYA



       Na Mwandishi wetu, DmNewsonline 
                 
                       KIBAHA

 MSTAHIKI  Meya wa Manispaa ya Kibaha, Dkt. Mawazo, amemtaka Mganga Mkuu wa Manispaa Dkt. Catherine Saguti kuhakikisha ujenzi wa majengo mbalimbali katika Zahanati ya Visiga unakamilika kwa haraka ili zahanati hiyo ipandishwe hadhi na kuwa Kituo cha Afya, hatua itakayowasogezea wananchi huduma bora za afya karibu na makazi yao.

Dkt. Mawazo ametoa wito huo jana alipokuwa katika ziara ya Kamati za Kudumu za Baraza la Madiwani wa Manispaa ya Kibaha zilizotembelea miradi mbalimbali ya maendeleo inayotekelezwa katika maeneo tofauti ya manispaa hiyo.

Amesema ni muhimu kukamilisha kwa wakati mradi wa ujenzi wa jengo la wagonjwa wa nje (OPD) pamoja na miundombinu mingine ya msingi ili kukidhi vigezo vya kuipandisha hadhi Zahanati ya Visiga kuwa Kituo cha Afya.

"Ujenzi huu ukikamilika utarahisisha upatikanaji wa huduma za afya kwa wananchi wa Visiga na maeneo ya jirani, hivyo kupunguza adha ya kusafiri umbali mrefu kufuata huduma," amesema Dkt. Mawazo.

Meya amempongeza Mkurugenzi wa Manispaa ya Kibaha Dkt. Rogers Shemwelekwa kwa mikakati madhubuti ya kutumia mapato ya ndani kuboresha sekta ya afya kupitia ujenzi na ukarabati wa miundombinu ya kutolea huduma.

Amesema mafanikio hayo tayari yameonekana kupitia ujenzi wa Kituo cha Afya Kongowe, ujenzi wa Zahanati ya Kilimahewa, pamoja na upanuzi unaoendelea katika Zahanati ya Visiga, miradi inayotekelezwa kwa fedha za mapato ya ndani ya Manispaa ya Kibaha.

Wananchi wanatarajia kuwa kukamilika kwa miradi hiyo kutaimarisha upatikanaji wa huduma za afya na kuongeza ubora wa huduma zinazotolewa kwa wakazi wa Manispaa ya Kibaha.   

Comments

Post a Comment

Popular posts from this blog

UONGOZI WA SHIRIKISHO LA VYAMA VYA TIBA ASILI TANZANIA WADAIWA SI HALALI NA UMEKOSA DIRA YA KUENDESHA VYAMA VYA WAGANGA WA TIBA ASILI

Image
 Na Mwandishi Wetu                       DAR ES SALAAM   UONGOZI  wa Shirikisho la Vyama vya Waganga wa  Tiba Asili Tanzania (Shivyatiata) uliokasimishwa madaraka ya muda wa mwaka mmoja kuliongoza hadi likae sawa, unalalamikiwa na wachama wa  vyama vya waganga wa tiba asili nchini  kwa kuhodhi madaraka  kwa miaka nane kinyume cha sheria na utaratibu waliokubaliana. Wakizungumza na Mwandishi wa DMNews online Tanzania Disemba 31, 2025 baadhi ya wanachama wa vyama vya waganga wa tiba asili kutoka vyama 28 vinavyounda shirikisho hilo, kwamba  uongozi uliopo si halali wakidai haukuchaguliwa kikatiba. Pia, wamesema kuwa uongozi huo wa Shirikisho umeshindwa kutimiza majukumu na malengo ya Serikali kuukasimisha madaraka ya muda badala yake unalitumia kujinufaisha wenyewe ikiwamo kufifisha shirikisho kwa kulikosesha dira. Mwenyekiti wa Umoja wa Watengeneza Bidhaa Asili Tanzania (UWABIATA) Rajab Ha...
Read more

MWAKIPOSA ASHINDA NAFASI YA UWENYEKITI WA WENYEVITI WA SERIKALI YA MTAA MKOA WA DAR ES SALAAM

Image
  Na Angelina Mganga -DmNewsOnline     BDAR ES SALAAM  UCHAGUZI wa nafasi ya  Uwenyekiti na Katibu Mkuu wa Umoja wa Wenyeviti wa Serikali za Mitaa Mkoa wa Dar es Salaam umefanyika Leo Juni 20,2026,na umemalizika kwa amani na utulivu. Uchaguzi huo ulikuwa na wagombea watatu ambao  wamewania nafasi hiyo ya Uwenyeviti wa Wenyeviti wa Serikali ya Mtaa Mkoa wa Dar es Salaam   Wagombe wa nafasi ya Uwenyeviti ni Consolatha M.Rwiza Juma A.Mwingano na Razalous A.Mwakiposa  Katika uchaguzi huo Razalous A.Mwakiposa ameibuka mshindi wa nafasi hiyo ya  Uwenyekiti huku Peppino Sudi Peppino akishinda nafasi ya Katibu. Akizungumza wakati wa kutangaza matokeo ya uchaguzi huo,Msimamizi wa Uchaguzi Kambi Sinde amesema kuwa kura zilizopigwa ni 37 na wagombea  walikuwa  Consolatha M.Rwiza (11),Juma A.Mwingano  (2 )na Razalous A.Mwakiposa ( 24 ) hakuna kura iliyoharibika.  Razalous A.Mwakiposa ameshinda Kwa kura 24 kati ya kura 37zilizopig...
Read more

KILINDI BARABARA BADO NI CHANGAMOTO

Image
 Mwenyekiti wa Halmashauri ya Wilaya ya Kilindi, Dkt. Michael Chabai.  Na Yusuph Mussa,DmNewsonline                 KILINDI MWENYEKITI wa Halmashauri ya Wilaya ya Kilindi mkoani Tanga, Dkt. Michael Chabai amesema barabara za wilaya hiyo bado ni changamoto, na kueleza moja ya sababu ya wakulima kuuza mazao yao kwa bei ya chini ni kutokana na changamoto ya barabara hizo. Ameyasema hayo Agosti 22, 2026 wakati anafungua kikao cha Baraza la Madiwani wa Halmashauri hiyo, na kuongeza kuwa jitihada zinahitajika kwa Wakala wa Barabara za Vijijini na Mijini (TARURA) kuhakikisha wanafanyia matengenezo ya mara kwa mara barabara za vijijini ili kuona wakulima wanakuwa na uwezo wa kwenda kuuza  mazao yao sokoni. "Barabara zetu kwenye wilaya yetu bado ni changamoto, na hii inasababisha mazao ya wakukima wetu kuuzwa kwa bei ya chini. Hivyo tunataka kuona barabara hizo zinapitika ili wakulima wetu waweze kufikisha mazao yao sokoni" alisema Dkt. Chab...
Read more