DC NZEGA ATOA OFA YA ELIMU KWA WATOTO WASIO NA UWEZO

  Na Allan Kitwe,DmNewsonline

                  TABORA

WILAYA ya Nzega Mkoani Tabora imetangaza ofa ya elimu kwa watoto wote wanaochaguliwa kujiunga kidato cha kwanza na wale wanaochaguliwa kuingia kidato cha tano watakaoshindwa kuripoti shuleni kwa kukosa mahitaji muhimu.

Ofa hiyo imetangazwa na Mkuu wa Wilaya hiyo Naitapwak Tukai alipokuwa akiongea na wananchi kwenye ziara ya Kamati ya Siasa iliyotembelea na kukagua mradi wa shule mpya ya Sekondari ya Kampala iliyopo katika Kata ya Ndala.

Amesema kuwa shule hiyo iliyogharimu zaidi ya shilingi milioni 300 imekamilika kwa asilimia 100 na imejengwa kwa ubora wa hali ya juu, hali itakayosaidia watoto kusomea kwenye shule yenye mazingira bora zaidi.      

Mkuu huyo wa Wilaya  amesisitiza kuwa wamejipanga vizuri ili kuhakikisha watoto wote wanaochaguliwa kujiunga kidato cha kwanza na wale wanaochaguliwa kuendelea kidato cha tano wanaripoti katika shule zao pasipo kukosa.

‘Mtoto yeyote atakayeshindwa kuripoti kwa kukosa mahitaji muhimu ya shule tutampatia mahitaji yote ili asikosea fursa hii ya kielimu, katika hili tumejipanga vizuri, hakuna mtoto atakayeachwa nyuma bila elimu, tutamsaidia,’ amesema.

Amewashukuru wadau wa elimu Wilayani humo ambao wamekuwa wakiguswa na hili na kumuunga mkono kwa kutoa michango mbalimbali ili kusaidia watoto wote wanaoshindwa kuendelea na masomo kwa kukosa mtu wa kuwasaidia.

‘Katika hili, naomba Wabunge wetu, Wakurugenzi wa Halmashauri, Wataalamu na Viongozi wote tushikamane na kuwachangia watoto wetu ili kuhakikisha wanapata elimu stahiki ili waweze kutimiza ndoto za maisha yao’, amebainisha.

Amepongeza serikali ya awamu ya sita kwa kutoa fedha za kutosha kwa ajili kuifanyia maboresho makubwa miundombinu ya shule zote ikiwemo kujengwa shule mpya katika maeneo yenye msongamano mkubwa wa watoto.

Mbunge wa Jimbo la Nzega Vijijini Netto Kapalata ameeleza kufurahishwa na uamuzi wa serikali wa kuwapatia shilingi mil 342 .9 kwa ajili ya ujenzi wa shule hiyo mpya na ya kisasa ili kusaidia watoto wasitembee umbali mrefu.

Ameahidi kuunga mkono juhudi za Mkuu wa Wilaya kwa kuhakikisha watoto wote wasio na uwezo wa kumudu mahitaji ya shule wanawezeshwa kupata elimu, alitoa wito kwa wazazi na walezi kutozuia watoto wao kwenda shule.   

Comments

Post a Comment

Popular posts from this blog

UONGOZI WA SHIRIKISHO LA VYAMA VYA TIBA ASILI TANZANIA WADAIWA SI HALALI NA UMEKOSA DIRA YA KUENDESHA VYAMA VYA WAGANGA WA TIBA ASILI

Image
 Na Mwandishi Wetu                       DAR ES SALAAM   UONGOZI  wa Shirikisho la Vyama vya Waganga wa  Tiba Asili Tanzania (Shivyatiata) uliokasimishwa madaraka ya muda wa mwaka mmoja kuliongoza hadi likae sawa, unalalamikiwa na wachama wa  vyama vya waganga wa tiba asili nchini  kwa kuhodhi madaraka  kwa miaka nane kinyume cha sheria na utaratibu waliokubaliana. Wakizungumza na Mwandishi wa DMNews online Tanzania Disemba 31, 2025 baadhi ya wanachama wa vyama vya waganga wa tiba asili kutoka vyama 28 vinavyounda shirikisho hilo, kwamba  uongozi uliopo si halali wakidai haukuchaguliwa kikatiba. Pia, wamesema kuwa uongozi huo wa Shirikisho umeshindwa kutimiza majukumu na malengo ya Serikali kuukasimisha madaraka ya muda badala yake unalitumia kujinufaisha wenyewe ikiwamo kufifisha shirikisho kwa kulikosesha dira. Mwenyekiti wa Umoja wa Watengeneza Bidhaa Asili Tanzania (UWABIATA) Rajab Ha...
Read more

MWAKIPOSA ASHINDA NAFASI YA UWENYEKITI WA WENYEVITI WA SERIKALI YA MTAA MKOA WA DAR ES SALAAM

Image
  Na Angelina Mganga -DmNewsOnline     BDAR ES SALAAM  UCHAGUZI wa nafasi ya  Uwenyekiti na Katibu Mkuu wa Umoja wa Wenyeviti wa Serikali za Mitaa Mkoa wa Dar es Salaam umefanyika Leo Juni 20,2026,na umemalizika kwa amani na utulivu. Uchaguzi huo ulikuwa na wagombea watatu ambao  wamewania nafasi hiyo ya Uwenyeviti wa Wenyeviti wa Serikali ya Mtaa Mkoa wa Dar es Salaam   Wagombe wa nafasi ya Uwenyeviti ni Consolatha M.Rwiza Juma A.Mwingano na Razalous A.Mwakiposa  Katika uchaguzi huo Razalous A.Mwakiposa ameibuka mshindi wa nafasi hiyo ya  Uwenyekiti huku Peppino Sudi Peppino akishinda nafasi ya Katibu. Akizungumza wakati wa kutangaza matokeo ya uchaguzi huo,Msimamizi wa Uchaguzi Kambi Sinde amesema kuwa kura zilizopigwa ni 37 na wagombea  walikuwa  Consolatha M.Rwiza (11),Juma A.Mwingano  (2 )na Razalous A.Mwakiposa ( 24 ) hakuna kura iliyoharibika.  Razalous A.Mwakiposa ameshinda Kwa kura 24 kati ya kura 37zilizopig...
Read more

KILINDI BARABARA BADO NI CHANGAMOTO

Image
 Mwenyekiti wa Halmashauri ya Wilaya ya Kilindi, Dkt. Michael Chabai.  Na Yusuph Mussa,DmNewsonline                 KILINDI MWENYEKITI wa Halmashauri ya Wilaya ya Kilindi mkoani Tanga, Dkt. Michael Chabai amesema barabara za wilaya hiyo bado ni changamoto, na kueleza moja ya sababu ya wakulima kuuza mazao yao kwa bei ya chini ni kutokana na changamoto ya barabara hizo. Ameyasema hayo Agosti 22, 2026 wakati anafungua kikao cha Baraza la Madiwani wa Halmashauri hiyo, na kuongeza kuwa jitihada zinahitajika kwa Wakala wa Barabara za Vijijini na Mijini (TARURA) kuhakikisha wanafanyia matengenezo ya mara kwa mara barabara za vijijini ili kuona wakulima wanakuwa na uwezo wa kwenda kuuza  mazao yao sokoni. "Barabara zetu kwenye wilaya yetu bado ni changamoto, na hii inasababisha mazao ya wakukima wetu kuuzwa kwa bei ya chini. Hivyo tunataka kuona barabara hizo zinapitika ili wakulima wetu waweze kufikisha mazao yao sokoni" alisema Dkt. Chab...
Read more