BALOZI DKT NCHIMBI : UJUZI WA RASIRIMALI WATU NI NGUZO MUHIMU KATIKA TAASISI ZA AFYA.

  Timothy Marko | DmNewsOnline

         DAR ES SALAAM

TAASISI  za afya nchini zimetakiwa kuendelea kujenga uwezo wa rasilimali watu ili kuimarisha uwezo wa taasisi na kuongeza ufanisi katika utoaji wa huduma za afya.

Wito huo umetolewa leo, Julai 16, 2026, na Makamu wa Rais wa Jamhuri ya Muungano wa Tanzania, Balozi Dkt
 Emanuel Nchimbi, wakati wa maadhimisho ya miaka 20 ya Taasisi ya Benjamin Mkapa Foundation.

Akizungumza katika hafla hiyo, Dkt. Nchimbi amesema afya ni nguzo muhimu ya maendeleo ya taifa, kwani rasilimali watu yenye afya ndiyo msingi wa ukuaji wa uchumi na maendeleo endelevu.

Amesema Hayati Rais Benjamin Mkapa alitambua umuhimu wa kuimarisha sekta ya afya kama njia ya kujenga rasilimali watu na kuleta mageuzi ya kiuchumi nchini.

"Taasisi ya Benjamin Mkapa imefanikiwa kukuza na kuwekeza katika maendeleo ya rasilimali watu, jambo lililochangia kuimarisha uwezo wa taasisi mbalimbali za afya," amesema Dkt. Nchimbi.

Amesisitiza kuwa ili sekta ya afya iweze kutoa huduma zenye ufanisi, ni muhimu kuwaandaa viongozi wa kada za afya kitaaluma na kuwajengea uwezo wa kusimamia taasisi kwa ufanisi.

Pia ameeleza kuwa vijana wanapaswa kupewa kipaumbele katika kujengewa uwezo wa kitaaluma ili kuhakikisha kunakuwepo kizazi chenye uwezo wa kuendeleza na kuimarisha taasisi za afya.

Kwa upande wake, Rais wa Serikali ya Mapinduzi ya Zanzibar, Dkt. Hussein Mwinyi, amesema katika kipindi cha miaka 20 tangu kuanzishwa kwake, Taasisi ya Benjamin Mkapa Foundation imefanikiwa kujenga viongozi imara na kuendeleza rasilimali watu katika sekta ya afya.

Amesema kama mrithi wa maono ya Hayati Benjamin Mkapa, ataendelea kuhakikisha malengo na dira ya Taasisi ya Benjamin Mkapa Foundation yanaendelezwa na kufikiwa.

"Tunapotafakari urithi wa Hayati Benjamin Mkapa, tunatafakari pia umuhimu wa kuandaa viongozi wenye uwezo wa kuimarisha taasisi zetu," amesema Dkt. Mwinyi.

Katika hatua nyingine, Naibu Waziri wa Afya, Dkt. Florence Samizi, amesema Afrika inaendelea kukabiliwa na ongezeko kubwa la idadi ya watu, hali inayoongeza mahitaji ya watumishi wa afya wenye ujuzi na weledi.

Amesema uwekezaji katika maendeleo ya rasilimali watu katika sekta ya afya ni muhimu ili kuhakikisha huduma bora zinapatikana na kukidhi mahitaji ya wananchi yanayoendelea kuongezeka. 



Comments

Post a Comment

Popular posts from this blog

UONGOZI WA SHIRIKISHO LA VYAMA VYA TIBA ASILI TANZANIA WADAIWA SI HALALI NA UMEKOSA DIRA YA KUENDESHA VYAMA VYA WAGANGA WA TIBA ASILI

Image
 Na Mwandishi Wetu                       DAR ES SALAAM   UONGOZI  wa Shirikisho la Vyama vya Waganga wa  Tiba Asili Tanzania (Shivyatiata) uliokasimishwa madaraka ya muda wa mwaka mmoja kuliongoza hadi likae sawa, unalalamikiwa na wachama wa  vyama vya waganga wa tiba asili nchini  kwa kuhodhi madaraka  kwa miaka nane kinyume cha sheria na utaratibu waliokubaliana. Wakizungumza na Mwandishi wa DMNews online Tanzania Disemba 31, 2025 baadhi ya wanachama wa vyama vya waganga wa tiba asili kutoka vyama 28 vinavyounda shirikisho hilo, kwamba  uongozi uliopo si halali wakidai haukuchaguliwa kikatiba. Pia, wamesema kuwa uongozi huo wa Shirikisho umeshindwa kutimiza majukumu na malengo ya Serikali kuukasimisha madaraka ya muda badala yake unalitumia kujinufaisha wenyewe ikiwamo kufifisha shirikisho kwa kulikosesha dira. Mwenyekiti wa Umoja wa Watengeneza Bidhaa Asili Tanzania (UWABIATA) Rajab Ha...
Read more

MWAKIPOSA ASHINDA NAFASI YA UWENYEKITI WA WENYEVITI WA SERIKALI YA MTAA MKOA WA DAR ES SALAAM

Image
  Na Angelina Mganga -DmNewsOnline     BDAR ES SALAAM  UCHAGUZI wa nafasi ya  Uwenyekiti na Katibu Mkuu wa Umoja wa Wenyeviti wa Serikali za Mitaa Mkoa wa Dar es Salaam umefanyika Leo Juni 20,2026,na umemalizika kwa amani na utulivu. Uchaguzi huo ulikuwa na wagombea watatu ambao  wamewania nafasi hiyo ya Uwenyeviti wa Wenyeviti wa Serikali ya Mtaa Mkoa wa Dar es Salaam   Wagombe wa nafasi ya Uwenyeviti ni Consolatha M.Rwiza Juma A.Mwingano na Razalous A.Mwakiposa  Katika uchaguzi huo Razalous A.Mwakiposa ameibuka mshindi wa nafasi hiyo ya  Uwenyekiti huku Peppino Sudi Peppino akishinda nafasi ya Katibu. Akizungumza wakati wa kutangaza matokeo ya uchaguzi huo,Msimamizi wa Uchaguzi Kambi Sinde amesema kuwa kura zilizopigwa ni 37 na wagombea  walikuwa  Consolatha M.Rwiza (11),Juma A.Mwingano  (2 )na Razalous A.Mwakiposa ( 24 ) hakuna kura iliyoharibika.  Razalous A.Mwakiposa ameshinda Kwa kura 24 kati ya kura 37zilizopig...
Read more

KILINDI BARABARA BADO NI CHANGAMOTO

Image
 Mwenyekiti wa Halmashauri ya Wilaya ya Kilindi, Dkt. Michael Chabai.  Na Yusuph Mussa,DmNewsonline                 KILINDI MWENYEKITI wa Halmashauri ya Wilaya ya Kilindi mkoani Tanga, Dkt. Michael Chabai amesema barabara za wilaya hiyo bado ni changamoto, na kueleza moja ya sababu ya wakulima kuuza mazao yao kwa bei ya chini ni kutokana na changamoto ya barabara hizo. Ameyasema hayo Agosti 22, 2026 wakati anafungua kikao cha Baraza la Madiwani wa Halmashauri hiyo, na kuongeza kuwa jitihada zinahitajika kwa Wakala wa Barabara za Vijijini na Mijini (TARURA) kuhakikisha wanafanyia matengenezo ya mara kwa mara barabara za vijijini ili kuona wakulima wanakuwa na uwezo wa kwenda kuuza  mazao yao sokoni. "Barabara zetu kwenye wilaya yetu bado ni changamoto, na hii inasababisha mazao ya wakukima wetu kuuzwa kwa bei ya chini. Hivyo tunataka kuona barabara hizo zinapitika ili wakulima wetu waweze kufikisha mazao yao sokoni" alisema Dkt. Chab...
Read more