18 WANASWA NA POLISI KWA MAKOSA YA UHALIFU



  Na Allan Kitwe DmNewsonline

           TABORA 

JESHI la Polisi Mkoani Tabora limefanikiwa kunasa watuhumiwa 18 waliokuwa wakijihusisha na vitendo mbalimbali vya kihalifu ikiwemo mauaji na kuwafikisha mahakamani, miongoni mwao sita wamehukumiwa kunyongwa hadi kufa.

Hayo yamebainishwa leo na Kamanda wa Polisi Mkoani hapa ACP Twaha Lulengelule alipokuwa akiongea na waandishi wa habari katika ukumbi wa Polisi wa Elangwa Shahidi kwenye hafla maalumu ya kujitambulisha kwa wanahabari.  

Amefafanua kuwa watuhumiwa hao wamekamatwa katika kipindi cha mwezi Juni na Julai 2026 kutokana na oparesheni, doria na misako mbalimbali iliyofanywa na Jeshi hilo katika Wilaya zote za Mkoa huo ili kukabiliana na vitendo vya uhalifu.

Katika msako wa Juni 18, 2026 majira ya saa 8:00 mchana huko Wilayani Sikonge walikamatwa watuhumiwa 4 wakiwa na silaha 1 aina ya Rifle Model 70-458 isiyo na namba ikiwa na risasi 3, wakiwa katika Pori la Nkomango, tarafa ya Kiwele.

Wengine 9 walikamatwa katika maeneo mbalimbali ya Mkoa huo wakiwa na jumla ya kilo 117 na kete 2062 za dawa za kulevya aina ya bangi, wote wako mahakamani kujibu tuhuma zinazowakabili.

Kamanda Lulengelule ameeleza kuwa katika oparesheni iliyofanyika kati ya Juni 17 na Julai 19, 2026 jumla ya watuhumiwa 6 walikamatwa kwa makosa ya mauaji na kufikishwa mahakamani na wote wamehukumiwa kunyongwa hadi kufa.

Ametaja waliokamatwa na kuhukumiwa na Mahakama Kuu ya Tanzania Kanda ya Tabora kuwa ni Majuto Lutema (32), Sida Mayeka (47), Kulwa Masunga Senga (44) na Iddy Ramadhani (35) wakazi wa Wilaya ya Sikonge Mkoani Tabora.

Wengine waliotiwa hatiani na Mahakama hiyo na kuhukumiwa kunyongwa ni Mussa Marko (28), Mkazi wa Ushirombo, Wilaya ya Kahama Mkoani Shinyanga na Chandika Fideli (36) Mkazi wa Kijiji cha Mkola, Wilaya ya Urambo.

Aidha katika kuhakikisha jamii inashiriki kikamilifu katika suala zima la ulinzi, Jeshi la Polisi Mkoa wa Tabora limeendelea kutoa elimu kwa jamii katika maeneo yote ya Mkoa huo ili kuimarisha dhana ya Polisi Jamii, mikutano 90,000 ilifanyika.

Aidha vikundi vya ulinzi shirikishi zaidi ya 100 vimeanzishwa na kupewa elimu ili kupunguza uhalifu, na katika kudumisha usalama barabarani wametoa elimu kwa watumiaji wa vyombo vya moto na kuchukuliwa hatua waliovunja sheria.

Kamanda Lulengelule ametoa wito kwa wananchi kujiepusha na vitendo vya uhalifu na kufanya shughuli zilizo halali na kuonya kuwa yeyote atakayeenda kinyume ikiwemo kufanya biashara haramu atachukuliwa hatua kali za kisheria.

Comments

Post a Comment

Popular posts from this blog

UONGOZI WA SHIRIKISHO LA VYAMA VYA TIBA ASILI TANZANIA WADAIWA SI HALALI NA UMEKOSA DIRA YA KUENDESHA VYAMA VYA WAGANGA WA TIBA ASILI

Image
 Na Mwandishi Wetu                       DAR ES SALAAM   UONGOZI  wa Shirikisho la Vyama vya Waganga wa  Tiba Asili Tanzania (Shivyatiata) uliokasimishwa madaraka ya muda wa mwaka mmoja kuliongoza hadi likae sawa, unalalamikiwa na wachama wa  vyama vya waganga wa tiba asili nchini  kwa kuhodhi madaraka  kwa miaka nane kinyume cha sheria na utaratibu waliokubaliana. Wakizungumza na Mwandishi wa DMNews online Tanzania Disemba 31, 2025 baadhi ya wanachama wa vyama vya waganga wa tiba asili kutoka vyama 28 vinavyounda shirikisho hilo, kwamba  uongozi uliopo si halali wakidai haukuchaguliwa kikatiba. Pia, wamesema kuwa uongozi huo wa Shirikisho umeshindwa kutimiza majukumu na malengo ya Serikali kuukasimisha madaraka ya muda badala yake unalitumia kujinufaisha wenyewe ikiwamo kufifisha shirikisho kwa kulikosesha dira. Mwenyekiti wa Umoja wa Watengeneza Bidhaa Asili Tanzania (UWABIATA) Rajab Ha...
Read more

MWAKIPOSA ASHINDA NAFASI YA UWENYEKITI WA WENYEVITI WA SERIKALI YA MTAA MKOA WA DAR ES SALAAM

Image
  Na Angelina Mganga -DmNewsOnline     BDAR ES SALAAM  UCHAGUZI wa nafasi ya  Uwenyekiti na Katibu Mkuu wa Umoja wa Wenyeviti wa Serikali za Mitaa Mkoa wa Dar es Salaam umefanyika Leo Juni 20,2026,na umemalizika kwa amani na utulivu. Uchaguzi huo ulikuwa na wagombea watatu ambao  wamewania nafasi hiyo ya Uwenyeviti wa Wenyeviti wa Serikali ya Mtaa Mkoa wa Dar es Salaam   Wagombe wa nafasi ya Uwenyeviti ni Consolatha M.Rwiza Juma A.Mwingano na Razalous A.Mwakiposa  Katika uchaguzi huo Razalous A.Mwakiposa ameibuka mshindi wa nafasi hiyo ya  Uwenyekiti huku Peppino Sudi Peppino akishinda nafasi ya Katibu. Akizungumza wakati wa kutangaza matokeo ya uchaguzi huo,Msimamizi wa Uchaguzi Kambi Sinde amesema kuwa kura zilizopigwa ni 37 na wagombea  walikuwa  Consolatha M.Rwiza (11),Juma A.Mwingano  (2 )na Razalous A.Mwakiposa ( 24 ) hakuna kura iliyoharibika.  Razalous A.Mwakiposa ameshinda Kwa kura 24 kati ya kura 37zilizopig...
Read more

KILINDI BARABARA BADO NI CHANGAMOTO

Image
 Mwenyekiti wa Halmashauri ya Wilaya ya Kilindi, Dkt. Michael Chabai.  Na Yusuph Mussa,DmNewsonline                 KILINDI MWENYEKITI wa Halmashauri ya Wilaya ya Kilindi mkoani Tanga, Dkt. Michael Chabai amesema barabara za wilaya hiyo bado ni changamoto, na kueleza moja ya sababu ya wakulima kuuza mazao yao kwa bei ya chini ni kutokana na changamoto ya barabara hizo. Ameyasema hayo Agosti 22, 2026 wakati anafungua kikao cha Baraza la Madiwani wa Halmashauri hiyo, na kuongeza kuwa jitihada zinahitajika kwa Wakala wa Barabara za Vijijini na Mijini (TARURA) kuhakikisha wanafanyia matengenezo ya mara kwa mara barabara za vijijini ili kuona wakulima wanakuwa na uwezo wa kwenda kuuza  mazao yao sokoni. "Barabara zetu kwenye wilaya yetu bado ni changamoto, na hii inasababisha mazao ya wakukima wetu kuuzwa kwa bei ya chini. Hivyo tunataka kuona barabara hizo zinapitika ili wakulima wetu waweze kufikisha mazao yao sokoni" alisema Dkt. Chab...
Read more