‎BoT YAWAHIMIZA WANANCHI KUTUMIA TAASISI ZA FEDHA ZILIZOSAJILIWA




Na Mwandishi wetu,DmNewsTz
Tanga

‎Benki Kuu ya Tanzania (BoT) imewahimiza wananchi kuhakikisha wanachagua na kutumia huduma za taasisi za fedha zilizosajiliwa rasmi na benki hiyo ili kujilinda dhidi ya hatari za kifedha na kuchangia ukuaji wa uchumi wa mtu mmoja mmoja na Taifa kwa ujumla.
‎
‎Wito huo umetolewa na Afisa Mkuu Mwandamizi wa Benki Kuu ya Tanzania (BoT)  kutoka Kurugenzi ya Usimamizi wa Sekta ya Fedha, Mwile Kauzeni, wakati akizungumza na waandishi wa habari kwenye maadhimisho  ya Wiki ya Huduma za Kifedha yanayoendelea kitaifa mkoani Tanga.
‎
‎Kauzeni amesema kuwa wananchi wanaotaka kupata mikopo kwa ajili ya kuendeleza shughuli zao za kiuchumi wanapaswa kwanza kuzitambua taasisi za fedha zilizosajiliwa na Benki Kuu ya Tanzania kwa kutembelea tovuti rasmi ya BoT ya www.bot.go.tz, ambako kuna orodha ya benki, taasisi nyingine za fedha pamoja na maduka ya kubadilisha fedha za kigeni (bureau de change).
‎
‎Amesema kuwa mwananchi anatakiwa kuwa makini katika kuchagua taasisi ya kifedha inayomfaa, ikiwemo kufahamu aina ya mikopo inayotolewa na taasisi husika kabla ya kuingia makubaliano ya mkopo.
‎
‎“Ni muhimu kwa mkopaji kujaza fomu na kuelewa masharti ya mkopo, kutambua wajibu wake wa kufanya marejesho kwa wakati, huku taasisi ya fedha nayo ikifahamu wajibu wake kwa mteja,” amesema Kauzeni.
‎
‎ amewasisitiza wananchi, hususan wanawake, kuhakikisha wanakopa kwenye taasisi zilizosajiliwa ili kuepuka mikopo hatarishi kutoka kwa taasisi zisizo halali.
‎
‎Katika maelezo yake, Kauzeni ameongeza kuwa BoT ina jukumu la kusimamia benki, taasisi za fedha, maduka ya kubadilisha fedha za kigeni pamoja na taasisi nyingine kama benki za maendeleo na taasisi za fedha zinazotoa mikopo kwa njia ya vifaa. 
‎
‎Amesisitiza kuwa taasisi zote lazima zipate leseni kutoka BoT kabla ya kuanza kutoa huduma na zinapaswa kuzingatia sheria na kanuni za usimamizi wa sekta ya fedha.
‎
‎Kwa upande wake, Afisa Sheria Mwandamizi kutoka Kurugenzi ya Ustawi na Huduma Jumuishi za Kifedha, Kitengo cha Malalamiko ya Wateja wa Huduma za Kibenki, Ramadhani Miyonga, amesema BoT imeweka mabanda maalumu katika maonesho hayo kwa ajili ya kutoa elimu kwa wananchi kuhusu namna ya kushughulikia malalamiko yao dhidi ya taasisi za fedha zilizosajiliwa.
‎
‎Miyonga ameeleza kuwa BoT imeanzisha mfumo wa kidigitali uitwao “Sema na BoT”, unaopatikana kupitia tovuti ya Benki Kuu ya Tanzania  ambapo wananchi wanaweza kuwasilisha malalamiko yao.
‎
‎Ameongeza kuwa BoT pia imetoa namba ya bure 0800 111 100 kwa wananchi wanaohitaji msaada au maelekezo ya namna ya kutumia mfumo wa Sema na BoT.
‎
‎Hata hivyo, Miyonga amesisitiza kuwa msaada huo unahusu wateja wa taasisi za fedha zilizosajiliwa pekee, akiwataka wananchi kuepuka kushirikiana na taasisi zisizosajiliwa kwani BoT haiwezi kuzisaidia endapo kutatokea migogoro.
‎
‎Amefafanua kuwa kwa mujibu wa kanuni za malalamiko ya wateja wa huduma za fedha za mwaka 2019 zilizofanyiwa marekebisho mwaka 2025, mteja mwenye malalamiko anatakiwa kwanza kuwasilisha malalamiko yake katika taasisi ya fedha husika, ambayo inapewa muda wa siku 14 kuyashughulikia.
‎
‎“Endapo mteja hataridhika na majibu au hatapata majibu ndani ya muda huo, ndipo anapopaswa kuwasilisha malalamiko yake kupitia mfumo wa SEMA na BoT,” amesema Miyonga.
‎
‎BoT imewataka wananchi kujitokeza kwa wingi katika maonesho ya Wiki ya Huduma za Kifedha ili kujifunza masuala mbalimbali ya kifedha yatakayowawezesha kufanya maamuzi sahihi na kuchangia katika ujenzi wa uchumi wa Taifa.



Comments

Post a Comment

Popular posts from this blog

UONGOZI WA SHIRIKISHO LA VYAMA VYA TIBA ASILI TANZANIA WADAIWA SI HALALI NA UMEKOSA DIRA YA KUENDESHA VYAMA VYA WAGANGA WA TIBA ASILI

Image
 Na Mwandishi Wetu                       DAR ES SALAAM   UONGOZI  wa Shirikisho la Vyama vya Waganga wa  Tiba Asili Tanzania (Shivyatiata) uliokasimishwa madaraka ya muda wa mwaka mmoja kuliongoza hadi likae sawa, unalalamikiwa na wachama wa  vyama vya waganga wa tiba asili nchini  kwa kuhodhi madaraka  kwa miaka nane kinyume cha sheria na utaratibu waliokubaliana. Wakizungumza na Mwandishi wa DMNews online Tanzania Disemba 31, 2025 baadhi ya wanachama wa vyama vya waganga wa tiba asili kutoka vyama 28 vinavyounda shirikisho hilo, kwamba  uongozi uliopo si halali wakidai haukuchaguliwa kikatiba. Pia, wamesema kuwa uongozi huo wa Shirikisho umeshindwa kutimiza majukumu na malengo ya Serikali kuukasimisha madaraka ya muda badala yake unalitumia kujinufaisha wenyewe ikiwamo kufifisha shirikisho kwa kulikosesha dira. Mwenyekiti wa Umoja wa Watengeneza Bidhaa Asili Tanzania (UWABIATA) Rajab Ha...
Read more

MWAKIPOSA ASHINDA NAFASI YA UWENYEKITI WA WENYEVITI WA SERIKALI YA MTAA MKOA WA DAR ES SALAAM

Image
  Na Angelina Mganga -DmNewsOnline     BDAR ES SALAAM  UCHAGUZI wa nafasi ya  Uwenyekiti na Katibu Mkuu wa Umoja wa Wenyeviti wa Serikali za Mitaa Mkoa wa Dar es Salaam umefanyika Leo Juni 20,2026,na umemalizika kwa amani na utulivu. Uchaguzi huo ulikuwa na wagombea watatu ambao  wamewania nafasi hiyo ya Uwenyeviti wa Wenyeviti wa Serikali ya Mtaa Mkoa wa Dar es Salaam   Wagombe wa nafasi ya Uwenyeviti ni Consolatha M.Rwiza Juma A.Mwingano na Razalous A.Mwakiposa  Katika uchaguzi huo Razalous A.Mwakiposa ameibuka mshindi wa nafasi hiyo ya  Uwenyekiti huku Peppino Sudi Peppino akishinda nafasi ya Katibu. Akizungumza wakati wa kutangaza matokeo ya uchaguzi huo,Msimamizi wa Uchaguzi Kambi Sinde amesema kuwa kura zilizopigwa ni 37 na wagombea  walikuwa  Consolatha M.Rwiza (11),Juma A.Mwingano  (2 )na Razalous A.Mwakiposa ( 24 ) hakuna kura iliyoharibika.  Razalous A.Mwakiposa ameshinda Kwa kura 24 kati ya kura 37zilizopig...
Read more

KILINDI BARABARA BADO NI CHANGAMOTO

Image
 Mwenyekiti wa Halmashauri ya Wilaya ya Kilindi, Dkt. Michael Chabai.  Na Yusuph Mussa,DmNewsonline                 KILINDI MWENYEKITI wa Halmashauri ya Wilaya ya Kilindi mkoani Tanga, Dkt. Michael Chabai amesema barabara za wilaya hiyo bado ni changamoto, na kueleza moja ya sababu ya wakulima kuuza mazao yao kwa bei ya chini ni kutokana na changamoto ya barabara hizo. Ameyasema hayo Agosti 22, 2026 wakati anafungua kikao cha Baraza la Madiwani wa Halmashauri hiyo, na kuongeza kuwa jitihada zinahitajika kwa Wakala wa Barabara za Vijijini na Mijini (TARURA) kuhakikisha wanafanyia matengenezo ya mara kwa mara barabara za vijijini ili kuona wakulima wanakuwa na uwezo wa kwenda kuuza  mazao yao sokoni. "Barabara zetu kwenye wilaya yetu bado ni changamoto, na hii inasababisha mazao ya wakukima wetu kuuzwa kwa bei ya chini. Hivyo tunataka kuona barabara hizo zinapitika ili wakulima wetu waweze kufikisha mazao yao sokoni" alisema Dkt. Chab...
Read more