WANAWAKE TABORA WAHAMASISHWA KUWANIA UBUNGE, UDIWANI





Na Allan Kitwe, DmNewsonline

              TABORA 

ZIKIWA zimebakia siku 123 sawa na miezi 4 kabla ya kufanyika uchaguzi mkuu wa Rais, Wabunge na Madiwani hapa nchini, Umoja wa Wanawake Tanzania (UWT) Mkoani Tabora umewataka wanawake wote wenye sifa kujitokeza kwa wingi kuchukua fomu.

Wito huo umetolewa jana na Katibu wa Jumuiya hiyo ya Chama Cha Mapinduzi (CCM) Mkoani hapa Rhoda John Madaha alipokuwa akiongea na mwandishi wa gazeti hili ofisini kwake.

Amesema kuwa akinamama wana vipaji vingi na uwezo mkubwa wa kuongoza, hivyo anatamani kuona wanawake wengi zaidi mwaka huu wakijitokeza kuchukua fomu punde tu dirisha la utoaji fomu litakapofunguliwa.

Rhoda amebainisha nafasi ambazo wanawake wa Tanzania Bara wanaweza kugombea katika uchaguzi huo kuwa ni ubunge wa jimbo, ubunge wa viti maalumu, udiwani wa kata na udiwani wa viti maalumu.

‘Hii ni fursa muhimu sana, naomba akinamama wote wa Mkoa wa Tabora wenye nia, uwezo na sifa zinazotakiwa waje kuchukua fomu za ubunge na udiwani, msikubali kukatishwa tamaa na mtu yeyote, tunataka ’, amesema.    

Katibu ameeleza kuwa kwa mujibu wa ratiba iliyotolewa ndani ya Chama, zoezi la uchukuaji na urejeshaji fomu za kuomba kuwania nafasi hizo litaanza Juni 28 mwaka huu saa 2 asubuhi na kuhitimishwa Julai 2 mwaka huu saa 10 alasiri.

Amesisitiza kuwa Chama Cha Mapinduzi ni chama cha kidemokrasia, hivyo mchakato wa kupata wagombea ndani ya chama hicho haubagui mtu, kila mmoja anaweza kuteuliwa na kuchaguliwa katika nafasi yoyote.

Ametoa wito kwa wanawake wote kutoka Wilaya zote 7 za Mkoa huo za Sikonge, Urambo, Kaliua, Nzega, Igunga, Uyui na Manispaa Tabora kujitokeza kwa wingi kuchukua fomu ili kuomba nafasi za udiwani au ubunge.

Rhoda amepongeza uamuzi wa wajumbe wa Mkutano Mkuu wa CCM kupitisha jina la Rais Dkt Samia Suluhu Hassan kuwa mgombea pekee wa kiti cha Urais wa Jamhuri ya Muungano wa Tanzania katika uchaguzi huo na Dkt Emanuel Nchimbi kuwa mgombea mwenza.   




Comments

Post a Comment

Popular posts from this blog

UONGOZI WA SHIRIKISHO LA VYAMA VYA TIBA ASILI TANZANIA WADAIWA SI HALALI NA UMEKOSA DIRA YA KUENDESHA VYAMA VYA WAGANGA WA TIBA ASILI

Image
 Na Mwandishi Wetu                       DAR ES SALAAM   UONGOZI  wa Shirikisho la Vyama vya Waganga wa  Tiba Asili Tanzania (Shivyatiata) uliokasimishwa madaraka ya muda wa mwaka mmoja kuliongoza hadi likae sawa, unalalamikiwa na wachama wa  vyama vya waganga wa tiba asili nchini  kwa kuhodhi madaraka  kwa miaka nane kinyume cha sheria na utaratibu waliokubaliana. Wakizungumza na Mwandishi wa DMNews online Tanzania Disemba 31, 2025 baadhi ya wanachama wa vyama vya waganga wa tiba asili kutoka vyama 28 vinavyounda shirikisho hilo, kwamba  uongozi uliopo si halali wakidai haukuchaguliwa kikatiba. Pia, wamesema kuwa uongozi huo wa Shirikisho umeshindwa kutimiza majukumu na malengo ya Serikali kuukasimisha madaraka ya muda badala yake unalitumia kujinufaisha wenyewe ikiwamo kufifisha shirikisho kwa kulikosesha dira. Mwenyekiti wa Umoja wa Watengeneza Bidhaa Asili Tanzania (UWABIATA) Rajab Ha...
Read more

MWAKIPOSA ASHINDA NAFASI YA UWENYEKITI WA WENYEVITI WA SERIKALI YA MTAA MKOA WA DAR ES SALAAM

Image
  Na Angelina Mganga -DmNewsOnline     BDAR ES SALAAM  UCHAGUZI wa nafasi ya  Uwenyekiti na Katibu Mkuu wa Umoja wa Wenyeviti wa Serikali za Mitaa Mkoa wa Dar es Salaam umefanyika Leo Juni 20,2026,na umemalizika kwa amani na utulivu. Uchaguzi huo ulikuwa na wagombea watatu ambao  wamewania nafasi hiyo ya Uwenyeviti wa Wenyeviti wa Serikali ya Mtaa Mkoa wa Dar es Salaam   Wagombe wa nafasi ya Uwenyeviti ni Consolatha M.Rwiza Juma A.Mwingano na Razalous A.Mwakiposa  Katika uchaguzi huo Razalous A.Mwakiposa ameibuka mshindi wa nafasi hiyo ya  Uwenyekiti huku Peppino Sudi Peppino akishinda nafasi ya Katibu. Akizungumza wakati wa kutangaza matokeo ya uchaguzi huo,Msimamizi wa Uchaguzi Kambi Sinde amesema kuwa kura zilizopigwa ni 37 na wagombea  walikuwa  Consolatha M.Rwiza (11),Juma A.Mwingano  (2 )na Razalous A.Mwakiposa ( 24 ) hakuna kura iliyoharibika.  Razalous A.Mwakiposa ameshinda Kwa kura 24 kati ya kura 37zilizopig...
Read more

KILINDI BARABARA BADO NI CHANGAMOTO

Image
 Mwenyekiti wa Halmashauri ya Wilaya ya Kilindi, Dkt. Michael Chabai.  Na Yusuph Mussa,DmNewsonline                 KILINDI MWENYEKITI wa Halmashauri ya Wilaya ya Kilindi mkoani Tanga, Dkt. Michael Chabai amesema barabara za wilaya hiyo bado ni changamoto, na kueleza moja ya sababu ya wakulima kuuza mazao yao kwa bei ya chini ni kutokana na changamoto ya barabara hizo. Ameyasema hayo Agosti 22, 2026 wakati anafungua kikao cha Baraza la Madiwani wa Halmashauri hiyo, na kuongeza kuwa jitihada zinahitajika kwa Wakala wa Barabara za Vijijini na Mijini (TARURA) kuhakikisha wanafanyia matengenezo ya mara kwa mara barabara za vijijini ili kuona wakulima wanakuwa na uwezo wa kwenda kuuza  mazao yao sokoni. "Barabara zetu kwenye wilaya yetu bado ni changamoto, na hii inasababisha mazao ya wakukima wetu kuuzwa kwa bei ya chini. Hivyo tunataka kuona barabara hizo zinapitika ili wakulima wetu waweze kufikisha mazao yao sokoni" alisema Dkt. Chab...
Read more