CHAMA CHA MAKINI KIMEWATAKA WATANZANIA KUDUMISHA AMANI NA UTULIVU TUNAPOEKEA UCHAGUZI MKUU

Na Mwandishi wetu,DmNewsOnline

           DAR ES SALAAM 

MWENYEKITI  wa Chama Cha Makini (Taifa) Coaster Jimmy Kibonde amewataka watanzania kudumisha amani,utulivu na mshikamano tunapoelekea katika kipindi cha Uchaguzi Mkuu unaotarajiwa kufanyika Oktoba mwaka huu.

Akizungumza na Mwandishi wa DmNewsOnline  leo Februari 24,2025  Mwenyekiti wa Chama hicho amesema kuwa dira ya Chama ni kuwahimiza,kuwashawishi na kuwawezesha watanzania kupata Elimu na hasa elimu ya Sayansi na Teknolojia.

Kibonde amesema vyama vya siasa vipo 19 kikiwemo Chama Cha Makini kwahiyo tunawaomba watanzania kukiunga mkono Chama cha makini popote alipo kwa kusikiliza sera za chama hicho kwani kinaongozwa na viongozi makini.

"Sisi Chama Cha Makini tutashiriki  kikamilifu uchaguzi na tutasimamisha wagombea  wenye sifa kwa nafasi ya Urais,Wabunge na Madiwani Tanzania Bara na Zanzibar",amesema Kibonde.

Ameongeza kuwa wanatarajia kufanya Mkutano Mkuu wa Kamati Kuu  ya Chama mwezi Juni kwa ajili ya kupitisha majina ya wagombea wa Urais kwa Tanzania Bara na Zanzibar.

Akizungumzia kauli iliyotolewa hivi karibuni na Mwenyekiti wa Chadema Tundu Lisu kuwa "No reform,no election", amesema wao hawaungi mkono kauli hiyo

"Sisi kama Chama cha Makini hiyo kauli ni ya kwao wao kama CHADEMA sisi haituhusu mbaya zaidi hiyo kauli hatuiungi mkono kwa sababu kauli  ni dhahiri italeta sitofahamu katika nchi,kuleta vurugu katika nchi ni kauli ambayo kuhatarisha amani na utulivu,ambayo sisi kama Taifa la Tanzania tunajivunia,hata mataifa ya nje wamekua wakizungumzia na kutuone choyo Kwa amani tuliyonayo hivyo hatuiungi mkono na Wala hatutasusia uchaguzi",amesema Kibonde.

Hata hivyo amefafanua kwamba sisi tunawaomba watanzania kutuunga mkono kwa sera za chama tutakazo zitoa kwenye majukwaa.

Kuhusu kauli mbiu ya Chama"Hatulali usingizi,tukilala usingizi nchi itauzwa",

Chama cha Makini kilianzishwa mwaka 2001 wakati huo kikitambulika kama  Demokrasia Makini lakini kutokana na mfanano na jina la Chadema waliamua kukaa kikao mwaka 2024 kwa ajili ya kubadilisha jina.

"Agosti 25,2024 Viongozi waliketi kwenye Mkutano na kujadili kubadilisha jina na hatimaye tukaamua kwa pamoja na kuwa na jina la Chama Makini,kwani watanzania wengi walilifananisha na Chama kingine.

Kwahiyo tangu Agosti 25,2024 tukawa Chama cha Makini na mpaka sasa tunajumla ya wanachama  hai 16,000,000 kwa Tanzania Bara na Zanzibar. 

Comments

Post a Comment

Popular posts from this blog

UONGOZI WA SHIRIKISHO LA VYAMA VYA TIBA ASILI TANZANIA WADAIWA SI HALALI NA UMEKOSA DIRA YA KUENDESHA VYAMA VYA WAGANGA WA TIBA ASILI

Image
 Na Mwandishi Wetu                       DAR ES SALAAM   UONGOZI  wa Shirikisho la Vyama vya Waganga wa  Tiba Asili Tanzania (Shivyatiata) uliokasimishwa madaraka ya muda wa mwaka mmoja kuliongoza hadi likae sawa, unalalamikiwa na wachama wa  vyama vya waganga wa tiba asili nchini  kwa kuhodhi madaraka  kwa miaka nane kinyume cha sheria na utaratibu waliokubaliana. Wakizungumza na Mwandishi wa DMNews online Tanzania Disemba 31, 2025 baadhi ya wanachama wa vyama vya waganga wa tiba asili kutoka vyama 28 vinavyounda shirikisho hilo, kwamba  uongozi uliopo si halali wakidai haukuchaguliwa kikatiba. Pia, wamesema kuwa uongozi huo wa Shirikisho umeshindwa kutimiza majukumu na malengo ya Serikali kuukasimisha madaraka ya muda badala yake unalitumia kujinufaisha wenyewe ikiwamo kufifisha shirikisho kwa kulikosesha dira. Mwenyekiti wa Umoja wa Watengeneza Bidhaa Asili Tanzania (UWABIATA) Rajab Ha...
Read more

MWAKIPOSA ASHINDA NAFASI YA UWENYEKITI WA WENYEVITI WA SERIKALI YA MTAA MKOA WA DAR ES SALAAM

Image
  Na Angelina Mganga -DmNewsOnline     BDAR ES SALAAM  UCHAGUZI wa nafasi ya  Uwenyekiti na Katibu Mkuu wa Umoja wa Wenyeviti wa Serikali za Mitaa Mkoa wa Dar es Salaam umefanyika Leo Juni 20,2026,na umemalizika kwa amani na utulivu. Uchaguzi huo ulikuwa na wagombea watatu ambao  wamewania nafasi hiyo ya Uwenyeviti wa Wenyeviti wa Serikali ya Mtaa Mkoa wa Dar es Salaam   Wagombe wa nafasi ya Uwenyeviti ni Consolatha M.Rwiza Juma A.Mwingano na Razalous A.Mwakiposa  Katika uchaguzi huo Razalous A.Mwakiposa ameibuka mshindi wa nafasi hiyo ya  Uwenyekiti huku Peppino Sudi Peppino akishinda nafasi ya Katibu. Akizungumza wakati wa kutangaza matokeo ya uchaguzi huo,Msimamizi wa Uchaguzi Kambi Sinde amesema kuwa kura zilizopigwa ni 37 na wagombea  walikuwa  Consolatha M.Rwiza (11),Juma A.Mwingano  (2 )na Razalous A.Mwakiposa ( 24 ) hakuna kura iliyoharibika.  Razalous A.Mwakiposa ameshinda Kwa kura 24 kati ya kura 37zilizopig...
Read more

KILINDI BARABARA BADO NI CHANGAMOTO

Image
 Mwenyekiti wa Halmashauri ya Wilaya ya Kilindi, Dkt. Michael Chabai.  Na Yusuph Mussa,DmNewsonline                 KILINDI MWENYEKITI wa Halmashauri ya Wilaya ya Kilindi mkoani Tanga, Dkt. Michael Chabai amesema barabara za wilaya hiyo bado ni changamoto, na kueleza moja ya sababu ya wakulima kuuza mazao yao kwa bei ya chini ni kutokana na changamoto ya barabara hizo. Ameyasema hayo Agosti 22, 2026 wakati anafungua kikao cha Baraza la Madiwani wa Halmashauri hiyo, na kuongeza kuwa jitihada zinahitajika kwa Wakala wa Barabara za Vijijini na Mijini (TARURA) kuhakikisha wanafanyia matengenezo ya mara kwa mara barabara za vijijini ili kuona wakulima wanakuwa na uwezo wa kwenda kuuza  mazao yao sokoni. "Barabara zetu kwenye wilaya yetu bado ni changamoto, na hii inasababisha mazao ya wakukima wetu kuuzwa kwa bei ya chini. Hivyo tunataka kuona barabara hizo zinapitika ili wakulima wetu waweze kufikisha mazao yao sokoni" alisema Dkt. Chab...
Read more