WANANCHI KIJIJI CHA SINGA -KIBOSHO MOSHI WALIA CHANGAMOTO YA MAJI SAFI


Na Ashrack Miraji,DmNewsOnline 
SAME KILIMANJARO 

WANANCHI wa Kijiji cha Singa Kata  ya kibosho Mashariki ,Wilaya ya Moshi Mkoani Kilimanjaro inadaiwa wanalazimika kunywa Maji machafu yanayotoka mto Karanga hali ambayo inatishia usalama wa Afya zao.

Wamesema wanakunywa maji hayo kutokana na mgao mkubwa wa maji uliopo katika kijiji hicho  kwani Kwa  mwezi wanapata mgao wa maji mara moja au kukosa kabisa.


 Wakizungunza na Mwandishi wa habari hizi mwishoni mwa wiki wamesema  kuwa licha ya kila mwananchi kuunganishiwa maji kwa gharama ya Sh162,000 mwaka 2018 changamoto ya maji imeendelea kuwepo katika kitongoji hicho hali ambayo imekuwa ikisababisha kero kwa wananchi hao 

Akizungumza kwaniaba ya wananchi wake Mwenyekiti wa kijiji hicho, Aloyce Chuwa, alisema awali wananchi wa kijiji hicho walikuwa na mradi wao wenyewe wa maji na kwamba baadaye maji yale yalitawanywa maeneo ya vijiji vingine, hali ambayo imechangia kwa kiasi kikubwa wananchi hao kukosa maji.


"Changamoto tuliyonayo hapa kijijini kwetu ni  suala la maji,  tuna maji ya bomba lakini maji haya mara kwa mara hatuyapati, tulichangia nguvu kazi yetu  kuvuta maji na baada ya kupata maji kutoka huko msituni tukawa  na mradi wa kijiji, baadaye tuliambiwa sio mradi wa kijiji tena na kwamba tumeunganishwa na kata za jirani,"

Amesema wananchi wanaweza  kukaa kwa siku sita mfululizo au zaidi bila  maji na kwamba  tatizo la maji limeendelea kuwaumiza wananchi kwani baadhi yao wanatembea umbali mrefu kwenda kutafuta maji mtoni maji ambayo sio safi na salama.


"Watu wakikosa maji kwenye bomba, wanaenda kuchota maji mtoni ya kunywa pamoja na matumizi mengine ya nyumbani, na haya yanaweza kutuathiri kiafya kwa kuwepo na magonjwa ya tumbo , maana kipindi cha nyuma watu walihara kwa kunywa maji ya mtoni,"amesema mwenyekiti huyo

Yasinta Mushi, mkazi wa kitongoji cha Singa kati, wilayani hapa, amewatupia lawama viongozi wanaosimamia miradi ya maji katika kijiji hicho na kusema kwamba changamoto hiyo ya maji inasababishwa na wao  baada ya kutokusimamia miradi ya maji katika kijiji hicho. 


"Tuna changamoto kubwa sana ya maji hapa, changamoto hii inatokana na viongozi waliopo ambao wanasimamia miradi hii ya maji, haya maji sisi wenyewe ndio tumechimba miaka hiyo na baadaye tuliambiwa ukitaka kufungiwa maji unalipa Sh 162,000 tulifanya hivyo, lakini mpaka leo hatuji hizo fedha zilienda wapi," Amesema 

"Nimefunga bomba nyumbani kwangu na nilitoa Sh162,000 cha kushangaza mpaka sasa sina maji, maji hayatoki  bombani, tunaomba serikali ituangalie maana maji tumechimba wenywe na tumechangia fedha, na hatujui ziko wapi na sisi tunaendelea kuteseka kwa kukosa maji," amesisitiza 

Amefafanua kuwa  mpaka sasa" sina maji nyumbani kwangu, tunalazimika kutumia maji machafu maana hatuna maji, inabidi uende mtoni au kwenye mfereji kuchota maji ya matumizi ya nyumbani,  tunaomba serikali itupe msaada ili haya maji yetu tuliyopambana nayo wenyewe tuweze kunufaika nayo,"

Mariham mbaruk, mmoja wa wananchi wa kijiji hicho, amesema wakati mwingine wanalazimika kutembea umbali mrefu kwenda kusaka maji ya mto karanga kwa ajili ya matumizi yao ya nyumbani ikiwemo kupikia na kunywa kutokana na changamoto ya mgao wa maji.

"Mgao wa maji umekuwa ni changamoto kubwa, hapa kwetu zinapita siku kumi na zaidi huoni maji kwenye bomba, zaidi wakati tulipofungiwa haya maji tulihakikishiwa uhakika wa maji, chakushangaza imekuwa ni kinyume chake, tunataabika sana tunaomba serikali kupitia wizara husika ije ione changamoto hii ya maji tunayopiti,"

Joseph Ngowi, Mwenyekiti wa kitongoji cha Singa Kifueni, alisema baada ya mradi wa maji kusimamiwa na taasisi ya SIKIKA ufanisi wake umekuwa mdogo na kusababisha wananchi kukosa maji kila mara hali ambayo inaleta usumbufu kwa wananchi.

 "Mwaka tuliletewa watu wanaoitwa SIKIKA  kuchukua nafasi ya  jumuiya watumia maji iliyokuwa hapa kijijini,  mpaka sasa  wananchi bado hawajaelewa hii taasisi inafanya kazi gani hapa, tumefanya vikao bila mafanikio, changamoto imeendelea kuwepo ya  maji, wananchi wanaendelea kutaabika bomba hazitoi maji,"

Ameongeza kuwa "Mwanzoni kabisa, tulichangia nguvu kazi kwenda kuchimba maji kutoka msituni kuja kwenye maeneo ya wananchi, tulitoa nguvu kazi asilimia 25 na hiyo nyingine tulisaidiwa na Wajerumani waliokuwepo hapa kijijini tukapata maji ya uhakika sasa ilipokuja hii taasisi imelkuwa ni changamoto sana,"

Alipotafutwa Meneja anayesimamia mradi wa maji kijijini hapo,  kutoka taasisi ya SIKIKA, Mwita Juma amekiri uwepo wa changamoto ya maji katika baadhi ya maeneo katika kijiji hicho, na kwamba jitihada zinafanyika kuhakikisha wananchi wanapata maji.

"Mafundi ambao wanahudumia mradi huu wapo watatu kuna eneo letu moja lipo Uchao kusini na  Maua ndio kuna changamoto ya maji, sasahivi tunaongeza nguvu katika maeneo hayo na baada ya kumaliza watahamia eno la Singa ambalo lina changamoto ya maji, hivyo uvumilivu unahitajika" Amesema Meneja Juma.

Comments

Post a Comment

Popular posts from this blog

UONGOZI WA SHIRIKISHO LA VYAMA VYA TIBA ASILI TANZANIA WADAIWA SI HALALI NA UMEKOSA DIRA YA KUENDESHA VYAMA VYA WAGANGA WA TIBA ASILI

Image
 Na Mwandishi Wetu                       DAR ES SALAAM   UONGOZI  wa Shirikisho la Vyama vya Waganga wa  Tiba Asili Tanzania (Shivyatiata) uliokasimishwa madaraka ya muda wa mwaka mmoja kuliongoza hadi likae sawa, unalalamikiwa na wachama wa  vyama vya waganga wa tiba asili nchini  kwa kuhodhi madaraka  kwa miaka nane kinyume cha sheria na utaratibu waliokubaliana. Wakizungumza na Mwandishi wa DMNews online Tanzania Disemba 31, 2025 baadhi ya wanachama wa vyama vya waganga wa tiba asili kutoka vyama 28 vinavyounda shirikisho hilo, kwamba  uongozi uliopo si halali wakidai haukuchaguliwa kikatiba. Pia, wamesema kuwa uongozi huo wa Shirikisho umeshindwa kutimiza majukumu na malengo ya Serikali kuukasimisha madaraka ya muda badala yake unalitumia kujinufaisha wenyewe ikiwamo kufifisha shirikisho kwa kulikosesha dira. Mwenyekiti wa Umoja wa Watengeneza Bidhaa Asili Tanzania (UWABIATA) Rajab Ha...
Read more

MWAKIPOSA ASHINDA NAFASI YA UWENYEKITI WA WENYEVITI WA SERIKALI YA MTAA MKOA WA DAR ES SALAAM

Image
  Na Angelina Mganga -DmNewsOnline     BDAR ES SALAAM  UCHAGUZI wa nafasi ya  Uwenyekiti na Katibu Mkuu wa Umoja wa Wenyeviti wa Serikali za Mitaa Mkoa wa Dar es Salaam umefanyika Leo Juni 20,2026,na umemalizika kwa amani na utulivu. Uchaguzi huo ulikuwa na wagombea watatu ambao  wamewania nafasi hiyo ya Uwenyeviti wa Wenyeviti wa Serikali ya Mtaa Mkoa wa Dar es Salaam   Wagombe wa nafasi ya Uwenyeviti ni Consolatha M.Rwiza Juma A.Mwingano na Razalous A.Mwakiposa  Katika uchaguzi huo Razalous A.Mwakiposa ameibuka mshindi wa nafasi hiyo ya  Uwenyekiti huku Peppino Sudi Peppino akishinda nafasi ya Katibu. Akizungumza wakati wa kutangaza matokeo ya uchaguzi huo,Msimamizi wa Uchaguzi Kambi Sinde amesema kuwa kura zilizopigwa ni 37 na wagombea  walikuwa  Consolatha M.Rwiza (11),Juma A.Mwingano  (2 )na Razalous A.Mwakiposa ( 24 ) hakuna kura iliyoharibika.  Razalous A.Mwakiposa ameshinda Kwa kura 24 kati ya kura 37zilizopig...
Read more

KILINDI BARABARA BADO NI CHANGAMOTO

Image
 Mwenyekiti wa Halmashauri ya Wilaya ya Kilindi, Dkt. Michael Chabai.  Na Yusuph Mussa,DmNewsonline                 KILINDI MWENYEKITI wa Halmashauri ya Wilaya ya Kilindi mkoani Tanga, Dkt. Michael Chabai amesema barabara za wilaya hiyo bado ni changamoto, na kueleza moja ya sababu ya wakulima kuuza mazao yao kwa bei ya chini ni kutokana na changamoto ya barabara hizo. Ameyasema hayo Agosti 22, 2026 wakati anafungua kikao cha Baraza la Madiwani wa Halmashauri hiyo, na kuongeza kuwa jitihada zinahitajika kwa Wakala wa Barabara za Vijijini na Mijini (TARURA) kuhakikisha wanafanyia matengenezo ya mara kwa mara barabara za vijijini ili kuona wakulima wanakuwa na uwezo wa kwenda kuuza  mazao yao sokoni. "Barabara zetu kwenye wilaya yetu bado ni changamoto, na hii inasababisha mazao ya wakukima wetu kuuzwa kwa bei ya chini. Hivyo tunataka kuona barabara hizo zinapitika ili wakulima wetu waweze kufikisha mazao yao sokoni" alisema Dkt. Chab...
Read more