WADAU ZAIDI YA 200 SEKTA YA AFYA KUSHIRIKI MKUTANO WA KIMATAIFA WA SNOSSA 2026 DAR

  Na Mwandishi wetu,DmNewsOnline

     DAR ES SALAAM 

TAASISI ya Tiba ya Mifupa na Ubongo Muhimbili (MOI) kuwa mwenyeji wa Mkutano wa Kimataifa wa Society for Neuro-Oncology Sub-Saharan Africa (SNOSSA) 2026, utakaofanyika ijini Dar es Salaam.

Mkutano huo  ukitarajiwa kukutanisha wataalamu, watafiti na wadau wa sekta ya afya zaidi ya 200 kutoka ndani na nje ya Afrika kujadili maendeleo ya tiba ya magonjwa ya mfumo wa fahamu, hususan saratani za ubongo na mfumo wa fahamu.

Mkurugenzi Mtendaji wa MOI, Mhe. Balozi Dkt. Mpoki Ulisubisya, amesema mkutano huo utatoa fursa ya kujadili mbinu za kisasa za kugundua mapema magonjwa ya mfumo wa fahamu, matumizi ya teknolojia za kisasa katika uchunguzi wa radiolojia, pamoja na matibabu sahihi na ya wakati.

Aidha, washiriki watajadili namna ya kuboresha upatikanaji wa huduma za afya, kuimarisha ushirikiano wa kitaaluma na kuendeleza tafiti zinazolenga kuboresha huduma kwa wagonjwa.

Dkt. Mpoki ameongeza kuwa kupitia mkutano huo, MOI itanufaika kwa kuimarisha ushirikiano wa kimataifa katika nyanja za tiba, utafiti na mafunzo

Pia, wataalamu wa taasisi hiyo watapata fursa ya kujifunza kutoka kwa wabobezi wa kimataifa kuhusu mbinu bunifu za uchunguzi, matibabu na utafiti wa magonjwa ya mfumo wa fahamu.

Kwaupande wake, Mwenyekiti wa Kamati ya Maandalizi, Dkt. Ugumba Kwikima, ambaye ni daktari bingwa na mbobezi wa uchunguzi na matibabu ya magonjwa ya mfumo wa fahamu ikiwemo saratani za ubongo, amesema kongamano hilo litakuwa jukwaa muhimu la kubadilishana uzoefu, kuwasilisha matokeo ya tafiti na kujadili changamoto zinazoathiri utambuzi na matibabu ya magonjwa hayo.

Dkt. Kwikima amesema Tanzania imepewa heshima ya kuwa mwenyeji wa mkutano huo kutokana na uwekezaji mkubwa unaoendelea kufanywa na Serikali katika kuimarisha huduma za afya kupitia upatikanaji wa vifaa vya kisasa kama Cath Lab, MRI na CT Scan, pamoja na kuongezeka kwa wataalamu wa uchunguzi, upimaji na matibabu wanaoshirikiana kwa karibu na Taasisi ya Saratani ya Ocean Road   

Comments

Post a Comment

Popular posts from this blog

UONGOZI WA SHIRIKISHO LA VYAMA VYA TIBA ASILI TANZANIA WADAIWA SI HALALI NA UMEKOSA DIRA YA KUENDESHA VYAMA VYA WAGANGA WA TIBA ASILI

Image
 Na Mwandishi Wetu                       DAR ES SALAAM   UONGOZI  wa Shirikisho la Vyama vya Waganga wa  Tiba Asili Tanzania (Shivyatiata) uliokasimishwa madaraka ya muda wa mwaka mmoja kuliongoza hadi likae sawa, unalalamikiwa na wachama wa  vyama vya waganga wa tiba asili nchini  kwa kuhodhi madaraka  kwa miaka nane kinyume cha sheria na utaratibu waliokubaliana. Wakizungumza na Mwandishi wa DMNews online Tanzania Disemba 31, 2025 baadhi ya wanachama wa vyama vya waganga wa tiba asili kutoka vyama 28 vinavyounda shirikisho hilo, kwamba  uongozi uliopo si halali wakidai haukuchaguliwa kikatiba. Pia, wamesema kuwa uongozi huo wa Shirikisho umeshindwa kutimiza majukumu na malengo ya Serikali kuukasimisha madaraka ya muda badala yake unalitumia kujinufaisha wenyewe ikiwamo kufifisha shirikisho kwa kulikosesha dira. Mwenyekiti wa Umoja wa Watengeneza Bidhaa Asili Tanzania (UWABIATA) Rajab Ha...
Read more

MWAKIPOSA ASHINDA NAFASI YA UWENYEKITI WA WENYEVITI WA SERIKALI YA MTAA MKOA WA DAR ES SALAAM

Image
  Na Angelina Mganga -DmNewsOnline     BDAR ES SALAAM  UCHAGUZI wa nafasi ya  Uwenyekiti na Katibu Mkuu wa Umoja wa Wenyeviti wa Serikali za Mitaa Mkoa wa Dar es Salaam umefanyika Leo Juni 20,2026,na umemalizika kwa amani na utulivu. Uchaguzi huo ulikuwa na wagombea watatu ambao  wamewania nafasi hiyo ya Uwenyeviti wa Wenyeviti wa Serikali ya Mtaa Mkoa wa Dar es Salaam   Wagombe wa nafasi ya Uwenyeviti ni Consolatha M.Rwiza Juma A.Mwingano na Razalous A.Mwakiposa  Katika uchaguzi huo Razalous A.Mwakiposa ameibuka mshindi wa nafasi hiyo ya  Uwenyekiti huku Peppino Sudi Peppino akishinda nafasi ya Katibu. Akizungumza wakati wa kutangaza matokeo ya uchaguzi huo,Msimamizi wa Uchaguzi Kambi Sinde amesema kuwa kura zilizopigwa ni 37 na wagombea  walikuwa  Consolatha M.Rwiza (11),Juma A.Mwingano  (2 )na Razalous A.Mwakiposa ( 24 ) hakuna kura iliyoharibika.  Razalous A.Mwakiposa ameshinda Kwa kura 24 kati ya kura 37zilizopig...
Read more

DKT. KIJAZI KUSIMAMIA MIRADI YA MAENDELEO JIMBO LA KOROGWE MJINI.

Image
           Na Mwandishi wetu,DmNewsonline                        KOROGWE_TANGA NI Katibu Mkuu (Mstaafu) Wizara ya Ardhi, Nyumba na Maendeleo ya Makazi. Katibu Mkuu (Mstaafu) Wizara ya Maliasili na Utalii, Mkurugenzi Mkuu (DG), na Kamishna wa Shirika la Hifadhi za Taifa (TANAPA), sio mwingine bali ni Dkt. Allan Kijazi. Ameonesha nia ya kuendelea kuwatumikia wananchi kupitia Mhimili mwingine wa Bunge baada ya kumaliza kazi, tena iliyotukuka kwenye Mhimili wa Serikali. Ametangaza nia kutaka kuwa Mtumishi wa Wananchi kama Mbunge wa Jimbo la Korogwe Mjini mkoani Tanga. Ana uwezo, ni msikivu, mchapa kazi na mwenye maono. Anafahamu maendeleo makubwa yaliyofanywa na Awamu ya Sita chini ya Rais Dkt. Samia Suluhu Hassan ikiwemo huduma za jamii (Elimu, Afya na Maji). Lakini pia shughuli za maendeleo kwa mtu mmoja mmoja, vikundi na Taifa. Hivyo, yeye anataka kuendeleza pale ambapo watangulizi wake wamefikia il...
Read more