JOWUTA YAZITAKA TAASISI,WAMILIKI WA VYOMBO VYA HABARI KUWAANDIKISHA WANAHABARI WCF



Na mwandishi wetu,DmNewsTz
Dar es salaam

Chama cha Wafanyakazi katika Vyombo vya Habari Tanzania (JOWUTA) kimezitaka taasisi na wamiliki wa vyombo vya habari nchini kuhakikisha wanawaandikisha wanahabari katika Mfuko wa Fidia kwa Wafanyakazi (WCF) pamoja na kuwapatia ajira zenye mikataba rasmi ili waweze kunufaika na haki na stahiki zao za msingi kazini.

Akizungumza jijini Dar es Salaam wakati wa ufunguzi wa mafunzo kuhusu fidia kwa wafanyakazi kwa wanachama wa JOWUTA, Mwenyekiti wa chama hicho, Mussa Juma Siwayombe amesema bado wanahabari wengi nchini wanafanya kazi bila ajira za kudumu wala mikataba, hali inayowanyima fursa ya kupata huduma muhimu za hifadhi ya jamii na fidia wanapopatwa na madhara yatokanayo na kazi zao.

Amesema zaidi ya asilimia 70 ya wanahabari nchini hawana ajira rasmi jambo ambalo ni changamoto kubwa kwa ustawi wao na tasnia ya habari kwa ujumla, huku akisisitiza umuhimu wa umoja na mshikamano wa wafanyakazi katika kudai haki zao.

Siwayombe amesema mafunzo hayo yaliyoandaliwa kwa kushirikiana na Mfuko wa Fidia kwa Wafanyakazi (WCF) yataongeza uelewa kwa wanahabari kuhusu mafao na huduma zinazotolewa na mfuko huo, hatua ambayo itasaidia pia kuelimisha jamii kupitia habari zitakazoandikwa na wanahabari hao.

Aidha, ameushukuru uongozi wa WCF chini ya Mkurugenzi Mkuu Dkt. John Mduma kwa kuwezesha kufanyika kwa mafunzo hayo kwa wanachama wa JOWUTA kutoka mikoa ya Dar es Salaam na Pwani, akisema mafunzo hayo ni mwanzo wa programu ya kuwafikia wanachama wa chama hicho katika kanda nyingine nchini ikiwemo Kanda ya Ziwa, Kaskazini na Nyanda za Juu Kusini.

Katika hotuba yake, Siwayombe amesema mafunzo hayo pia yanaimarisha mahusiano kati ya WCF, vyama vya wafanyakazi vilivyo chini ya TUCTA pamoja na vyombo vya habari nchini.

Amesema Mfuko wa Fidia kwa Wafanyakazi ni taasisi muhimu kwa wafanyakazi kwani umeanzishwa kwa mujibu wa Sheria ya Fidia kwa Wafanyakazi kwa lengo la kutoa fidia kwa wafanyakazi wa sekta binafsi na umma wanaopata madhara, magonjwa au vifo vitokanavyo na kazi zao.

Pia amewataka washiriki wa mafunzo hayo kutumia elimu watakayoipata kuwa mabalozi wa kuelimisha jamii kuhusu umuhimu wa huduma zinazotolewa na WCF pamoja na taratibu za kupata fidia.


Sambamba na hilo, Siwayombe ameipongeza Serikali kwa jitihada zake za kushughulikia changamoto za wanahabari nchini, akieleza kuwa tayari kumekuwa na mazungumzo kati ya viongozi wa JOWUTA na Ofisi ya Waziri Mkuu kupitia Wizara ya Kazi pamoja na Kamishna wa Kazi kuhusu waajiri wanaowatumia wanahabari bila mikataba rasmi ya ajira.

Amesema katika siku za hivi karibuni Serikali inatarajiwa kuanza msako maalumu katika vyombo vya habari ili kubaini waajiri wanaokiuka sheria za kazi kwa kutowaajiri rasmi wanahabari.

Akihitimisha hotuba yake, Siwayombe amewakumbusha wafanyakazi umuhimu wa mshikamano kupitia kauli mbiu ya wafanyakazi duniani ya “Solidarity Forever”, akisema umoja ni msingi muhimu katika mapambano ya kutetea haki na maslahi ya wafanyakazi.



Comments

Post a Comment

Popular posts from this blog

UONGOZI WA SHIRIKISHO LA VYAMA VYA TIBA ASILI TANZANIA WADAIWA SI HALALI NA UMEKOSA DIRA YA KUENDESHA VYAMA VYA WAGANGA WA TIBA ASILI

Image
 Na Mwandishi Wetu                       DAR ES SALAAM   UONGOZI  wa Shirikisho la Vyama vya Waganga wa  Tiba Asili Tanzania (Shivyatiata) uliokasimishwa madaraka ya muda wa mwaka mmoja kuliongoza hadi likae sawa, unalalamikiwa na wachama wa  vyama vya waganga wa tiba asili nchini  kwa kuhodhi madaraka  kwa miaka nane kinyume cha sheria na utaratibu waliokubaliana. Wakizungumza na Mwandishi wa DMNews online Tanzania Disemba 31, 2025 baadhi ya wanachama wa vyama vya waganga wa tiba asili kutoka vyama 28 vinavyounda shirikisho hilo, kwamba  uongozi uliopo si halali wakidai haukuchaguliwa kikatiba. Pia, wamesema kuwa uongozi huo wa Shirikisho umeshindwa kutimiza majukumu na malengo ya Serikali kuukasimisha madaraka ya muda badala yake unalitumia kujinufaisha wenyewe ikiwamo kufifisha shirikisho kwa kulikosesha dira. Mwenyekiti wa Umoja wa Watengeneza Bidhaa Asili Tanzania (UWABIATA) Rajab Ha...
Read more

MWAKIPOSA ASHINDA NAFASI YA UWENYEKITI WA WENYEVITI WA SERIKALI YA MTAA MKOA WA DAR ES SALAAM

Image
  Na Angelina Mganga -DmNewsOnline     BDAR ES SALAAM  UCHAGUZI wa nafasi ya  Uwenyekiti na Katibu Mkuu wa Umoja wa Wenyeviti wa Serikali za Mitaa Mkoa wa Dar es Salaam umefanyika Leo Juni 20,2026,na umemalizika kwa amani na utulivu. Uchaguzi huo ulikuwa na wagombea watatu ambao  wamewania nafasi hiyo ya Uwenyeviti wa Wenyeviti wa Serikali ya Mtaa Mkoa wa Dar es Salaam   Wagombe wa nafasi ya Uwenyeviti ni Consolatha M.Rwiza Juma A.Mwingano na Razalous A.Mwakiposa  Katika uchaguzi huo Razalous A.Mwakiposa ameibuka mshindi wa nafasi hiyo ya  Uwenyekiti huku Peppino Sudi Peppino akishinda nafasi ya Katibu. Akizungumza wakati wa kutangaza matokeo ya uchaguzi huo,Msimamizi wa Uchaguzi Kambi Sinde amesema kuwa kura zilizopigwa ni 37 na wagombea  walikuwa  Consolatha M.Rwiza (11),Juma A.Mwingano  (2 )na Razalous A.Mwakiposa ( 24 ) hakuna kura iliyoharibika.  Razalous A.Mwakiposa ameshinda Kwa kura 24 kati ya kura 37zilizopig...
Read more

DKT. KIJAZI KUSIMAMIA MIRADI YA MAENDELEO JIMBO LA KOROGWE MJINI.

Image
           Na Mwandishi wetu,DmNewsonline                        KOROGWE_TANGA NI Katibu Mkuu (Mstaafu) Wizara ya Ardhi, Nyumba na Maendeleo ya Makazi. Katibu Mkuu (Mstaafu) Wizara ya Maliasili na Utalii, Mkurugenzi Mkuu (DG), na Kamishna wa Shirika la Hifadhi za Taifa (TANAPA), sio mwingine bali ni Dkt. Allan Kijazi. Ameonesha nia ya kuendelea kuwatumikia wananchi kupitia Mhimili mwingine wa Bunge baada ya kumaliza kazi, tena iliyotukuka kwenye Mhimili wa Serikali. Ametangaza nia kutaka kuwa Mtumishi wa Wananchi kama Mbunge wa Jimbo la Korogwe Mjini mkoani Tanga. Ana uwezo, ni msikivu, mchapa kazi na mwenye maono. Anafahamu maendeleo makubwa yaliyofanywa na Awamu ya Sita chini ya Rais Dkt. Samia Suluhu Hassan ikiwemo huduma za jamii (Elimu, Afya na Maji). Lakini pia shughuli za maendeleo kwa mtu mmoja mmoja, vikundi na Taifa. Hivyo, yeye anataka kuendeleza pale ambapo watangulizi wake wamefikia il...
Read more