MBUNGE LUTEVELE :MARUFUKU WALIMU KUFANYA BIASHARA ZA KACHORI DARASANI

  Na Mwandishi wetu,DmNewsonline

               IRINGA _MAFINGA 


Mbunge wa Jimbo la Mafinga Dickson Lutevele (Villa), amepiga marufuku walimu kujihusisha na biashara ndogondogo darasani na kulazimisha wanafunzi kununua bidhaa hizo

Hatua hiyo imekuja kufuatia malalamiko ya baadhi ya  wazazi wa mtaa wa Lutalawe kata ya Changarawe, waliodai kuwa baadhi ya walimu wamekuwa wakiendesha biashara ndani ya maeneo ya shule    hali inayosababisha kero kwa wazazi ya kutoa fedha kwa Watoto kila siku.

Walimetaka mbunge kuingilia kati suala hilo ili kupunguza mzigo wa kifedha kwa familia kwani wanalazimika kutoa fedha kiasi cha shilingi 200 hadi 500 kila siku ili mtoto akanunue kachori kwa mwalimu, 

Akijibu malalamiko hayo, mh. Lutevele alitoa agizo kwa maafisa elimu na watendaji kuhakikisha wanakomesha mara moja vitendo hivyo nakueleza kuwa serikali tayari imepiga marufuku michango holela mashuleni, hivyo walimu wanaolazimisha wanafunzi kununua bidhaa zao wanafanya kitendo kinachofanana na mchango usio halali.

Afisa elimu wa kata ya Changarawe Shaban Nyigo ameahidi kulifanyia kazi suala hilo mara moja huku akibainisha kuwa walimu hawaruhusiwi kufanya biashara shuleni na yeyote atakayebainika atachukuliwa hatua kwa mujibu wa taratibu za kazi.

Mbunge Dickson Lutevele amehitimisha ziara ya siku tatu jimboni kwake, ambapo alipata fursa ya kusikiliza na kutatua kero mbalimbali za wananchi kwa kushirikiana na wataalamu kutoka katika halmashauri yam ji Mafinga na wilaya ya Mufindi.


Comments

Post a Comment

Popular posts from this blog

UONGOZI WA SHIRIKISHO LA VYAMA VYA TIBA ASILI TANZANIA WADAIWA SI HALALI NA UMEKOSA DIRA YA KUENDESHA VYAMA VYA WAGANGA WA TIBA ASILI

Image
 Na Mwandishi Wetu                       DAR ES SALAAM   UONGOZI  wa Shirikisho la Vyama vya Waganga wa  Tiba Asili Tanzania (Shivyatiata) uliokasimishwa madaraka ya muda wa mwaka mmoja kuliongoza hadi likae sawa, unalalamikiwa na wachama wa  vyama vya waganga wa tiba asili nchini  kwa kuhodhi madaraka  kwa miaka nane kinyume cha sheria na utaratibu waliokubaliana. Wakizungumza na Mwandishi wa DMNews online Tanzania Disemba 31, 2025 baadhi ya wanachama wa vyama vya waganga wa tiba asili kutoka vyama 28 vinavyounda shirikisho hilo, kwamba  uongozi uliopo si halali wakidai haukuchaguliwa kikatiba. Pia, wamesema kuwa uongozi huo wa Shirikisho umeshindwa kutimiza majukumu na malengo ya Serikali kuukasimisha madaraka ya muda badala yake unalitumia kujinufaisha wenyewe ikiwamo kufifisha shirikisho kwa kulikosesha dira. Mwenyekiti wa Umoja wa Watengeneza Bidhaa Asili Tanzania (UWABIATA) Rajab Ha...
Read more

DKT. KIJAZI KUSIMAMIA MIRADI YA MAENDELEO JIMBO LA KOROGWE MJINI.

Image
           Na Mwandishi wetu,DmNewsonline                        KOROGWE_TANGA NI Katibu Mkuu (Mstaafu) Wizara ya Ardhi, Nyumba na Maendeleo ya Makazi. Katibu Mkuu (Mstaafu) Wizara ya Maliasili na Utalii, Mkurugenzi Mkuu (DG), na Kamishna wa Shirika la Hifadhi za Taifa (TANAPA), sio mwingine bali ni Dkt. Allan Kijazi. Ameonesha nia ya kuendelea kuwatumikia wananchi kupitia Mhimili mwingine wa Bunge baada ya kumaliza kazi, tena iliyotukuka kwenye Mhimili wa Serikali. Ametangaza nia kutaka kuwa Mtumishi wa Wananchi kama Mbunge wa Jimbo la Korogwe Mjini mkoani Tanga. Ana uwezo, ni msikivu, mchapa kazi na mwenye maono. Anafahamu maendeleo makubwa yaliyofanywa na Awamu ya Sita chini ya Rais Dkt. Samia Suluhu Hassan ikiwemo huduma za jamii (Elimu, Afya na Maji). Lakini pia shughuli za maendeleo kwa mtu mmoja mmoja, vikundi na Taifa. Hivyo, yeye anataka kuendeleza pale ambapo watangulizi wake wamefikia il...
Read more