KUNDI LA 11 LAMPANGO WA FFP LAKABIDHI HUNDI YA MILIONI 30 KWA JKCI




Na mwandishi wetu,DmNewsTz
Dar es salaam 

Kundi la 11 la Mpango wa Female Future Programme (FFP) limekabidhi hundi ya shilingi milioni 30 kwa Taasisi ya Moyo ya Jakaya Kikwete Cardiac Institute (JKCI) kwa ajili ya kusaidia watoto wanaokabiliwa na matatizo ya moyo.

Mchango huo umetolewa kama sehemu ya shughuli za Uwajibikaji kwa Jamii (CSR) za darasa la washiriki 162 wa mwaka 2025, ambalo ni darasa kubwa zaidi kuwahi kushiriki katika historia ya mpango huo unaoratibiwa na Association of Tanzania Employers (ATE).

Akizungumza wakati wa hafla ya makabidhiano, Mtendaji Mkuu wa ATE, Bi. Suzanne Ndomba-Doran, amesema kuwa Mpango wa Female Future Programme haujikita tu katika utoaji wa mafunzo bali pia unalenga kuwajengea wanawake viongozi uwezo wa kuchukua hatua chanya katika jamii. Alisema hadi sasa jumla ya wanawake 620 wamehitimu kupitia mpango huo.

Alifafanua kuwa utekelezaji wa mradi wa CSR ni sehemu ya mafunzo ya kukuza ujuzi wa uongozi wa juu ambayo washiriki wa Kundi la 11 wamepata. Mpango huo ulianzishwa nchini Norway takribani miaka 15 iliyopita kupitia taasisi dada ya ATE, Confederation of Norwegian Enterprise (NHO), na ulizinduliwa rasmi nchini mwaka 2016 na Rais wa Jamhuri ya Muungano wa Tanzania, Mhe. Samia Suluhu Hassan, ambaye wakati huo alikuwa Makamu wa Rais.

Kwa upande wake, Mkurugenzi Mtendaji wa JKCI, Dkt. Peter Richard Kisenge, amesema taasisi hiyo ina matawi saba na hufanya wastani wa upasuaji 800 kwa mwaka, huku kiwango cha vifo kikiwa chini ya asilimia tatu. Ameongeza kuwa asilimia 50 ya timu ya menejimenti ya taasisi hiyo ni wanawake.

Rais wa darasa la Kundi la 11, Mhandisi Esther Christopher Mwavumilo, amesema wameguswa na hali ya watoto wanaohitaji upasuaji wa moyo, hasa kutokana na gharama kubwa ya matibabu inayofikia wastani wa shilingi milioni nane kwa mtoto mmoja. Amesema kama viongozi, wameona ni wajibu wao kuchangia na kutoa wito kwa wadau wengine kuunga mkono jitihada hizo.

Naye Mtendaji Mkuu wa Heart Team Africa Foundation (HTAF), Dkt. Naihizijwa Majini, amesema mchango huo utasaidia kwa kiasi kikubwa kuendeleza matibabu kwa watoto wenye matatizo ya moyo na kuhimiza wanawake mameneja kujitokeza kujiunga na Mpango wa Female Future Programme.



Comments

Post a Comment

Popular posts from this blog

UONGOZI WA SHIRIKISHO LA VYAMA VYA TIBA ASILI TANZANIA WADAIWA SI HALALI NA UMEKOSA DIRA YA KUENDESHA VYAMA VYA WAGANGA WA TIBA ASILI

Image
 Na Mwandishi Wetu                       DAR ES SALAAM   UONGOZI  wa Shirikisho la Vyama vya Waganga wa  Tiba Asili Tanzania (Shivyatiata) uliokasimishwa madaraka ya muda wa mwaka mmoja kuliongoza hadi likae sawa, unalalamikiwa na wachama wa  vyama vya waganga wa tiba asili nchini  kwa kuhodhi madaraka  kwa miaka nane kinyume cha sheria na utaratibu waliokubaliana. Wakizungumza na Mwandishi wa DMNews online Tanzania Disemba 31, 2025 baadhi ya wanachama wa vyama vya waganga wa tiba asili kutoka vyama 28 vinavyounda shirikisho hilo, kwamba  uongozi uliopo si halali wakidai haukuchaguliwa kikatiba. Pia, wamesema kuwa uongozi huo wa Shirikisho umeshindwa kutimiza majukumu na malengo ya Serikali kuukasimisha madaraka ya muda badala yake unalitumia kujinufaisha wenyewe ikiwamo kufifisha shirikisho kwa kulikosesha dira. Mwenyekiti wa Umoja wa Watengeneza Bidhaa Asili Tanzania (UWABIATA) Rajab Ha...
Read more

NAIBU WAZIRI NDERIANANGA AONGOZA UJUMBE WA TANZANIA KATIKA MKUTANO WA TATU WA KIMATAIFA WA WATU WENYE ULEMAVU UJERUMANI.

Image
Na Mwandishi wetu,DmNewsonline             Berlin Ujerumani  NAIBU Waziri Ofisi ya Waziri Mkuu, Sera, Bunge na Uratibu Mheshimiwa Ummy Nderiananga ameongoza ujumbe wa Jamhuri ya Muungano wa Tanzania unaoshiriki Mkutano wa Tatu wa Kimataifa wa Watu wenye Ulemavu unaofanyika jijini Berlin, Ujerumani tarehe 2 hadi 3 April,2025.  Mkutano huo umeandaliwa na Shirikisho la Kimataifa wa Watu Wenye Ulemavu (IDA), Serikali ya Ujerumani, na Serikali ya Jordan na kufunguliwa rasmi kwa pamoja na Kansela wa Ujerumani Mhe. Olaf Scholz na Mfalme Abdullah II wa Jordani. Akizungumza wakati wa ufunguzi rasmi wa Mkutano huo Mhe. Scholz amesisitiza juu ya umuhimu wa kushirikiana kimataifa kukuza haki na ujumuishaji wa masuala ya Watu Wenye Ulemavu. “Ushirikiano wa kimataifa ni nguzo muhimu katika kuhakikisha haki na ujumuishaji wa watu wenye ulemavu unatekelezwa kikamilifu duniani kote kwa kushirikiana, serikali, mashirika ya kimataifa, sekta binafsi, taasisi za elimu...
Read more