WAZEE TABORA WANENA MAZITO KWA RAIS SAMIA

 Na Allan Kitwe,DmNewsonline

                     TABORA 

ZIKIWA zimebakia siku chache kumalizika mwaka 2025 na kuanza mwaka mpya wa 2026, wazee wa Mkoa wa Tabora wameeleza kuridhishwa na utendaji wa Rais Dkt Samia Suluhu Hassan katika awamu yake ya pili baada ya kuingia madarakani.

Wameeleza kuwa weledi na ufanisi wa Kiongozi mzuri unapimwa kwa mambo makubwa matatu ambayo ni hali ya usalama wa nchi, kasi ya maendeleo na uchumi, mambo haya yamesimamiwa vizuri na nchi inapiga hatua kubwa.

Mzee Elisha Daud Mponeja ambaye ni Mwenyekiti wa Kamati ya Ulinzi wa Jadi katika halmashauri ya manispaa Tabora ameeleza kuwa Rais Samia amefanya kazi nzuri sana katika kipindi chake cha miaka minne na hata sasa anaendelea vizuri.

Amefafanua kuwa baada ya kukabidhiwa nchi Machi 19, 2021 kutoka kwa mtangulizi wake aliyetangulia mbele za haki, Dkt John Pombe Magufuli, watanzania walishuhudia kasi kubwa ya utekekezaji miradi ya maendeleo katika sekta zote.

‘Katika kipindi cha miaka minne ya uongozi wake mambo makubwa yamefanyika ikiwemo kuimarisha mahusiano mazuri kitaifa na kimataifa na miradi mikubwa ya kimkakati iliendelea kutekelezwa kwa kasi kubwa pasipo kusimama,’ ameeleza.

Aidha baada ya kuchaguliwa tena katika uchaguzi Mkuu wa Oktoba 29 mwaka huu ameahidi kuendeleza kasi ile ile ya utekelezaji miradi ya maendeleo ikiwemo kuboresha huduma za kijamii na kuimarisha ulinzi na usalama wa nchi.

Mzee Mponeja amebainisha kuwa zikiwa zimepita takribani siku 55 tangu aapishwe tena kuwa Rais wa Jamhuri ya Muungano wa Tanzania kwa awamu ya pili, amedhihirisha weledi wake katika kusimamia maendeleo na usalama wa nchi.

Aidha miradi yote iliyoanza kutekelezwa katika awamu yake ya kwanza imeendelea kutekelezwa kwa kasi kubwa na yale yote aliyoahidi wakati wa kampeni za uchaguzi yameendelea kuratibiwa tayari kwa ajili ya utekelezaji.

Mzee Adamu Malunkwi, mkazi wa Urambo ameeleza kuridhishwa na utulivu mkubwa wa Rais Samia katika kutekeleza miradi ya maendeleo na kushughulikia masuala mbalimbali ya kitaifa na kimataifa kwa manufaa ya watanzania.

Ameeleza kuwa vurugu za Oktoba 29 zilisababisha nchi kutikisika na hali ya amani ilianza kutoweka, lakini kwa ujasiri mkubwa Rais amewatuliza watanzania, ameimarisha ulinzi na usalama wa nchi na kutoa wosia wa amani, nchi sasa imetulia.   

Mzee Msagata Fundikira (Chifu wa Unyanyembe) ameongeza kuwa Rais Samia ni Kiongozi makini, anayetambua wajibu wake kwa jamii, ameonesha uwezo mkubwa wa kutumikia wananchi na kuimarisha ulinzi na usalama wa nchi.

Amebainisha kuwa Rais ana dhamira njema ya kuifanyia mambo makubwa nchi hii, ila akadokeza kuwa baadhi ya wasaidizi wake wanamwangusha, hawatekelezi wajibu wao ipasavyo kwa wananchi hali inayosababisha malalamiko.

Chifu Fundikira amemwomba Rais Samia kufanyia kazi yale yote  yanayolalamikiwa na wananchi ili kuleta utulivu miongoni mwa jamii na nchi yetu iendelee kupiga hatua kubwa zaidi kimaendeleo.    

Comments

Post a Comment

Popular posts from this blog

UONGOZI WA SHIRIKISHO LA VYAMA VYA TIBA ASILI TANZANIA WADAIWA SI HALALI NA UMEKOSA DIRA YA KUENDESHA VYAMA VYA WAGANGA WA TIBA ASILI

Image
 Na Mwandishi Wetu                       DAR ES SALAAM   UONGOZI  wa Shirikisho la Vyama vya Waganga wa  Tiba Asili Tanzania (Shivyatiata) uliokasimishwa madaraka ya muda wa mwaka mmoja kuliongoza hadi likae sawa, unalalamikiwa na wachama wa  vyama vya waganga wa tiba asili nchini  kwa kuhodhi madaraka  kwa miaka nane kinyume cha sheria na utaratibu waliokubaliana. Wakizungumza na Mwandishi wa DMNews online Tanzania Disemba 31, 2025 baadhi ya wanachama wa vyama vya waganga wa tiba asili kutoka vyama 28 vinavyounda shirikisho hilo, kwamba  uongozi uliopo si halali wakidai haukuchaguliwa kikatiba. Pia, wamesema kuwa uongozi huo wa Shirikisho umeshindwa kutimiza majukumu na malengo ya Serikali kuukasimisha madaraka ya muda badala yake unalitumia kujinufaisha wenyewe ikiwamo kufifisha shirikisho kwa kulikosesha dira. Mwenyekiti wa Umoja wa Watengeneza Bidhaa Asili Tanzania (UWABIATA) Rajab Ha...
Read more

NAIBU WAZIRI NDERIANANGA AONGOZA UJUMBE WA TANZANIA KATIKA MKUTANO WA TATU WA KIMATAIFA WA WATU WENYE ULEMAVU UJERUMANI.

Image
Na Mwandishi wetu,DmNewsonline             Berlin Ujerumani  NAIBU Waziri Ofisi ya Waziri Mkuu, Sera, Bunge na Uratibu Mheshimiwa Ummy Nderiananga ameongoza ujumbe wa Jamhuri ya Muungano wa Tanzania unaoshiriki Mkutano wa Tatu wa Kimataifa wa Watu wenye Ulemavu unaofanyika jijini Berlin, Ujerumani tarehe 2 hadi 3 April,2025.  Mkutano huo umeandaliwa na Shirikisho la Kimataifa wa Watu Wenye Ulemavu (IDA), Serikali ya Ujerumani, na Serikali ya Jordan na kufunguliwa rasmi kwa pamoja na Kansela wa Ujerumani Mhe. Olaf Scholz na Mfalme Abdullah II wa Jordani. Akizungumza wakati wa ufunguzi rasmi wa Mkutano huo Mhe. Scholz amesisitiza juu ya umuhimu wa kushirikiana kimataifa kukuza haki na ujumuishaji wa masuala ya Watu Wenye Ulemavu. “Ushirikiano wa kimataifa ni nguzo muhimu katika kuhakikisha haki na ujumuishaji wa watu wenye ulemavu unatekelezwa kikamilifu duniani kote kwa kushirikiana, serikali, mashirika ya kimataifa, sekta binafsi, taasisi za elimu...
Read more