WATANZANIA MSIKUBALI KUYUMBISHWA KUINGIZWA KATIKA MACHAFUKO’

 
    Mwandishi wetu,DmNewsonline

WATANZANIA wameshauriwa wasikubali kuyumbishwa na wanaharakati ambao wenyewe wapo kwa ajili ya kuiona nchi ya Tanzania inavurugika na kukosa utulivu.

Ushauri huo umetolewa leo Novemba 30 ,2025 jijini Dar es salaam na wanaharakati huru ambao wamemua kueleza hatua kwa hatua mbinu chafu ambazo zinatumiwa na baadhi ya wanaharakati ambao wamekuwa wakitafuta mbinu mbalimbali kuvuruga amani ya Tanzania.

Wamesema kuwa sababu kubwa ya vurugu ambazo zinatengenezwa na wanaharakati hao wenye nia ovu na Taifa la Tanzania ni kutaka kuvuruga kasi ya ukuaji wa maendeleeo ambayo imekuwa tishio kwa baadhi ya nchi jirani.

Akizungumza katika mkutano wake na waandishi wa habari Mwanaharakati Huru Ahmed Kombo amebainisha kuwa  tangu kuazishwa kwa vyama vingi nchini mwaka 1995 baadhi ya wanaharakati na vyama vya siasa vya upinzani vimekuwa vikilalamikia tawala zote ambazo zinapita katika uongozi wa nchi yetu.

Amesema kuazia utawala wa Awamu ya Tatu chini ya uongozi wa Rais Mstaafu Hayati Benjamini Mkapa, Dkt.Jakaya  Kikwete, Hayati Dkt.John Magufuli  ,na kwa upande wa Zanzibar na hata leo wamekuwa watu wa kulalamika tu.

Kombo amesema katika vurugu zilizojitokeza hivi karibuni zimechagizwa na makundi ya watu ambao walipokea malipo kutoka taasisi za nje ambazo zinafanya shughuli kwenye  nchi zinazozunguka Afrika Mashariki ikiwemo Tanzania na moja ya taasisi hizo ni Ford foundations.

“Taasisi hiyo iliwahi kulalamikiwa huko nyuma na  Rais wa nchi Jamhuri ya watu wa Kenya  na kwa Tanzania taasisi hiyo  imeshatoa zaidi ya sh bilioni tano kwa taasisi sita ili kuratibu vurugu zilizojitokeza hivi karibuni.

"Ndugu zangu hapa ndio nataka niseme kuwa  haya yote ambayo wanayafanya lengo lao nikutaka kuvuruga amani ,utulivu , mshikamo uliyopo  katika nchi yetu."amesema Kombo

Kwaupande  wake Yona Joseph Wachalinze amesema serikali iwe macho na kauli za viongozi baadhi wa vyama vya Siasa Nchini.

“Mfano haya yaliyotokea  ni ya kiongozi mkuu wa Chama cha Siasa hapa kinachopewa ruzuku ya mabilioni ya fedha  zinazotokana na kodi ya watanzania ambaye alisema kuwa katika Uchaguzi mkuu mwaka huu watakinukisha na jambo ambalo limetokea 

Ameongeza kuwa hayo yote yanayoonekana ni wivu wa Maendeleo kutokana na miradi mikubwa iliyokamilika na inayoendelea kutekelezwa nchini Tanzania chini ya Rais Dkt Samia Suluhu Hassan 

“Hivyo yote haya yanafanywa na wanaharakati na baadhi ya viongozi wa vyama vya siasa  wanadhamaniwa na taasisi za nje na ndio maana vijana wa vyama vya Siasa ambao tunajua maisha yao yalikuwa magumu na wengine ni watoto yatima leo wanalazwa kwenye hotel za five star Nairobi .”

Amesisitiza watu hao wanalipwa  na kulala bure kwenye hizo hotel na  kazi yao ni moja tu kuchafua taswira ya nchi yetu, lengo lao ni kuichafua nchi na kuhakikisha miradi mikubwa haiendi .

Kuhusu mjadala uliojitokeza kupitia Bunge la Umoja  wa Ulaya lenye nchi 27 kati ya nchi 44 za Ulaya ,Yona amesema  hata kama umoja huo hautasaini dokezo la bilioni  400 halitaathiri bajeti ya Tanzania ya Sh.Trilioni  56 ambapo kwakifupi unaweza kuona bunge hilo la umoja wa Ulaya linachangia kama asilimia 0.7.

Amefafanua kitakachoathirika kwa nchi yetu ni wale development partners (wadau wa Maendeleo kwa upande wa mijini na vijijini ambapo watanzania wengi wanazijua kama NGO,s. 

Hata hivyo Serikali bado wanaendelea na mazungumzo ya kidplomansia kuhusu mjadala huo ulioibuliwa kupitia bunge hilo.

Wanaharakati hao wamemaliza kwa kusema Desemba 9 ,2025 #Hatutaki Tena na Never and #NeverAgain.   



Comments

Post a Comment

Popular posts from this blog

UONGOZI WA SHIRIKISHO LA VYAMA VYA TIBA ASILI TANZANIA WADAIWA SI HALALI NA UMEKOSA DIRA YA KUENDESHA VYAMA VYA WAGANGA WA TIBA ASILI

Image
 Na Mwandishi Wetu                       DAR ES SALAAM   UONGOZI  wa Shirikisho la Vyama vya Waganga wa  Tiba Asili Tanzania (Shivyatiata) uliokasimishwa madaraka ya muda wa mwaka mmoja kuliongoza hadi likae sawa, unalalamikiwa na wachama wa  vyama vya waganga wa tiba asili nchini  kwa kuhodhi madaraka  kwa miaka nane kinyume cha sheria na utaratibu waliokubaliana. Wakizungumza na Mwandishi wa DMNews online Tanzania Disemba 31, 2025 baadhi ya wanachama wa vyama vya waganga wa tiba asili kutoka vyama 28 vinavyounda shirikisho hilo, kwamba  uongozi uliopo si halali wakidai haukuchaguliwa kikatiba. Pia, wamesema kuwa uongozi huo wa Shirikisho umeshindwa kutimiza majukumu na malengo ya Serikali kuukasimisha madaraka ya muda badala yake unalitumia kujinufaisha wenyewe ikiwamo kufifisha shirikisho kwa kulikosesha dira. Mwenyekiti wa Umoja wa Watengeneza Bidhaa Asili Tanzania (UWABIATA) Rajab Ha...
Read more

NAIBU WAZIRI NDERIANANGA AONGOZA UJUMBE WA TANZANIA KATIKA MKUTANO WA TATU WA KIMATAIFA WA WATU WENYE ULEMAVU UJERUMANI.

Image
Na Mwandishi wetu,DmNewsonline             Berlin Ujerumani  NAIBU Waziri Ofisi ya Waziri Mkuu, Sera, Bunge na Uratibu Mheshimiwa Ummy Nderiananga ameongoza ujumbe wa Jamhuri ya Muungano wa Tanzania unaoshiriki Mkutano wa Tatu wa Kimataifa wa Watu wenye Ulemavu unaofanyika jijini Berlin, Ujerumani tarehe 2 hadi 3 April,2025.  Mkutano huo umeandaliwa na Shirikisho la Kimataifa wa Watu Wenye Ulemavu (IDA), Serikali ya Ujerumani, na Serikali ya Jordan na kufunguliwa rasmi kwa pamoja na Kansela wa Ujerumani Mhe. Olaf Scholz na Mfalme Abdullah II wa Jordani. Akizungumza wakati wa ufunguzi rasmi wa Mkutano huo Mhe. Scholz amesisitiza juu ya umuhimu wa kushirikiana kimataifa kukuza haki na ujumuishaji wa masuala ya Watu Wenye Ulemavu. “Ushirikiano wa kimataifa ni nguzo muhimu katika kuhakikisha haki na ujumuishaji wa watu wenye ulemavu unatekelezwa kikamilifu duniani kote kwa kushirikiana, serikali, mashirika ya kimataifa, sekta binafsi, taasisi za elimu...
Read more