NIDA, WANANCHI NENDENI MKACHUKUWE VITAMBULISHO ILI MUENDELEE KUPATA HUDUMA.

 Na Timoth Marko,DmNewsonline

            DAR ES SALAAM

MKURUGENZI wa  Mamlaka ya Vitambulisho vya Taifa (NIDA), James Kaji amesema Mamlaka hiyo imetoa kibali maalum cha muda wa mwaka mmoja kwa ajili ya kushughulikia maombi ya marekebisho ya taarifa za wananchi kwenye Mfumo wa Utambulisho wa Taifa, kuanzia Oktoba 2025.

Kauli hiyo imetolewa leo jijini Dar es salaam na mkurugenzi huyo katika mkutano wake na waandishi wa habari ambapo amesema kibali hicho kimetolewa ili kuwasaidia wananchi waliokumbwa na changamoto mbalimbali za usajili, ambazo awali zilishindikana kufanyiwa marekebisho kutokana na ukinzani wa miongozo iliyokuwepo.

Amesema kibali hicho kinahusu makundi manne maalumu ambayo ni waathirika wa vyeti vya kughushi, wakiwemo waliowahi kufutwa kazi Serikalini na ambao taarifa zao za usajili wa NIDA zinatokana na vyeti hivyo pamoja na Watu waliotumia majina ya watu wengine kupata vyeti vya elimu. 

Amesema kundi lingine ni wale  waliotoa taarifa za uongo wakati wa usajili wa NIDA pamoja na  Raia wa Tanzania waliojisajili kama wakimbizi.

"Wananchi wa makundi haya wanatakiwa kufika katika ofisi za NIDA za wilaya wakiwa na nyaraka muhimu kama vile vyeti halisi vya elimu, cheti cha kuzaliwa kilichohakikiwa na RITA, deed poll iliyosajiliwa na kuchapishwa katika gazeti la Serikali, pamoja na nyaraka nyingine zitakazohitajika kulingana na aina ya marekebisho."alisema Kaji

Pia amesisitiza kuwa maombi yatakayokidhi vigezo pekee ndiyo yatashughulikiwa, na kutoa tahadhari kuwa kutoa taarifa za uongo ni kosa la kisheria chini ya Sheria ya Usajili na Utambuzi wa Watu.

Mkurungezi huyo Mtendaji amewataka wananchi kutumia fursa hii mapema kwa kuwa kibali hiki ni cha muda maalum wa mwaka mmoja pekee.

"Nawaomba wananchi  wote wanaohusika kujitokeza mapema ili kuhakikisha taarifa zao kwenye mfumo wa Taifa zinarekebishwa kwa mujibu wa sheria na taratibu"alisema Kaji 

Aidha amewahakikishia wananchi  hakuna mtu yoyote atakayechukuliwa hatua za kushitakiwa au kutozwa  gharama zozote hivyo wajitokeze 

Katika hatua nyingine amewaomba wananchi wale ambao bado awajachukua Vitambulisho vya Taifa  kwenda kuvichukua ili waendelee kupata huduma mbalimbali.

Comments

Post a Comment

Popular posts from this blog

UONGOZI WA SHIRIKISHO LA VYAMA VYA TIBA ASILI TANZANIA WADAIWA SI HALALI NA UMEKOSA DIRA YA KUENDESHA VYAMA VYA WAGANGA WA TIBA ASILI

Image
 Na Mwandishi Wetu                       DAR ES SALAAM   UONGOZI  wa Shirikisho la Vyama vya Waganga wa  Tiba Asili Tanzania (Shivyatiata) uliokasimishwa madaraka ya muda wa mwaka mmoja kuliongoza hadi likae sawa, unalalamikiwa na wachama wa  vyama vya waganga wa tiba asili nchini  kwa kuhodhi madaraka  kwa miaka nane kinyume cha sheria na utaratibu waliokubaliana. Wakizungumza na Mwandishi wa DMNews online Tanzania Disemba 31, 2025 baadhi ya wanachama wa vyama vya waganga wa tiba asili kutoka vyama 28 vinavyounda shirikisho hilo, kwamba  uongozi uliopo si halali wakidai haukuchaguliwa kikatiba. Pia, wamesema kuwa uongozi huo wa Shirikisho umeshindwa kutimiza majukumu na malengo ya Serikali kuukasimisha madaraka ya muda badala yake unalitumia kujinufaisha wenyewe ikiwamo kufifisha shirikisho kwa kulikosesha dira. Mwenyekiti wa Umoja wa Watengeneza Bidhaa Asili Tanzania (UWABIATA) Rajab Ha...
Read more

NAIBU WAZIRI NDERIANANGA AONGOZA UJUMBE WA TANZANIA KATIKA MKUTANO WA TATU WA KIMATAIFA WA WATU WENYE ULEMAVU UJERUMANI.

Image
Na Mwandishi wetu,DmNewsonline             Berlin Ujerumani  NAIBU Waziri Ofisi ya Waziri Mkuu, Sera, Bunge na Uratibu Mheshimiwa Ummy Nderiananga ameongoza ujumbe wa Jamhuri ya Muungano wa Tanzania unaoshiriki Mkutano wa Tatu wa Kimataifa wa Watu wenye Ulemavu unaofanyika jijini Berlin, Ujerumani tarehe 2 hadi 3 April,2025.  Mkutano huo umeandaliwa na Shirikisho la Kimataifa wa Watu Wenye Ulemavu (IDA), Serikali ya Ujerumani, na Serikali ya Jordan na kufunguliwa rasmi kwa pamoja na Kansela wa Ujerumani Mhe. Olaf Scholz na Mfalme Abdullah II wa Jordani. Akizungumza wakati wa ufunguzi rasmi wa Mkutano huo Mhe. Scholz amesisitiza juu ya umuhimu wa kushirikiana kimataifa kukuza haki na ujumuishaji wa masuala ya Watu Wenye Ulemavu. “Ushirikiano wa kimataifa ni nguzo muhimu katika kuhakikisha haki na ujumuishaji wa watu wenye ulemavu unatekelezwa kikamilifu duniani kote kwa kushirikiana, serikali, mashirika ya kimataifa, sekta binafsi, taasisi za elimu...
Read more