ASAS : WANANCHI JITOKEZENI KUPIGA KURA MSIWE NA HOFU .

Na Eliasa  Ally,DmNewsonline

                IRINGA 

MJUMBE wa Kamati Kuu ya Chama Cha Mapinduzi (CCM) Taifa, Salim Abri Asas amewataka wananchi katika Halmashauri ya Mji Mafinga kujitokeza kwa wingi kupiga kura kwenye Uchaguzi Mkuu na kuwaondoa hofu ya kuwa siku hiyo kunaweza kuwa na vitendo vya vurugu kama ambavyo imekuwa ikienezwa kwenye mitandao ya kijamii na baadhi ya watu wenye nia ovu.

Katika siku za hivi karibuni kumezuka wimbi la baadhi ya watu kutoka ndani na nje ya nchi ambao kwa nyakati tofauti wamekuwa wakiyashawishi makundi mbalimbali katika  jamii likiwemo kundi la vijana kufanya maandamano na kuchochea ghasia ambazo zitaathiri zoezi hilo la Uchaguzi na amani kwa ujumla wapuuzwe.

Asas ambaye pia ni Mjumbe wa Halmashauri Kuu ya CCM Taifa amesema hayo wakati akihutubia maelfu ya wana CCM na wananchi kwa ujumla waliofurika kwenye Mkutano Mkubwa wa Kufunga Kampeni za Chama hicho kwa Jimbo la Mafinga Mjini uliofanyika katika kijiji cha Ugute kata ya Isalavanu katika Mjini Mafinga. 

"Natarajia Oktoba29 mwaka huu mtakutokeza kwa wingi kupiga kura  Msiogope wala kuwa na hofu, amani ipo, kutakuwa na ulinzi wa kutosha. Nchi yetu imetulia hayo yote ni maneno ya mitaani"- Amesema Asas.

Amesema nchi imetulia na ipo kwenye mikono salama ya vyombo vya Ulinzi na Usalama hivyo wananchi wanapaswa kutumia hali hiyo kama kichocheo cha kwenda kushiriki Uchaguzi Mkuu na kutimiza haki yao ya Kikatiba ya kupiga kura .

Kwa upande wake, Mgombea Ubunge Jimbo la Mafinga Mjini, Dickson Lutevele maarufu kama 'Villa' amesema ana imani kubwa na wananchi kwenda kwenye vituo vya kupigia kura kwa wingi kama sehemu ya kuonyesha shukrani kwa Serikali kutokana na mambo makubwa iliyoyafanya hasa katika eneo la miradi ya maendeleo.

Aidha, Mgombea huyo amewasisitizia wananchi bila ya kujali itikadi za kisiasa au imani zao za kidini kuona umuhimu wa kutanguliza amani ambayo ndio msingi wa maendeleo jumuishi na endelevu. 

"Ni imani yangu Mufindi kwa mara nyingine tena tutaongoza kwa wingi wa kura kukichagua Chama Cha Mapinduzi kama kawaida yetu"- Amesema Villa. 




Comments

Post a Comment

Popular posts from this blog

UONGOZI WA SHIRIKISHO LA VYAMA VYA TIBA ASILI TANZANIA WADAIWA SI HALALI NA UMEKOSA DIRA YA KUENDESHA VYAMA VYA WAGANGA WA TIBA ASILI

Image
 Na Mwandishi Wetu                       DAR ES SALAAM   UONGOZI  wa Shirikisho la Vyama vya Waganga wa  Tiba Asili Tanzania (Shivyatiata) uliokasimishwa madaraka ya muda wa mwaka mmoja kuliongoza hadi likae sawa, unalalamikiwa na wachama wa  vyama vya waganga wa tiba asili nchini  kwa kuhodhi madaraka  kwa miaka nane kinyume cha sheria na utaratibu waliokubaliana. Wakizungumza na Mwandishi wa DMNews online Tanzania Disemba 31, 2025 baadhi ya wanachama wa vyama vya waganga wa tiba asili kutoka vyama 28 vinavyounda shirikisho hilo, kwamba  uongozi uliopo si halali wakidai haukuchaguliwa kikatiba. Pia, wamesema kuwa uongozi huo wa Shirikisho umeshindwa kutimiza majukumu na malengo ya Serikali kuukasimisha madaraka ya muda badala yake unalitumia kujinufaisha wenyewe ikiwamo kufifisha shirikisho kwa kulikosesha dira. Mwenyekiti wa Umoja wa Watengeneza Bidhaa Asili Tanzania (UWABIATA) Rajab Ha...
Read more

NAIBU WAZIRI NDERIANANGA AONGOZA UJUMBE WA TANZANIA KATIKA MKUTANO WA TATU WA KIMATAIFA WA WATU WENYE ULEMAVU UJERUMANI.

Image
Na Mwandishi wetu,DmNewsonline             Berlin Ujerumani  NAIBU Waziri Ofisi ya Waziri Mkuu, Sera, Bunge na Uratibu Mheshimiwa Ummy Nderiananga ameongoza ujumbe wa Jamhuri ya Muungano wa Tanzania unaoshiriki Mkutano wa Tatu wa Kimataifa wa Watu wenye Ulemavu unaofanyika jijini Berlin, Ujerumani tarehe 2 hadi 3 April,2025.  Mkutano huo umeandaliwa na Shirikisho la Kimataifa wa Watu Wenye Ulemavu (IDA), Serikali ya Ujerumani, na Serikali ya Jordan na kufunguliwa rasmi kwa pamoja na Kansela wa Ujerumani Mhe. Olaf Scholz na Mfalme Abdullah II wa Jordani. Akizungumza wakati wa ufunguzi rasmi wa Mkutano huo Mhe. Scholz amesisitiza juu ya umuhimu wa kushirikiana kimataifa kukuza haki na ujumuishaji wa masuala ya Watu Wenye Ulemavu. “Ushirikiano wa kimataifa ni nguzo muhimu katika kuhakikisha haki na ujumuishaji wa watu wenye ulemavu unatekelezwa kikamilifu duniani kote kwa kushirikiana, serikali, mashirika ya kimataifa, sekta binafsi, taasisi za elimu...
Read more