TASAC Yawataka Wachimbaji Kutotumia Kampuni Binafsi Kusafirisha Kemikali na Vilipuzi



Richard Mrusha,DmNewsOnline
GEITA

 Shirika la Uwakala wa Meli Tanzania (TASAC) limepiga marufuku kwa kampuni binafsi kujihusisha na usafirishaji wa kemikali na vilipuzi vinavyotumika katika shughuli za uchimbaji migodini, likisisitiza kuwa jukumu hilo ni la TASAC pekee.

Mkurugenzi wa Huduma za Shirika hilo, Hamid Mbegu ameyasema hayo  katika Maonesho ya Nane ya Kitaifa ya Teknolojia ya Madini yaliyofanyika mkoani Geita.

 Amesema kwa mujibu wa Sheria ya Uwakala wa Meli, Sura ya 415, TASAC imepewa mamlaka ya kusimamia kwa ukamilifu usafirishaji na uondoshaji wa shehena zote hatarishi zikiwemo baruti na kemikali.

 "Baadhi ya shehena hizi ni sumu na zina madhara makubwa."

 Serikali kupitia TASAC ndiyo yenye mamlaka ya kusimamia hatua zote za uondoshaji wake. Makampuni yanayopitisha kemikali hizi kupitia kampuni binafsi yanakiuka sheria," alisisitiza Mbegu.

Ameongeza kuwa baadhi ya makampuni yamekuwa yakisafirisha kemikali hatarishi kama Sodium Cyanide kupitia njia zisizo rasmi, jambo linalohatarisha usalama wa watu na mazingira.

TASAC imewataka wachimbaji wadogo na wakubwa, pamoja na kampuni za uagizaji na usafirishaji, kufuata sheria na kuhakikisha shughuli zote za usafirishaji wa kemikali hizo zinafanywa kwa usimamizi wa wataalam wake pekee.




Comments

Post a Comment

Popular posts from this blog

UONGOZI WA SHIRIKISHO LA VYAMA VYA TIBA ASILI TANZANIA WADAIWA SI HALALI NA UMEKOSA DIRA YA KUENDESHA VYAMA VYA WAGANGA WA TIBA ASILI

Image
 Na Mwandishi Wetu                       DAR ES SALAAM   UONGOZI  wa Shirikisho la Vyama vya Waganga wa  Tiba Asili Tanzania (Shivyatiata) uliokasimishwa madaraka ya muda wa mwaka mmoja kuliongoza hadi likae sawa, unalalamikiwa na wachama wa  vyama vya waganga wa tiba asili nchini  kwa kuhodhi madaraka  kwa miaka nane kinyume cha sheria na utaratibu waliokubaliana. Wakizungumza na Mwandishi wa DMNews online Tanzania Disemba 31, 2025 baadhi ya wanachama wa vyama vya waganga wa tiba asili kutoka vyama 28 vinavyounda shirikisho hilo, kwamba  uongozi uliopo si halali wakidai haukuchaguliwa kikatiba. Pia, wamesema kuwa uongozi huo wa Shirikisho umeshindwa kutimiza majukumu na malengo ya Serikali kuukasimisha madaraka ya muda badala yake unalitumia kujinufaisha wenyewe ikiwamo kufifisha shirikisho kwa kulikosesha dira. Mwenyekiti wa Umoja wa Watengeneza Bidhaa Asili Tanzania (UWABIATA) Rajab Ha...
Read more

NAIBU WAZIRI NDERIANANGA AONGOZA UJUMBE WA TANZANIA KATIKA MKUTANO WA TATU WA KIMATAIFA WA WATU WENYE ULEMAVU UJERUMANI.

Image
Na Mwandishi wetu,DmNewsonline             Berlin Ujerumani  NAIBU Waziri Ofisi ya Waziri Mkuu, Sera, Bunge na Uratibu Mheshimiwa Ummy Nderiananga ameongoza ujumbe wa Jamhuri ya Muungano wa Tanzania unaoshiriki Mkutano wa Tatu wa Kimataifa wa Watu wenye Ulemavu unaofanyika jijini Berlin, Ujerumani tarehe 2 hadi 3 April,2025.  Mkutano huo umeandaliwa na Shirikisho la Kimataifa wa Watu Wenye Ulemavu (IDA), Serikali ya Ujerumani, na Serikali ya Jordan na kufunguliwa rasmi kwa pamoja na Kansela wa Ujerumani Mhe. Olaf Scholz na Mfalme Abdullah II wa Jordani. Akizungumza wakati wa ufunguzi rasmi wa Mkutano huo Mhe. Scholz amesisitiza juu ya umuhimu wa kushirikiana kimataifa kukuza haki na ujumuishaji wa masuala ya Watu Wenye Ulemavu. “Ushirikiano wa kimataifa ni nguzo muhimu katika kuhakikisha haki na ujumuishaji wa watu wenye ulemavu unatekelezwa kikamilifu duniani kote kwa kushirikiana, serikali, mashirika ya kimataifa, sekta binafsi, taasisi za elimu...
Read more