MWINGIRA : TBA KUENDELEA KUTEKELEZA MIRADI MIKUBWA YA MAENDELEO



Na Richard Mrusha,DmNewsOnline
GEITA

Afisa Habari wa Wakala wa Majengo Tanzania (TBA), Adam Mwingira, amesema TBA inaendelea kutekeleza miradi mikubwa ya maendeleo ikiwa ni sehemu ya maboresho katika sekta ya ujenzi wa miundombinu ya umma. Ameyasema hayo leo wakati akizungumza katika Banda la TBA kwenye Maonesho ya Madini ya Geita, alipokuwa akipokea ugeni wa Naibu Waziri Mkuu na Waziri wa Nishati, Mhe. Dkt. Doto Biteko.

Akielezea mafanikio na mwelekeo wa taasisi hiyo, Mwingira amesema TBA ina mradi mkubwa unaotarajiwa kuanza kutekelezwa hivi karibuni, na kushukuru Serikali ya Awamu ya Sita chini ya Rais Dkt. Samia Suluhu Hassan kwa kuruhusu mazingira bora ya utekelezaji wa miradi hiyo kupitia mabadiliko ya sheria ya Majengo, GN Na. 595 ya mwaka 2023.

"Marekebisho haya yameruhusu TBA kushirikiana na sekta binafsi pamoja na taasisi za kifedha, jambo ambalo litaongeza kasi ya utekelezaji wa miradi kwa ubora na kwa wakati," amesema Mwingira.

Aidha, amewakaribisha wawekezaji wote wenye nia ya kushirikiana na TBA kwa njia ya ubia katika miradi ya ujenzi, akisisitiza kuwa taasisi hiyo iko wazi kwa ushirikiano wa aina hiyo ili kuhakikisha maendeleo yanawafikia wananchi kwa haraka.

Akitaja baadhi ya miradi mikubwa inayotekelezwa na TBA, Mwingira amesema ni pamoja na ujenzi wa Hospitali ya Rufaa ya Kanda ya Chato na Hospitali ya Mkoa wa Geita, ambazo zimekuwa chachu ya maboresho ya huduma za afya kwa wananchi wa maeneo hayo.

Miradi mingine aliyotaja ni pamoja na kukamilika kwa ujenzi wa Ofisi ya Mkuu wa Mkoa wa Geita, pamoja na miradi inayoendelea kama vile ujenzi wa ofisi za TANESCO na Ofisi ya Mkuu wa Wilaya.



Comments

Post a Comment

Popular posts from this blog

UONGOZI WA SHIRIKISHO LA VYAMA VYA TIBA ASILI TANZANIA WADAIWA SI HALALI NA UMEKOSA DIRA YA KUENDESHA VYAMA VYA WAGANGA WA TIBA ASILI

Image
 Na Mwandishi Wetu                       DAR ES SALAAM   UONGOZI  wa Shirikisho la Vyama vya Waganga wa  Tiba Asili Tanzania (Shivyatiata) uliokasimishwa madaraka ya muda wa mwaka mmoja kuliongoza hadi likae sawa, unalalamikiwa na wachama wa  vyama vya waganga wa tiba asili nchini  kwa kuhodhi madaraka  kwa miaka nane kinyume cha sheria na utaratibu waliokubaliana. Wakizungumza na Mwandishi wa DMNews online Tanzania Disemba 31, 2025 baadhi ya wanachama wa vyama vya waganga wa tiba asili kutoka vyama 28 vinavyounda shirikisho hilo, kwamba  uongozi uliopo si halali wakidai haukuchaguliwa kikatiba. Pia, wamesema kuwa uongozi huo wa Shirikisho umeshindwa kutimiza majukumu na malengo ya Serikali kuukasimisha madaraka ya muda badala yake unalitumia kujinufaisha wenyewe ikiwamo kufifisha shirikisho kwa kulikosesha dira. Mwenyekiti wa Umoja wa Watengeneza Bidhaa Asili Tanzania (UWABIATA) Rajab Ha...
Read more

NAIBU WAZIRI NDERIANANGA AONGOZA UJUMBE WA TANZANIA KATIKA MKUTANO WA TATU WA KIMATAIFA WA WATU WENYE ULEMAVU UJERUMANI.

Image
Na Mwandishi wetu,DmNewsonline             Berlin Ujerumani  NAIBU Waziri Ofisi ya Waziri Mkuu, Sera, Bunge na Uratibu Mheshimiwa Ummy Nderiananga ameongoza ujumbe wa Jamhuri ya Muungano wa Tanzania unaoshiriki Mkutano wa Tatu wa Kimataifa wa Watu wenye Ulemavu unaofanyika jijini Berlin, Ujerumani tarehe 2 hadi 3 April,2025.  Mkutano huo umeandaliwa na Shirikisho la Kimataifa wa Watu Wenye Ulemavu (IDA), Serikali ya Ujerumani, na Serikali ya Jordan na kufunguliwa rasmi kwa pamoja na Kansela wa Ujerumani Mhe. Olaf Scholz na Mfalme Abdullah II wa Jordani. Akizungumza wakati wa ufunguzi rasmi wa Mkutano huo Mhe. Scholz amesisitiza juu ya umuhimu wa kushirikiana kimataifa kukuza haki na ujumuishaji wa masuala ya Watu Wenye Ulemavu. “Ushirikiano wa kimataifa ni nguzo muhimu katika kuhakikisha haki na ujumuishaji wa watu wenye ulemavu unatekelezwa kikamilifu duniani kote kwa kushirikiana, serikali, mashirika ya kimataifa, sekta binafsi, taasisi za elimu...
Read more