Mkurugenzi STAMICO Afanya Mazungumzo na Wanawake Wachimbaji wa TAWOMA


‎
Na ‎Richard Mrusha,DmNewsOnline
Geita
‎
 Mkurugenzi Mtendaji wa Shirika la Madini la Taifa (STAMICO), Bw.  CPA Venance Mwase amekutana na kufanya mazungumzo na wanachama wa Chama cha Wanawake Wachimbaji Madini Tanzania (TAWOMA) katika Maonesho ya Nane ya Teknolojia na Uwekezaji kwenye Sekta ya Madini yanayoendelea mkoani Geita.
‎
‎Katika mazungumzo hayo, CPA Venance Mwase  aliwapongeza wanawake hao kwa kazi nzuri wanayoifanya katika sekta ya madini huku akisisitiza dhamira ya STAMICO kuendelea kuwaunga mkono kwa vitendo.
‎
‎“Kushukuru ni jambo jema, lakini niwaambie kuwa mnafanya kazi nzuri sana. Ukiona Salma anakuja kwangu na anatoka na kitu, jua nahamasishwa na mnachokifanya. Ahadi yangu kwenu ni kuendelea kuwashika mkono kwa sababu hamjawahi kuniangusha,” alisema CPA Mwase
‎
‎Aliongeza kuwa serikali kupitia STAMICO itaendelea kuwapa fursa zaidi wanawake wachimbaji, hasa wale wanaojitokeza na kuonyesha juhudi. Alitaja kuwa STAMICO imejipanga kuwasaidia zaidi, ikiwa ni pamoja na kutoa vifaa muhimu kama pampu za maji.
‎
‎“Nimeahidi mwenyewe kuhusu pampu za maji, kamilisheni utafiti wenu na mtuletee mahitaji. Tutaanza kutoa vifaa hivyo kwa awamu hadi kila mwanamke aondokane na changamoto ya upatikanaji wa maji kwenye maeneo ya uchimbaji,” aliongeza.
‎
‎Katika mazungumzo hayo, Mkurugenzi huyo pia alieleza kuwa serikali ya awamu ya sita chini ya Rais Dkt. Samia Suluhu Hassan, imekuwa na dhamira ya dhati ya kuwawezesha wachimbaji wadogo, hususan wanawake na vijana. Alibainisha kuwa moja ya rigs za kisasa iliyoletwa nchini kwa maelekezo ya Rais, imeelekezwa kwa wanawake wachimbaji, na STAMICO iko mbioni kukamilisha vifaa na taratibu za makabidhiano.
‎
‎Kwa upande wake, Katibu wa TAWOMA Taifa Salma Ernest alishukuru STAMICO kwa kuwa bega kwa bega na wanawake katika shughuli zao za uchimbaji, huku akieleza kuwa Geita ndio mkoa uliyonufaika zaidi kupitia mradi wa Malika wa Madini unaosimamiwa na STAMICO.
‎
‎ “Mapendekezo yetu ya kuhamasisha vikundi vingi kujiunga na TAWOMA yameanza kutekelezwa kwa mafanikio makubwa. Pia tulipendekeza STAMICO itoe elimu na vifaa, na tumeshuhudia zaidi ya wanawake 640 wakinufaika na elimu hiyo. Pia kati ya jokarasha 20 zilizopo nchini, tano zipo Geita,” alisema Katibu huyo.
‎
‎Aidha, wanawake hao walieleza kufurahishwa na ushiriki wao kwenye maonesho ya mwaka huu, wakisema kuwa yamewapa fursa ya kutambulika, kujifunza teknolojia mpya na kuunganishwa na taasisi za kifedha pamoja na wawekezaji.
‎
‎Mwenyekiti wa TAWOMA mkoa wa Geita Evelyne Cleophace naye alitoa shukrani kwa Mkurugenzi Mrusha, akimtaja kuwa "baba bora" kwa wanawake hao kutokana na namna anavyowasikiliza na kuwatafutia suluhisho la changamoto zao.



Comments

Post a Comment

Popular posts from this blog

UONGOZI WA SHIRIKISHO LA VYAMA VYA TIBA ASILI TANZANIA WADAIWA SI HALALI NA UMEKOSA DIRA YA KUENDESHA VYAMA VYA WAGANGA WA TIBA ASILI

Image
 Na Mwandishi Wetu                       DAR ES SALAAM   UONGOZI  wa Shirikisho la Vyama vya Waganga wa  Tiba Asili Tanzania (Shivyatiata) uliokasimishwa madaraka ya muda wa mwaka mmoja kuliongoza hadi likae sawa, unalalamikiwa na wachama wa  vyama vya waganga wa tiba asili nchini  kwa kuhodhi madaraka  kwa miaka nane kinyume cha sheria na utaratibu waliokubaliana. Wakizungumza na Mwandishi wa DMNews online Tanzania Disemba 31, 2025 baadhi ya wanachama wa vyama vya waganga wa tiba asili kutoka vyama 28 vinavyounda shirikisho hilo, kwamba  uongozi uliopo si halali wakidai haukuchaguliwa kikatiba. Pia, wamesema kuwa uongozi huo wa Shirikisho umeshindwa kutimiza majukumu na malengo ya Serikali kuukasimisha madaraka ya muda badala yake unalitumia kujinufaisha wenyewe ikiwamo kufifisha shirikisho kwa kulikosesha dira. Mwenyekiti wa Umoja wa Watengeneza Bidhaa Asili Tanzania (UWABIATA) Rajab Ha...
Read more

NAIBU WAZIRI NDERIANANGA AONGOZA UJUMBE WA TANZANIA KATIKA MKUTANO WA TATU WA KIMATAIFA WA WATU WENYE ULEMAVU UJERUMANI.

Image
Na Mwandishi wetu,DmNewsonline             Berlin Ujerumani  NAIBU Waziri Ofisi ya Waziri Mkuu, Sera, Bunge na Uratibu Mheshimiwa Ummy Nderiananga ameongoza ujumbe wa Jamhuri ya Muungano wa Tanzania unaoshiriki Mkutano wa Tatu wa Kimataifa wa Watu wenye Ulemavu unaofanyika jijini Berlin, Ujerumani tarehe 2 hadi 3 April,2025.  Mkutano huo umeandaliwa na Shirikisho la Kimataifa wa Watu Wenye Ulemavu (IDA), Serikali ya Ujerumani, na Serikali ya Jordan na kufunguliwa rasmi kwa pamoja na Kansela wa Ujerumani Mhe. Olaf Scholz na Mfalme Abdullah II wa Jordani. Akizungumza wakati wa ufunguzi rasmi wa Mkutano huo Mhe. Scholz amesisitiza juu ya umuhimu wa kushirikiana kimataifa kukuza haki na ujumuishaji wa masuala ya Watu Wenye Ulemavu. “Ushirikiano wa kimataifa ni nguzo muhimu katika kuhakikisha haki na ujumuishaji wa watu wenye ulemavu unatekelezwa kikamilifu duniani kote kwa kushirikiana, serikali, mashirika ya kimataifa, sekta binafsi, taasisi za elimu...
Read more