Aweso Apongeza Usimamizi Mradi wa Maji Chato Uliofikia 53%, Wananchi Waomba Uharakishwaji

Na Mwandishi wetu,DmNewsonline 

                GEITA 

WAZIRI wa Maji, Jumaa Aweso, amewapongeza wasimamizi wa mradi wa maji wa miji 28 unaoendelea kutekelezwa wilayani Chato kwa usimamizi mzuri, huku akieleza kuridhishwa na maendeleo ya utekelezaji ambao kwa sasa umefikia asilimia 53.

Akizungumza wakati wa ziara yake ya kukagua mradi huo, Waziri Aweso alisema hatua iliyofikiwa ni ya kutia moyo na kuonyesha dhamira ya dhati ya serikali ya kuwapatia wananchi huduma bora ya maji safi na salama.

Katika ziara hiyo, wananchi wa Kijiji cha Mkungo, Kata ya Mkome, waliiomba serikali kupitia Wizara ya Maji kuharakisha utekelezaji wa mradi huo ili kuondokana na adha ya upatikanaji wa maji safi inayowakumba kwa muda mrefu.

Mkurugenzi Mtendaji wa Mamlaka ya Maji Safi na Usafi wa Mazingira Wilaya ya Chato (CHAWASA), Aisaki Mgeni, alieleza kuwa mradi huo unatarajiwa kugharimu jumla ya shilingi bilioni 41 hadi kukamilika, na utaongeza uzalishaji wa maji kutoka lita milioni 4 hadi milioni 10 kwa siku, ikiwa ni zaidi ya mahitaji ya sasa ya lita milioni 8 kwa siku.

“Mradi huu utakapokamilika utahudumia zaidi ya wananchi laki moja wa Wilaya ya Chato na kumaliza kabisa changamoto ya upatikanaji wa maji safi,” alisema Mgeni.

Waziri Aweso alisisitiza kuwa Serikali itaendelea kusimamia kwa karibu utekelezaji wa miradi ya maji nchini ili kuhakikisha wananchi wanapata huduma stahiki kama ilivyo dhamira ya Rais Dkt. Samia Suluhu Hassan ya kumtua mama ndoo kichwani.   

Comments

Post a Comment

Popular posts from this blog

UONGOZI WA SHIRIKISHO LA VYAMA VYA TIBA ASILI TANZANIA WADAIWA SI HALALI NA UMEKOSA DIRA YA KUENDESHA VYAMA VYA WAGANGA WA TIBA ASILI

Image
 Na Mwandishi Wetu                       DAR ES SALAAM   UONGOZI  wa Shirikisho la Vyama vya Waganga wa  Tiba Asili Tanzania (Shivyatiata) uliokasimishwa madaraka ya muda wa mwaka mmoja kuliongoza hadi likae sawa, unalalamikiwa na wachama wa  vyama vya waganga wa tiba asili nchini  kwa kuhodhi madaraka  kwa miaka nane kinyume cha sheria na utaratibu waliokubaliana. Wakizungumza na Mwandishi wa DMNews online Tanzania Disemba 31, 2025 baadhi ya wanachama wa vyama vya waganga wa tiba asili kutoka vyama 28 vinavyounda shirikisho hilo, kwamba  uongozi uliopo si halali wakidai haukuchaguliwa kikatiba. Pia, wamesema kuwa uongozi huo wa Shirikisho umeshindwa kutimiza majukumu na malengo ya Serikali kuukasimisha madaraka ya muda badala yake unalitumia kujinufaisha wenyewe ikiwamo kufifisha shirikisho kwa kulikosesha dira. Mwenyekiti wa Umoja wa Watengeneza Bidhaa Asili Tanzania (UWABIATA) Rajab Ha...
Read more

NAIBU WAZIRI NDERIANANGA AONGOZA UJUMBE WA TANZANIA KATIKA MKUTANO WA TATU WA KIMATAIFA WA WATU WENYE ULEMAVU UJERUMANI.

Image
Na Mwandishi wetu,DmNewsonline             Berlin Ujerumani  NAIBU Waziri Ofisi ya Waziri Mkuu, Sera, Bunge na Uratibu Mheshimiwa Ummy Nderiananga ameongoza ujumbe wa Jamhuri ya Muungano wa Tanzania unaoshiriki Mkutano wa Tatu wa Kimataifa wa Watu wenye Ulemavu unaofanyika jijini Berlin, Ujerumani tarehe 2 hadi 3 April,2025.  Mkutano huo umeandaliwa na Shirikisho la Kimataifa wa Watu Wenye Ulemavu (IDA), Serikali ya Ujerumani, na Serikali ya Jordan na kufunguliwa rasmi kwa pamoja na Kansela wa Ujerumani Mhe. Olaf Scholz na Mfalme Abdullah II wa Jordani. Akizungumza wakati wa ufunguzi rasmi wa Mkutano huo Mhe. Scholz amesisitiza juu ya umuhimu wa kushirikiana kimataifa kukuza haki na ujumuishaji wa masuala ya Watu Wenye Ulemavu. “Ushirikiano wa kimataifa ni nguzo muhimu katika kuhakikisha haki na ujumuishaji wa watu wenye ulemavu unatekelezwa kikamilifu duniani kote kwa kushirikiana, serikali, mashirika ya kimataifa, sekta binafsi, taasisi za elimu...
Read more