TLP KINAWATA WANACHAMA WENYE SIFA KUJITOKEZA KWA WINGI KUWANIA NAFASI ZA UONGOZI



Na Mwandishi Wetu,DmNewsOnline
‎
‎.           DAR ES SALAAM 
‎
‎CHAMA cha Tanzania Labour Party(TLP) kinapenda kuwataarifu na kuwatangazia wanachama wote pamoja na wananchi na wapiga kura kuwa kimeanza kutoa fomu za  mgombea Urais wa Jamhuri ya Muungano wa Tanzania na Serikali ya Mapinduzi ya Zanzibar,Ubunge na Udiwani kuanzia Aprili 25,2025.
‎
‎Akizungumza na mwandishi wa habari wa DmNewsOnline kwa mahojiano maalum Ofisi kwake  leo Aprili 30,2025  Jijini Dar es Salaam Mwenyekiti wa TLP Taifa,Richard Lyimo amesema kwamba fomu za Urais zinapatikana Makao  Makuu ya Chama Dar es Salaam na Ofisi ndogo za Zanzibar na zoezi la kuchukua fomu lilianza Aprili 25,2025 na mwisho ni Mei 15,2025 kwa wagombea wa Urais.
‎
‎Aidha,Mwenyekiti Lyimo amesema kuwa fomu za Ubunge na Udiwani zinapatikana kwenye ofisi zetu za Mikoa,Wilaya na Majimbo kwa nchi nzima kwa wenyeviti wa Mikoa,Wilaya,Majimbo na Makatibu na zimeanza kutolewa Aprili 30,2025 hadi  Juni 20,2025.
‎
‎Mwenyekiti Lyimo amesisitiza wanachama kuzingatia muda wa kurejesha kwa ajili ya kupitishwa kwenye vikao maalum vya kupitisha wagombea.
‎
‎Pia amewataka wanachama kujitokeza kwa wingi kuchukua fomu za kuwania nafasi hizo kwani  hiyo ni fursa muhimu kwa chama.
‎
‎Hata hivyo ,Mwenyekiti Lyimo amewata vijana na wanawake wenye sifa za kuwania nafasi za udiwani na Ubunge kujitokeza kwa wingi kuchukua fomu.
‎
‎"Wengi wajitokeze kwenye chama chetu kwani tunahitajo wabunge na madiwani wakutosha na dhamira ya chama ni kusimamisha wagombea nchi nzima na amewata wananchi kujiunga naTLP",alisema Mwenyekiti Lyimo
‎
‎Sambamba na hayo amesema mkutano maalum wa kuchagua Urais wa Jamhuri ya Muungano wa Tanzania na Serikali yaMapinduzi  ya Zanzibar utatangazwa hivi karibuni.
‎
‎Vilevile Mwenyekiti Lyimo amesema kwamba anatia nia ya kugombea nafasi ya Ubunge katika Jimbo la Bunjo Mkoa wa Kilimanjaro.
‎
‎Ameahidi kwa wananchi wa Jimbo Hilo kwamba mwaka huu ni wakuweka historia kwa kuchagua watu wenye uchungu na jimbohilo sio watu wenye uchu wa madaraka.
‎
‎"Ng'ombe hachaguliwi kwasababu ya kuangalia mapembe,ng'ombe anaangaliwa namna alivyonona lakini ukiangalia mapembe unaweza kuona ng'ombe lina mapembe makubwa lakini halina faida,Mimi nataka kwenda kufanya kazi ya wananchi",alisema Lyimo


‎
‎
‎

Comments

Post a Comment

Popular posts from this blog

KAMATI YA KUDUMU YA BUNGE TAMISEMI YAKOSHWA NA UBORA WA MIRADI YA MAENDELEO KIBAHA TC

Image
Na Victor Massngu,DmNewsOnline,                                        KIBAHA  KAMATI  ya kudumu ya Bunge ya Tamisemi imesema kwamba  imeridhishwa kwa kiasi kikubwa  na  miradi ya maendeleo katika sekta ya afya na elimu  ambayo imetekelezwa katika Halmashauri ya Kibaha mji  kupitia fedha zinazotolewa  kutoka serikali kuu na nyingine kupitia makusanyo yanayotokana na fedha za  mapato yake  ya ndani kwa ajili ya kuwaletea wananchi maendeleo. Kauli hiyo imetolewa na  Mwenyekiti wa kamati hiyo  ya kudumu Justine Kamoga wakati wa kamati hiyo ilipofanya ziara yake ya kikazi  siku moja  katika Halmaashauri  ya mji Kibaha yenye lengo la  kugagua na kutembelea miradi mbali mbali ya maendeleo kwa lengo la kuweza kujionea mwenendo mzima wa utekelezaji wake. Mwenyekiti huyo amesema kwamba wameweza kufanya ziara hiyo kwa a...
Read more

MAMBO 10 MAZITO YANAYOIANGAMIZA NA KUIZAMISHA CHADEMA 2024/2025

Image
Na Mwandishi wetu,DmNewsOnline 1. Kupoteza Ushawishi kwa Umma: Chama Cha Chadema kimekosa mvuto kutokana na kukimbiwa na wanasiasa wenye uwezo wa kushawishi, wanasheria mahiri, na wanataaluma wakubwa. Wakati zamani walijenga hoja na ajenda zenye nguvu, sasa wamesalia bila nguvu ya kushawishi umma. 2. Migogoro ya Viongozi wa Juu: Mgawanyiko na chuki baina ya viongozi wakuu kama Freeman Mbowe na Tundu Lissu kwa ajili ya nafasi ya urais ni ishara ya ukosefu wa umoja. Migogoro hii inavuruga utendaji na kuashiria kukosekana kwa mshikamano. 3. Chaguzi za Ndani Zenye Matabaka: Mfumo mpya wa usajili "Chadema Digital" umeweka kipaumbele kwa wenye nacho, hivyo kupunguza uaminifu wa chama kwa masikini na kuwagawa wanachama kulingana na uwezo wao kifedha. Je, chama kinachodai kusimama na maskini kinauza kadi kwa milioni moja kwa wanachama wake? 4. Rushwa Inayotawala Chama: Viongozi wa Chadema wanahusishwa na rushwa, kutoka kwa wafanyabiashara wakubwa hadi rushwa ya ngono katika nafasi za...
Read more