KOROGWE TC WAENDELEA KUTOA ELIMU MALIPO YA TASAF

Na Yusuph Mussa,DmNewsonline

            Korogwe

MFUKO wa Maendeleo ya Jamii (TASAF) Halmashauri ya Mji Korogwe mkoani Tanga umeendelea kupata mafanikio kwa kuweza kuwaelimisha wanufaika wa Mpango wa Kunusuru Kaya za Walengwa kuwa wanahakikisha wanaendelea kupata malipo yao kwa njia ya simu ama benki.

Akizungumza Aprili 29, 2025 na mwandishi wa habari hizi ambapo zoezi la malipo linafanyika kwa siku mbili, Mratibu wa TASAF Halmashauri ya Mji Korogwe, Rehema Letara, amesema idadi ya wanaopokea kwa njia ya fedha taslimu inazidi kupungua.

Letara alisema malengo ya TASAF ni kuona walengwa wote wanalipwa kwa njia ya simu au benki, hiyo itarahisisha malipo hayo, lakini pia ni salama na rahisi, tofauti na kutumia fedha taslimu, na wamekuwa wanatumia Benki ya NMB na CRDB kukamilisha zoezi hilo.

"Tunataka walengwa wote waweze kuwa na simu kwa ajili ya malipo. Lakini hata kama mtu ana akaunti ya benki hiyo itakuwa nzuri zaidi. Katika kufanikisha hilo, tunazunguka na maofisa wa Benki ya NMB na CRDB ili kuwaandikisha walengwa waweze kufungua akaunti.

"Na kwa kiasi kikubwa tumefanikiwa, kwani dirisha la malipo ya Januari na Februari, 2025, malipo  ya fedha taslimu ni sh. 8,102,000  kwenye
kaya 261, na malipo ya mtandao (simu) ni kaya 804 ambazo zimelipwa sh. 25,138,000, hivyo kufanya jumla ya  kaya za walengwa wote kuwa 1,065, na jumla ya fedha zote zilizolipwa kwa walengwa kuwa jumla sh. 33,240,000" amesema Letara.

Letara alisema kila kunapofanyika malipo kunakuwa na changamoto zake, lakini yeye pamoja na Afisa Ufuatiliaji wa TASAF (TMO) kwenye Halmashauri ya Wilaya ya Korogwe, na Halmashauri ya Mji Korogwe Elizabeth Mwantyala, wamekuwa wakiwasikiliza walengwa, na kuweza kutatua changamoto hizo.

"Kuna baadhi ya changamoto zinajitokeza kwa walengwa. Wengine huwa wanahama mitaa na kwenda mtaa mwingine. Lakini baadhi yao majina yaliyopo kwenye Kitambulisho cha NIDA hayaendani na majina yaliyopo kwenye kitambulisho cha malipo ya TASAF. 

"Lakini siku hadi siku tumekuwa tunatoa elimu kuwa majina yaliyopo kwenye kitambulisho cha NIDA, ndiyo hayo yawepo kitambulisho cha TASAF na akaunti ya benki ili popote mtu akitafutwa majina yake yote yanasomana" amesema Letara.


Comments

Post a Comment

Popular posts from this blog

KAMATI YA KUDUMU YA BUNGE TAMISEMI YAKOSHWA NA UBORA WA MIRADI YA MAENDELEO KIBAHA TC

Image
Na Victor Massngu,DmNewsOnline,                                        KIBAHA  KAMATI  ya kudumu ya Bunge ya Tamisemi imesema kwamba  imeridhishwa kwa kiasi kikubwa  na  miradi ya maendeleo katika sekta ya afya na elimu  ambayo imetekelezwa katika Halmashauri ya Kibaha mji  kupitia fedha zinazotolewa  kutoka serikali kuu na nyingine kupitia makusanyo yanayotokana na fedha za  mapato yake  ya ndani kwa ajili ya kuwaletea wananchi maendeleo. Kauli hiyo imetolewa na  Mwenyekiti wa kamati hiyo  ya kudumu Justine Kamoga wakati wa kamati hiyo ilipofanya ziara yake ya kikazi  siku moja  katika Halmaashauri  ya mji Kibaha yenye lengo la  kugagua na kutembelea miradi mbali mbali ya maendeleo kwa lengo la kuweza kujionea mwenendo mzima wa utekelezaji wake. Mwenyekiti huyo amesema kwamba wameweza kufanya ziara hiyo kwa a...
Read more

MAMBO 10 MAZITO YANAYOIANGAMIZA NA KUIZAMISHA CHADEMA 2024/2025

Image
Na Mwandishi wetu,DmNewsOnline 1. Kupoteza Ushawishi kwa Umma: Chama Cha Chadema kimekosa mvuto kutokana na kukimbiwa na wanasiasa wenye uwezo wa kushawishi, wanasheria mahiri, na wanataaluma wakubwa. Wakati zamani walijenga hoja na ajenda zenye nguvu, sasa wamesalia bila nguvu ya kushawishi umma. 2. Migogoro ya Viongozi wa Juu: Mgawanyiko na chuki baina ya viongozi wakuu kama Freeman Mbowe na Tundu Lissu kwa ajili ya nafasi ya urais ni ishara ya ukosefu wa umoja. Migogoro hii inavuruga utendaji na kuashiria kukosekana kwa mshikamano. 3. Chaguzi za Ndani Zenye Matabaka: Mfumo mpya wa usajili "Chadema Digital" umeweka kipaumbele kwa wenye nacho, hivyo kupunguza uaminifu wa chama kwa masikini na kuwagawa wanachama kulingana na uwezo wao kifedha. Je, chama kinachodai kusimama na maskini kinauza kadi kwa milioni moja kwa wanachama wake? 4. Rushwa Inayotawala Chama: Viongozi wa Chadema wanahusishwa na rushwa, kutoka kwa wafanyabiashara wakubwa hadi rushwa ya ngono katika nafasi za...
Read more