TANGA MWENYEJI WA MAADHISHO YA KITAIFA SIKU YA HAKI ZA MTUMIAJI 2026.



Na Angelina Mganga ,DmNewsOnline

           Dar es Salaam 

MWENYEKITI  wa Jukwaa la Watumiaji Tanzania (TCF), D.G. Daudi, amesema kuwa usalama wa bidhaa na huduma ni haki ya msingi kwa watumiaji wote. Amesisitiza kuwa watumiaji wenye kujiamini ni wale wanaojua haki na wajibu wao, na hivyo wanadhibitiwa na wanazozihitaji.

Katika kuadhimisha siku hii, Jukwaa la Watumiaji Tanzania (TCF) litaendesha shughuli mbalimbali za utoaji elimu kwa umma kuanzia tarehe 10 hadi 15 Machi 2026. Shughuli hizi zimeundwa kuelimisha watumiaji kuhusu haki zao na jinsi ya kutumia huduma zinazodhibitiwa.

Amesema maadhimisho ya mwaka huu yataweka msisitizo katika masuala ya usalama wa huduma na bidhaa, ikiwa ni pamoja na huduma salama za nishati na maji zinazohusisha viwango vya ubora na kulinda maslahi ya watumiaji pamoja na mazingira.

Aidha ameeleza kuwa shughuli zitajumuisha elimu kuhusu usalama wa watumiaji wa anga na vifaa vya usalama na usalama wa watumiaji wa nchi kavu unaozingatia viwango vya usalama na haki za watumiaji.

Jukwaa la Watumiaji Tanzania (TCF) limewahimiza wananchi kushiriki kikamilifu katika shughuli za maadhimisho haya ili kupata elimu kuhusu haki na wajibu wao katika kutumia huduma zinazodhibitiwa na maslahi ya kuhifadhi haki zao kama watumiaji.

Hata hivyo amewakaribisha Wananchi wa Jiji la Tanga na maeneo ya jirani  kushiriki katika maadhimisho hayo yatakayofanyika katika Ukumbi wa Mkurugenzi wa Jiji, ambapo pamoja na hafla ya kilele kutakuwa na maonesho na utoaji wa elimu kwa umma kuhusu haki na wajibu wa watumiaji wa huduma zinazodhibitiwa.

 Kupitia maonesho hayo, wananchi watapata fursa ya kujifunza zaidi kuhusu huduma mbalimbali zinazodhibitiwa, taratibu za kuwasilisha malalamiko pamoja na namna ya kulinda haki zao kama watumiaji.

Comments

Post a Comment

Popular posts from this blog

UONGOZI WA SHIRIKISHO LA VYAMA VYA TIBA ASILI TANZANIA WADAIWA SI HALALI NA UMEKOSA DIRA YA KUENDESHA VYAMA VYA WAGANGA WA TIBA ASILI

Image
 Na Mwandishi Wetu                       DAR ES SALAAM   UONGOZI  wa Shirikisho la Vyama vya Waganga wa  Tiba Asili Tanzania (Shivyatiata) uliokasimishwa madaraka ya muda wa mwaka mmoja kuliongoza hadi likae sawa, unalalamikiwa na wachama wa  vyama vya waganga wa tiba asili nchini  kwa kuhodhi madaraka  kwa miaka nane kinyume cha sheria na utaratibu waliokubaliana. Wakizungumza na Mwandishi wa DMNews online Tanzania Disemba 31, 2025 baadhi ya wanachama wa vyama vya waganga wa tiba asili kutoka vyama 28 vinavyounda shirikisho hilo, kwamba  uongozi uliopo si halali wakidai haukuchaguliwa kikatiba. Pia, wamesema kuwa uongozi huo wa Shirikisho umeshindwa kutimiza majukumu na malengo ya Serikali kuukasimisha madaraka ya muda badala yake unalitumia kujinufaisha wenyewe ikiwamo kufifisha shirikisho kwa kulikosesha dira. Mwenyekiti wa Umoja wa Watengeneza Bidhaa Asili Tanzania (UWABIATA) Rajab Ha...
Read more

NAIBU WAZIRI NDERIANANGA AONGOZA UJUMBE WA TANZANIA KATIKA MKUTANO WA TATU WA KIMATAIFA WA WATU WENYE ULEMAVU UJERUMANI.

Image
Na Mwandishi wetu,DmNewsonline             Berlin Ujerumani  NAIBU Waziri Ofisi ya Waziri Mkuu, Sera, Bunge na Uratibu Mheshimiwa Ummy Nderiananga ameongoza ujumbe wa Jamhuri ya Muungano wa Tanzania unaoshiriki Mkutano wa Tatu wa Kimataifa wa Watu wenye Ulemavu unaofanyika jijini Berlin, Ujerumani tarehe 2 hadi 3 April,2025.  Mkutano huo umeandaliwa na Shirikisho la Kimataifa wa Watu Wenye Ulemavu (IDA), Serikali ya Ujerumani, na Serikali ya Jordan na kufunguliwa rasmi kwa pamoja na Kansela wa Ujerumani Mhe. Olaf Scholz na Mfalme Abdullah II wa Jordani. Akizungumza wakati wa ufunguzi rasmi wa Mkutano huo Mhe. Scholz amesisitiza juu ya umuhimu wa kushirikiana kimataifa kukuza haki na ujumuishaji wa masuala ya Watu Wenye Ulemavu. “Ushirikiano wa kimataifa ni nguzo muhimu katika kuhakikisha haki na ujumuishaji wa watu wenye ulemavu unatekelezwa kikamilifu duniani kote kwa kushirikiana, serikali, mashirika ya kimataifa, sekta binafsi, taasisi za elimu...
Read more