SERIKALI YAWATAKA WATUNZA NYARAKA KUFANYA KAZI KWA WELEDI NA UADILIFU

Na Timothy Marko, DmNewsonline

           DAR ES SALAAM

SERIKALI imewataka watumishi wa umma wanaoshughulika na utunzaji wa nyaraka kuhakikisha wanatekeleza majukumu yao kwa weledi, uadilifu na kuzingatia matumizi ya mifumo ya kisasa ya kidijitali ili kulinda taarifa nyeti za taifa.

Wito huo umetolewa na Waziri Mkuu wa Jamhuri ya Muungano wa Tanzania, Mhe. Kassim Majaliwa, wakati wa kufungua Mkutano wa 13 wa Chama cha Menejimenti ya Kumbukumbu na Nyaraka (TRAMPA) uliofanyika jijini Dar es Salaam. Amesema utunzaji wa nyaraka za Serikali ni uti wa mgongo wa maendeleo ya taifa, hasa kuelekea Dira ya Maendeleo ya Taifa ya mwaka 2050.

“Watunza nyaraka ni wasimamizi muhimu wa dira ya maendeleo ya taifa letu. Serikali ya Awamu ya Sita inalenga kuhakikisha nyaraka zote za serikali zinatunzwa kwa usahihi, usalama, usiri na kwa kutumia mifumo ya kidijitali,” amesema Waziri Mkuu Majaliwa.

Aidha, amesisitiza kuwa mifumo ya utunzaji nyaraka isomeane kwa njia ya mtandao (interoperability) ili kuongeza ufanisi wa mawasiliano na usimamizi wa kumbukumbu serikalini.

Katika hatua nyingine, Waziri wa Nchi, Ofisi ya Rais – Menejimenti ya Utumishi wa Umma na Utawala Bora, Mhe. George Simbachawene, alieleza kuwa Serikali itaendelea kushirikiana kwa karibu na TRAMPA katika kuimarisha taaluma ya usimamizi wa nyaraka. Alisema mkutano huo ni jukwaa muhimu kwa wataalamu kubadilishana uzoefu na kukuza ufanisi wa kiutumishi.

“Tunatambua nafasi ya watunza kumbukumbu katika kulinda historia na taarifa za Serikali. Ofisi ya Rais itaendelea kushirikiana na TRAMPA kuhakikisha kazi hii inafanywa kwa weledi, uwazi na maadili ya hali ya juu,” amesema Simbachawene.

Kwa upande wake, Mwenyekiti wa TRAMPA, Bi. Devota Mrope, alisema chama hicho kina jumla ya wanachama 8,000, ambapo takribani 3,000 walihudhuria mkutano huo. Alibainisha kuwa TRAMPA itaendelea kuandaa mafunzo na mikutano ya kitaaluma kila mwaka kwa lengo la kuwajengea uwezo wataalamu wa nyaraka kote nchini.

“Watunza kumbukumbu ndio wabeba maono ya taifa. Bila taarifa, hakuna sera, mipango wala maendeleo ya kweli. Ndio maana tunasisitiza utunzaji wa taarifa kwa uaminifu na kwa kutumia teknolojia za kisasa,” amesema Mrope.

Kaulimbiu ya mkutano huo ilikuwa: “Matumizi ya Ofisi Mtandao katika Kuimarisha Ushiriki wa Uchaguzi Mkuu”, ikiakisi umuhimu wa mifumo ya TEHAMA katika kuhakikisha usalama na upatikanaji wa taarifa kwa wakati.

Mkutano huo umefanyika wakati Serikali ikiendelea kuwekeza kwenye mifumo ya kidijitali na kutoa mafunzo kwa watendaji serikalini, ili kuhakikisha taarifa za Serikali zinalindwa na zinapatikana kwa urahisi wakati wowote.   

Comments

Post a Comment

Popular posts from this blog

KAMATI YA KUDUMU YA BUNGE TAMISEMI YAKOSHWA NA UBORA WA MIRADI YA MAENDELEO KIBAHA TC

Image
Na Victor Massngu,DmNewsOnline,                                        KIBAHA  KAMATI  ya kudumu ya Bunge ya Tamisemi imesema kwamba  imeridhishwa kwa kiasi kikubwa  na  miradi ya maendeleo katika sekta ya afya na elimu  ambayo imetekelezwa katika Halmashauri ya Kibaha mji  kupitia fedha zinazotolewa  kutoka serikali kuu na nyingine kupitia makusanyo yanayotokana na fedha za  mapato yake  ya ndani kwa ajili ya kuwaletea wananchi maendeleo. Kauli hiyo imetolewa na  Mwenyekiti wa kamati hiyo  ya kudumu Justine Kamoga wakati wa kamati hiyo ilipofanya ziara yake ya kikazi  siku moja  katika Halmaashauri  ya mji Kibaha yenye lengo la  kugagua na kutembelea miradi mbali mbali ya maendeleo kwa lengo la kuweza kujionea mwenendo mzima wa utekelezaji wake. Mwenyekiti huyo amesema kwamba wameweza kufanya ziara hiyo kwa a...
Read more

MAMBO 10 MAZITO YANAYOIANGAMIZA NA KUIZAMISHA CHADEMA 2024/2025

Image
Na Mwandishi wetu,DmNewsOnline 1. Kupoteza Ushawishi kwa Umma: Chama Cha Chadema kimekosa mvuto kutokana na kukimbiwa na wanasiasa wenye uwezo wa kushawishi, wanasheria mahiri, na wanataaluma wakubwa. Wakati zamani walijenga hoja na ajenda zenye nguvu, sasa wamesalia bila nguvu ya kushawishi umma. 2. Migogoro ya Viongozi wa Juu: Mgawanyiko na chuki baina ya viongozi wakuu kama Freeman Mbowe na Tundu Lissu kwa ajili ya nafasi ya urais ni ishara ya ukosefu wa umoja. Migogoro hii inavuruga utendaji na kuashiria kukosekana kwa mshikamano. 3. Chaguzi za Ndani Zenye Matabaka: Mfumo mpya wa usajili "Chadema Digital" umeweka kipaumbele kwa wenye nacho, hivyo kupunguza uaminifu wa chama kwa masikini na kuwagawa wanachama kulingana na uwezo wao kifedha. Je, chama kinachodai kusimama na maskini kinauza kadi kwa milioni moja kwa wanachama wake? 4. Rushwa Inayotawala Chama: Viongozi wa Chadema wanahusishwa na rushwa, kutoka kwa wafanyabiashara wakubwa hadi rushwa ya ngono katika nafasi za...
Read more