MDAU WA MAENDELEO IRINGA MJINI NDUGU SUFIAN MGUDE AKABIDHI KITUO CHA POLISI ,RC JAMES ATIA NENO.

        Na Eliasa Ally DmnewsOline

            IRINGA

JUMLA ya shilingi milioni 58 zimetumika katika ujenzi wa kituo Cha Polisi kilichojengwa katika Kata ya Mseke Tanangozi wilaya ya iringa mjini chini ya ufadhili wa mdau wa maendeleo Sufian Mgude .


Akizungumza katika uzinduzi wa kituo hicho kilichojengwa na mdau wa maendeleo wilayani humo Sufian Mgude ,mkuu wa mkoa wa Iringa Kheri James amempongeza mdau huyo nakusema kwamba amefanya jambo jema kwa kukumbuka alikotoka.

Amesema kuwa uwepo wa kituo hicho karibu utasaidia kupunguza viendo vya uhalifu kwani awali ilikuwa wanafuata huduma mbali na eneo hilo hivyo jambo kubwa kwa wananchi ni kushirikiana na Jeshi la Polisi na pia kuacha kujichukulia sheria mkononi.

"Nakupongeza sana ndugu Mgude kwani ulichofanya ni kitu kikubwa na wachache sana wanakumbuka walikotoka lakini wewe licha ya kuishi nje ya mkoa wa Iringa lakini bado umekumbuka kuunga mkono Serikali katika kuhakikisha wananchi wetu wanapata huduma "amesema mkuu wa mkoa James 

Kwa upande wake mdau huyo amesema amejenga kituo hicho  cha Polisi kwa lengo la kuendeleza ushirikiano na taasisi za Serikali na kufikisha  huduma kwa jamii hasa katika masuala ya usalama na kupunguza uhalifu.

Amesema kuwa wakati wa mchakato huo kulikuwa na vipingamizi mbalimbali hasa kupata eneo la ujenzi ambapo baadhi ya wananchi walionyesha kupinga kwa kuwatisha wauzaji wa eneo hadi pale ambapo mkuu wa mkoa kipindi yuko mkuu wa wilaya alipoingilia kati na kuanza ujenzi ambao  umezinduliwa rasmi.

Amesema kuwa gharama halisi zilizotumika hapo ni sh. milioni 58.1 ambapo pia eneo ambapo kituo kimejengwa lilinunuliwa kwa shilingi milioni 15 ili litumike na jeshi hilo na kumpongeza mwananchi aliyekubali kuuza eneo hilo la jirani.


Amesema kuwa ujenzi wa kituo hicho ni kuongeza usalama ili jamii iendelee kuwa salama katika maendeleo ya uchumi wa taifa na  ujenzi huo pia unalenga kuwa mwarobaini kwa wakazi wote wa Kata ya ya Mseke pamoja na maeneo jirani ya kata hiyo kuondokana na gharama za nauli kufuata huduma eneo la Ifunda au Iringa mjini.   

Comments

Post a Comment

Popular posts from this blog

KAMATI YA KUDUMU YA BUNGE TAMISEMI YAKOSHWA NA UBORA WA MIRADI YA MAENDELEO KIBAHA TC

Image
Na Victor Massngu,DmNewsOnline,                                        KIBAHA  KAMATI  ya kudumu ya Bunge ya Tamisemi imesema kwamba  imeridhishwa kwa kiasi kikubwa  na  miradi ya maendeleo katika sekta ya afya na elimu  ambayo imetekelezwa katika Halmashauri ya Kibaha mji  kupitia fedha zinazotolewa  kutoka serikali kuu na nyingine kupitia makusanyo yanayotokana na fedha za  mapato yake  ya ndani kwa ajili ya kuwaletea wananchi maendeleo. Kauli hiyo imetolewa na  Mwenyekiti wa kamati hiyo  ya kudumu Justine Kamoga wakati wa kamati hiyo ilipofanya ziara yake ya kikazi  siku moja  katika Halmaashauri  ya mji Kibaha yenye lengo la  kugagua na kutembelea miradi mbali mbali ya maendeleo kwa lengo la kuweza kujionea mwenendo mzima wa utekelezaji wake. Mwenyekiti huyo amesema kwamba wameweza kufanya ziara hiyo kwa a...
Read more

MAMBO 10 MAZITO YANAYOIANGAMIZA NA KUIZAMISHA CHADEMA 2024/2025

Image
Na Mwandishi wetu,DmNewsOnline 1. Kupoteza Ushawishi kwa Umma: Chama Cha Chadema kimekosa mvuto kutokana na kukimbiwa na wanasiasa wenye uwezo wa kushawishi, wanasheria mahiri, na wanataaluma wakubwa. Wakati zamani walijenga hoja na ajenda zenye nguvu, sasa wamesalia bila nguvu ya kushawishi umma. 2. Migogoro ya Viongozi wa Juu: Mgawanyiko na chuki baina ya viongozi wakuu kama Freeman Mbowe na Tundu Lissu kwa ajili ya nafasi ya urais ni ishara ya ukosefu wa umoja. Migogoro hii inavuruga utendaji na kuashiria kukosekana kwa mshikamano. 3. Chaguzi za Ndani Zenye Matabaka: Mfumo mpya wa usajili "Chadema Digital" umeweka kipaumbele kwa wenye nacho, hivyo kupunguza uaminifu wa chama kwa masikini na kuwagawa wanachama kulingana na uwezo wao kifedha. Je, chama kinachodai kusimama na maskini kinauza kadi kwa milioni moja kwa wanachama wake? 4. Rushwa Inayotawala Chama: Viongozi wa Chadema wanahusishwa na rushwa, kutoka kwa wafanyabiashara wakubwa hadi rushwa ya ngono katika nafasi za...
Read more