SEKTA YA KILIMO YAINUA MAISHA YA WAKAZI KASULU


  Na Allan Kitwe,DmNewsonline

              KASULU

HALMASHAURI ya Mji Kasulu ni miongoni mwa halmashauri 8 za Mkoa wa Kigoma ambapo asilimia 80 ya wakazi wake wanaishi Vijijini na shughuli kuu ya kiuchumi katika maeneo hayo ni kilimo.

Maboresho makubwa ya sekta ya kilimo yaliyofanywa na serikali ya awamu ya sita inayoongozwa na Rais Dk Samia Suluhu Hassan yameleta tija kubwa kwa wakazi wa halmashauri hiyo na Wilaya nzima ya Kasulu.

Akiongea na gazeti hili hivi karibuni Mkurugenzi Mtendaji wa Halmashauri hiyo Vumilia Simbeye ameeleza kuwa katika kipindi cha miaka 4 ya uongozi wa Rais Samia, halmashauri hiyo imepiga hatua kubwa kimaendeleo kupitia sekta hiyo.

Amebainisha mambo yaliyofanywa na serikali ya awamu ya sita ambayo yamechochea mafanikio makubwa kwa wakazi wa halmashauri hiyo kuwa ni kuongezwa bajeti, ugawaji mbolea ya ruzuku na kutafuta masoko ya kutosha.

Haya yamepelekea wakazi wengi wa halmashauri hiyo kuchangamkia sekta ya kilimo hali ambayo imepelekea uzalishaji mazao ya chakula na biashara kuongezeka mara dufu hivyo kuongeza mapato ya wakulima na halmashauri.

Simbeye ametaja mazao ya chakula ambayo yanalimwa kwa wingi sana na wakazi wa halmashauri hiyo na kuwaingizia kipato kikubwa kuwa ni maharage, mahindi, mbaazi, udaga/kambaranga, mhogo mbichi, karanga na mpunga.

Kutokana na maboresho hayo kwa mwaka wa fedha 2023/2024 sekta hiyo iliwezesha halmashauri kuingiza zaidi ya sh milioni 379.3 baada ya kuzalishwa magunia 189,684 sawa na tani 18,968 (kilo 18,968, 475) ambapo wakulima walivuna zaidi ya sh bilioni 33.1.

Amedokeza kuwa kwa mwaka wa fedha 2024/2025 mapato ya halmashauri yaliongezeka hadi kufikia sh milioni 446.9 baada ya kuzalishwa magunia 223,493 sawa na tani 22,350 (kilo 22,349,350) ambapo wakulima walivuna sh bilioni 35.5.

Mkuu wa Idara ya Kilimo na Mifugo katika Halmashauri hiyo Dk Sabinus Chaula ameeleza kuwa pembejeo za ruzuku zilizotolewa na serikali ya awamu ya sita kwa wananchi zimeleta mageuzi makubwa katika sekta hiyo kwa kuongeza uzalishaji.

Amebainisha mazao ya kimkakati ambayo yamepewa kipaumbele kikubwa na kuanza kulimwa na wakazi wa halmashauri hiyo kwa ajili ya biashara kuwa ni kahawa na michikichi.   


Comments

Post a Comment

Popular posts from this blog

KAMATI YA KUDUMU YA BUNGE TAMISEMI YAKOSHWA NA UBORA WA MIRADI YA MAENDELEO KIBAHA TC

Image
Na Victor Massngu,DmNewsOnline,                                        KIBAHA  KAMATI  ya kudumu ya Bunge ya Tamisemi imesema kwamba  imeridhishwa kwa kiasi kikubwa  na  miradi ya maendeleo katika sekta ya afya na elimu  ambayo imetekelezwa katika Halmashauri ya Kibaha mji  kupitia fedha zinazotolewa  kutoka serikali kuu na nyingine kupitia makusanyo yanayotokana na fedha za  mapato yake  ya ndani kwa ajili ya kuwaletea wananchi maendeleo. Kauli hiyo imetolewa na  Mwenyekiti wa kamati hiyo  ya kudumu Justine Kamoga wakati wa kamati hiyo ilipofanya ziara yake ya kikazi  siku moja  katika Halmaashauri  ya mji Kibaha yenye lengo la  kugagua na kutembelea miradi mbali mbali ya maendeleo kwa lengo la kuweza kujionea mwenendo mzima wa utekelezaji wake. Mwenyekiti huyo amesema kwamba wameweza kufanya ziara hiyo kwa a...
Read more

NAIBU WAZIRI NDERIANANGA AONGOZA UJUMBE WA TANZANIA KATIKA MKUTANO WA TATU WA KIMATAIFA WA WATU WENYE ULEMAVU UJERUMANI.

Image
Na Mwandishi wetu,DmNewsonline             Berlin Ujerumani  NAIBU Waziri Ofisi ya Waziri Mkuu, Sera, Bunge na Uratibu Mheshimiwa Ummy Nderiananga ameongoza ujumbe wa Jamhuri ya Muungano wa Tanzania unaoshiriki Mkutano wa Tatu wa Kimataifa wa Watu wenye Ulemavu unaofanyika jijini Berlin, Ujerumani tarehe 2 hadi 3 April,2025.  Mkutano huo umeandaliwa na Shirikisho la Kimataifa wa Watu Wenye Ulemavu (IDA), Serikali ya Ujerumani, na Serikali ya Jordan na kufunguliwa rasmi kwa pamoja na Kansela wa Ujerumani Mhe. Olaf Scholz na Mfalme Abdullah II wa Jordani. Akizungumza wakati wa ufunguzi rasmi wa Mkutano huo Mhe. Scholz amesisitiza juu ya umuhimu wa kushirikiana kimataifa kukuza haki na ujumuishaji wa masuala ya Watu Wenye Ulemavu. “Ushirikiano wa kimataifa ni nguzo muhimu katika kuhakikisha haki na ujumuishaji wa watu wenye ulemavu unatekelezwa kikamilifu duniani kote kwa kushirikiana, serikali, mashirika ya kimataifa, sekta binafsi, taasisi za elimu...
Read more