ESTER JEMSI AWAOMBA KURA WANACHIKOBE NA NYACHILULUMA, AAHIDI KUJA NA MFUKO MAALUMU WA KUSAIDIA WANAFUNZI WAISHIO MAZINGIRA MAGUMU

  Na Mwandishi wetu, DmNewsonline


                     GEITA 

         
MGOMBEA  wa ubunge Jimbo la Katoro kupitia Chama Cha Mapinduzi (CCM), Ester Jemsi, amewaomba wanachama wa chama hicho katika kata za Bukondo na Nyachiluluma kumpa ridhaa ya kuwa mbunge wao, akiahidi kuwa ataleta maendeleo yenye tija kwa wananchi wa jimbo hilo.

Akizungumza mbele ya wajumbe wa CCM kwenye kata hizo, Ester amesema ana ndoto kubwa ya kulifanya Jimbo la Katoro kuwa eneo la kuvutia kwa maendeleo ya kijamii na kiuchumi, endapo atapewa nafasi ya kuliongoza.

"Naomba niaminiwe. Nina ndoto ya kuona Katoro inabadilika, na nina nia ya dhati kuhakikisha wananchi wananufaika na rasilimali zao," amesema Ester.

Ester Jemsi amebainisha kuwa moja ya mipango yake ni kuanzisha mfuko maalumu wa kusaidia wanafunzi wanaoishi katika mazingira magumu, akisema tayari alikuwa akitekeleza mpango huo akiwa kiongozi wa vijana, lakini sasa analenga kuupanua ufikie jimbo zima.

"Tuna watoto wengi ndani ya jimbo letu wanaosoma katika mazingira magumu. Naahidi kuwa kila mwezi wa Juni na Desemba, nitatoa msaada wa vifaa vya shule kupitia mfuko huo," amesema.

Mbali na hilo, Ester ameahidi kusimamia utekelezaji wa ilani ya CCM kwa ukamilifu, kwa kushirikiana na wananchi na viongozi wa serikali katika kila hatua ya maendeleo.

"Ilani ya CCM imejieleza vizuri. Kila eneo linaeleza nini tunatakiwa kufanya,Nitahakikisha yote yanatekelezwa ipasavyo kwa faida ya wananchi wetu," amesisitiza.

"Natamani wananchi wa Katoro wapate maendeleo na wafurahie maisha yao." 



Comments

Post a Comment

Popular posts from this blog

KAMATI YA KUDUMU YA BUNGE TAMISEMI YAKOSHWA NA UBORA WA MIRADI YA MAENDELEO KIBAHA TC

Image
Na Victor Massngu,DmNewsOnline,                                        KIBAHA  KAMATI  ya kudumu ya Bunge ya Tamisemi imesema kwamba  imeridhishwa kwa kiasi kikubwa  na  miradi ya maendeleo katika sekta ya afya na elimu  ambayo imetekelezwa katika Halmashauri ya Kibaha mji  kupitia fedha zinazotolewa  kutoka serikali kuu na nyingine kupitia makusanyo yanayotokana na fedha za  mapato yake  ya ndani kwa ajili ya kuwaletea wananchi maendeleo. Kauli hiyo imetolewa na  Mwenyekiti wa kamati hiyo  ya kudumu Justine Kamoga wakati wa kamati hiyo ilipofanya ziara yake ya kikazi  siku moja  katika Halmaashauri  ya mji Kibaha yenye lengo la  kugagua na kutembelea miradi mbali mbali ya maendeleo kwa lengo la kuweza kujionea mwenendo mzima wa utekelezaji wake. Mwenyekiti huyo amesema kwamba wameweza kufanya ziara hiyo kwa a...
Read more

NAIBU WAZIRI NDERIANANGA AONGOZA UJUMBE WA TANZANIA KATIKA MKUTANO WA TATU WA KIMATAIFA WA WATU WENYE ULEMAVU UJERUMANI.

Image
Na Mwandishi wetu,DmNewsonline             Berlin Ujerumani  NAIBU Waziri Ofisi ya Waziri Mkuu, Sera, Bunge na Uratibu Mheshimiwa Ummy Nderiananga ameongoza ujumbe wa Jamhuri ya Muungano wa Tanzania unaoshiriki Mkutano wa Tatu wa Kimataifa wa Watu wenye Ulemavu unaofanyika jijini Berlin, Ujerumani tarehe 2 hadi 3 April,2025.  Mkutano huo umeandaliwa na Shirikisho la Kimataifa wa Watu Wenye Ulemavu (IDA), Serikali ya Ujerumani, na Serikali ya Jordan na kufunguliwa rasmi kwa pamoja na Kansela wa Ujerumani Mhe. Olaf Scholz na Mfalme Abdullah II wa Jordani. Akizungumza wakati wa ufunguzi rasmi wa Mkutano huo Mhe. Scholz amesisitiza juu ya umuhimu wa kushirikiana kimataifa kukuza haki na ujumuishaji wa masuala ya Watu Wenye Ulemavu. “Ushirikiano wa kimataifa ni nguzo muhimu katika kuhakikisha haki na ujumuishaji wa watu wenye ulemavu unatekelezwa kikamilifu duniani kote kwa kushirikiana, serikali, mashirika ya kimataifa, sekta binafsi, taasisi za elimu...
Read more