ULYANKULU WAPONGEZA KASI YA RAIS SAMIA KUBORESHA ELIMU

         Na Allan Kitwe,DmNewsonline

                       KALIUA 

WAKAZI wa Tarafa ya Ulyankulu, Jimbo la Ulyankulu, Wilayani Kaliua Mkoani Tabora wamepongeza juhudi kubwa zinazoendelea kufanywa na serikali ya awamu ya 6 kwa kuboresha miundombinu ya elimu katika vijiji na kata zote.  

Wakizungumza na mwandishi wa gazeti hili kwa nyakati tofauti wameeleza kuwa Tarafa hiyo ni miongoni mwa tarafa zilizokuwa na shule chache na miundombinu hafifu lakini kasi ya serikali ya awamu ya 6 imeleta neema kubwa Jimboni humo.

Mkazi wa Kata ya Ichemba Annaemmy Mazigo ambaye pia ni Mkuu wa shule ya sekondari Mkindo amempongeza Rais wa awamu ya 6 Dkt Samia Suluhu Hassan kwa kuipa sekta ya elimu kipaumbele kikubwa na kutenga bajeti ya kutosha.

Ameeleza kuwa katika shule ya Mkindo sekondari amepeleka zaidi ya sh mil 500 kwa ajili ya ujenzi wa mabweni 4 na matundu 10 ya vyoo ili kuboresha miundombinu ya shule hiyo na kuwezesha watoto wengi kukaa shuleni.

‘Kujengwa kwa mabweni haya kumeleta ari na hamasa kubwa kwa watoto wa kike na kiume kupenda shule, hata utoro sasa hivi umepungua sana na kila mtoto anasoma kwa bidii ili aweze kutimiza ndoto zake’, ameeleza.

Mkazi wa Tarafa hiyo Ashura Mohamed ambaye ni Mwenyekiti wa UWT Kata ya Mwongozo amedokeza kuwa vijiji na kata nyingi katika Jimbo hilo vilikuwa havina shule za msingi wala sekondari lakini sasa shule zimejengwa katika kata na vijiji.

Amemshukuru Rais Samia kwa kupeleka zaidi ya sh mil 360 katika mwaka wa fedha uliopita ili kujengwa shule mpya ya msingi Langoni katika Kijiji cha Ibambo katika Kata hiyo ili kupunguza mlundikano wa watoto katika shule ya Ibambo.

Mbunge wa Jimbo hilo Rehema Migira amefafanua kuwa wana kila sababu ya kumshukuru Rais Samia kwa kuwapatia mabilioni ya fedha kwa ajili ya ujenzi wa shule mpya, mabweni, madarasa, matundu ya vyoo na nyumba za walimu.  

Amebainisha kuwa katika kipindi cha miaka 4 tu ya utawala wake kata zote 15 za Jimbo hilo zimepata shule za sekondari na shule za msingi zimeendelea kujengwa katika vijiji vyote ikiwemo kuboreshwa miundombinu ya shule zote.

Mkuu wa Wilaya hiyo Dkt Gerald Mongela naye ameeleza wazi kuwa wakazi wa Tarafa hiyo na Wilaya nzima ya Kaliua wanajivunia mambo makubwa yaliyofanywa na Rais Samia kwa kuboresha huduma za kijamii katika sekta zote.

Amesisitiza kuwa shukrani za wana Kaliua zimeonekana kwenye uchaguzi wa Serikali za Mitaa mwaka jana ambapo CCM ilipata ushindi wa asilimia 99 na kuahidi kuwa uchaguzi mkuu wa mwaka huu Rais Samia atapata kura za kishindo.

Comments

Post a Comment

Popular posts from this blog

KAMATI YA KUDUMU YA BUNGE TAMISEMI YAKOSHWA NA UBORA WA MIRADI YA MAENDELEO KIBAHA TC

Image
Na Victor Massngu,DmNewsOnline,                                        KIBAHA  KAMATI  ya kudumu ya Bunge ya Tamisemi imesema kwamba  imeridhishwa kwa kiasi kikubwa  na  miradi ya maendeleo katika sekta ya afya na elimu  ambayo imetekelezwa katika Halmashauri ya Kibaha mji  kupitia fedha zinazotolewa  kutoka serikali kuu na nyingine kupitia makusanyo yanayotokana na fedha za  mapato yake  ya ndani kwa ajili ya kuwaletea wananchi maendeleo. Kauli hiyo imetolewa na  Mwenyekiti wa kamati hiyo  ya kudumu Justine Kamoga wakati wa kamati hiyo ilipofanya ziara yake ya kikazi  siku moja  katika Halmaashauri  ya mji Kibaha yenye lengo la  kugagua na kutembelea miradi mbali mbali ya maendeleo kwa lengo la kuweza kujionea mwenendo mzima wa utekelezaji wake. Mwenyekiti huyo amesema kwamba wameweza kufanya ziara hiyo kwa a...
Read more

MAMBO 10 MAZITO YANAYOIANGAMIZA NA KUIZAMISHA CHADEMA 2024/2025

Image
Na Mwandishi wetu,DmNewsOnline 1. Kupoteza Ushawishi kwa Umma: Chama Cha Chadema kimekosa mvuto kutokana na kukimbiwa na wanasiasa wenye uwezo wa kushawishi, wanasheria mahiri, na wanataaluma wakubwa. Wakati zamani walijenga hoja na ajenda zenye nguvu, sasa wamesalia bila nguvu ya kushawishi umma. 2. Migogoro ya Viongozi wa Juu: Mgawanyiko na chuki baina ya viongozi wakuu kama Freeman Mbowe na Tundu Lissu kwa ajili ya nafasi ya urais ni ishara ya ukosefu wa umoja. Migogoro hii inavuruga utendaji na kuashiria kukosekana kwa mshikamano. 3. Chaguzi za Ndani Zenye Matabaka: Mfumo mpya wa usajili "Chadema Digital" umeweka kipaumbele kwa wenye nacho, hivyo kupunguza uaminifu wa chama kwa masikini na kuwagawa wanachama kulingana na uwezo wao kifedha. Je, chama kinachodai kusimama na maskini kinauza kadi kwa milioni moja kwa wanachama wake? 4. Rushwa Inayotawala Chama: Viongozi wa Chadema wanahusishwa na rushwa, kutoka kwa wafanyabiashara wakubwa hadi rushwa ya ngono katika nafasi za...
Read more