RC CHALAMILA, KUFANYA MAZUNGUMZO NA TRC KUONA NAMNA YA KUJENGA RELI NDANI YA JIJI LA DAR ES SALAAM

Na Mwandishi wetu,DmNewsOnline

          DAR ES SALAAM 

MKUU wa Mkoa wa Dar es Salaam Albert Chalamila amesema kwamba uongozi wa  mkoa utakutana na uongozi wa  Shirika la Reli Tanzania (TRC) ili kufanya mazungumzo ya kuangalia  uwezekano wa kujenga reli yakusafirisha abiria ndani ya mkoa ili kupunguza adha ya usafiri kwa wakazi wa Jiji hilo  na  kurahisisha ufanyaji wa biashara kwa saa 24.

 Hayo yamebainishwa leo Januari 30,2025 wakati wa kutoa mrejesho wa mkutano wa Nishati Afrika uliofanyika  kwa siku mbili Januari 27 na 28,2025 hapa Nchini ambapo  lengo la mazungumzo na shirika la reli ni kuangalia namna ya  kujenga reli  kwa fedha  za ndani zinazokusanywa na Halmashauri ili kupunguza adha ya usafiri.

Aidha,amesema ujenzi wa reli hiyo na njia ambayo itajengwa utajulikana baada ya watalaam kufanya upembuzi yakinifu na kuona sehemu gani inapaswa kujengwa.hivyo Wataalumu watakuja na majibu.

Mbali na hilo Chalamila pia ametangaza kuanza kwa utaratibu wa wafanyabiashara katika Jiji la Dar es salaam kufanya shughuli zao kwa masaa 24 kuanzia Februari 22 mwaka huu.    

“Katika kuelekea kufungua zaidi mkoa wa Dar es Salaam mimi na wenzangu tumekubaliana Dar es Salaam ianze kufanya biashara saa 24,kwa maana hiyo Februari 22 ndio itakuwa siku rasmi yakufungua nakwamba awali walipanga kuaza Februari nane.   

“Awali tulipanga Februari 8,2025 lakini tumepeleka mpaka Februari 22 kwa sababu kuna baadhi ya maeneo hatujafikia kuyaweka taa na maboresho mengine madogo madogo,”amesema Chalamila.                 

Mbali na hilo ofisi ya mkuu wa mkoa wamekubaliana mambo mbalimbali kutokana na mji huo kukua kwa kasi ikiwemo masuala ya kuboresha majengo chakavu.  

 “Kutokana na mji wetu kukua kwa kasi tumekubaliana yafuatayo kuunda kamati maalum kuangalia majengo chakavu na yaliyochoka,baada ya hapo kamati itashirikiana na wenye majengo kutafuta wafadhili ili kuyaboresha majengo hayo yaendane na taswira ya Jiji la Dar es salaam”amesema Chalamila.

Kwa upande wake Mwenyekiti wa bodi ya wafanyabiashara  katika soko la Ushirika Kariakoo Hawa Ghasia amemshukuru Rais Dkt. Samia Suluhu Hassan kwa kutoa pesa kwa ajili ya kuboresha soko dogo la kariakoo ambalo limegharimu kiasi cha bilioni 28.03 na mpaka sasa marekebisho hayo yamefikia asilimia 97 na wanatarajia kuanzia kesho Januri 31,kupandisha majina ya wafanyabiashara waliokuwepo awali kabla ya soko hilo halijaungua.

“Kesho tunaanza zoezi la kupandisha majina ya wafanyabiashara wa awali,nitoe rai ambao wanadaiwa walipe madeni yao ili kupunguza usumbufu wakati wa kugawa vizimba lakini wale ambao ni wafanyabiashara wapya wanapaswa kutulia na wasidanganyike kama kuna mtu kati watamlipa ili wapate nafasi watakula hasara .

Amesema nafasi zote zitaombwa kwa kutumia mfumo wa TAUSI na hivi karibuni tutakutana nao na tutawaelekeza jinsi ya kutumia mfumo huo kuomba nafasi”,amesema Ghasia.

Comments

Post a Comment

Popular posts from this blog

KAMATI YA KUDUMU YA BUNGE TAMISEMI YAKOSHWA NA UBORA WA MIRADI YA MAENDELEO KIBAHA TC

Image
Na Victor Massngu,DmNewsOnline,                                        KIBAHA  KAMATI  ya kudumu ya Bunge ya Tamisemi imesema kwamba  imeridhishwa kwa kiasi kikubwa  na  miradi ya maendeleo katika sekta ya afya na elimu  ambayo imetekelezwa katika Halmashauri ya Kibaha mji  kupitia fedha zinazotolewa  kutoka serikali kuu na nyingine kupitia makusanyo yanayotokana na fedha za  mapato yake  ya ndani kwa ajili ya kuwaletea wananchi maendeleo. Kauli hiyo imetolewa na  Mwenyekiti wa kamati hiyo  ya kudumu Justine Kamoga wakati wa kamati hiyo ilipofanya ziara yake ya kikazi  siku moja  katika Halmaashauri  ya mji Kibaha yenye lengo la  kugagua na kutembelea miradi mbali mbali ya maendeleo kwa lengo la kuweza kujionea mwenendo mzima wa utekelezaji wake. Mwenyekiti huyo amesema kwamba wameweza kufanya ziara hiyo kwa a...
Read more

MAMBO 10 MAZITO YANAYOIANGAMIZA NA KUIZAMISHA CHADEMA 2024/2025

Image
Na Mwandishi wetu,DmNewsOnline 1. Kupoteza Ushawishi kwa Umma: Chama Cha Chadema kimekosa mvuto kutokana na kukimbiwa na wanasiasa wenye uwezo wa kushawishi, wanasheria mahiri, na wanataaluma wakubwa. Wakati zamani walijenga hoja na ajenda zenye nguvu, sasa wamesalia bila nguvu ya kushawishi umma. 2. Migogoro ya Viongozi wa Juu: Mgawanyiko na chuki baina ya viongozi wakuu kama Freeman Mbowe na Tundu Lissu kwa ajili ya nafasi ya urais ni ishara ya ukosefu wa umoja. Migogoro hii inavuruga utendaji na kuashiria kukosekana kwa mshikamano. 3. Chaguzi za Ndani Zenye Matabaka: Mfumo mpya wa usajili "Chadema Digital" umeweka kipaumbele kwa wenye nacho, hivyo kupunguza uaminifu wa chama kwa masikini na kuwagawa wanachama kulingana na uwezo wao kifedha. Je, chama kinachodai kusimama na maskini kinauza kadi kwa milioni moja kwa wanachama wake? 4. Rushwa Inayotawala Chama: Viongozi wa Chadema wanahusishwa na rushwa, kutoka kwa wafanyabiashara wakubwa hadi rushwa ya ngono katika nafasi za...
Read more