ANJITA YAVIWEZESHA VIKUNDI VYA KILIMO CHA BUSTANI ZA MBOGAMBOGA PEMBEJEO ZA MILIONI SHILINGI MILIONI 10.7



Na Mwandishi Wetu, DmNewsOnline.
PWANI 

TAASISI ya Anjita Child Development Foundation ya Kibaha imetoa pembejeo za milioni 10.7 kwa wakulima wa bustani za mbogamboga.

Wakulima hao wa bustani ni vikundi ambavyo vinatoka kwenye Vitongoji vya Mwanabwito na Kidai Kata ya Kikongo Halmashauri ya Wilaya ya Kibaha Mkoani Pwani. 

Akizungumza wakati wa uzinduzi wa mradi kuwezesha jamii kupitia kilimo cha bustani na kukabidhi pembejeo  kwa vikundi hivyo Mkuu wa Idara ya Kilimo, Mifugo na Uvuvi Evelyn Ngwira kutoka Halmashauri ya Wilaya ya Kibaha amevitaka vikundi hivyo kuzingatia ratiba za kilimo.

Ngwira amesema kuwa mradi huo wa uwezeshaji jamii ili kujikwamua kiuchumi na kuboresha afya na utasimamiwa na wanajamii wenyewe na watapaswa kufuata ushauri wa wataalamu wa kilimo.

Kwa upande wake Mkurugenzi wa Anjita Janeth Malela amesema kuwa mradi huo umeibuliwa na wananchi wenyewe na wataundesha kwa kusimamiwa na taasisi na wataalamu wa kilimo.

Malela amesema kuwa pembejeo hizo ni ufadhili kutoka Ubalozi wa Marekani ukiwa na lengo la kuongaza kipato kwa familia na kuboresha afya kwa wananchi.

Mwenyekiti wa Kitongoji cha Kidai Samson Dotto kwa niaba ya diwani wa Kata ya Kikongo amesema kuwa kilimo ni uti wa mgongo kwani wao wanafanya shughuli hizo kando ya Mto Ruvu na utawasaidia kiwasogeza mbele kutoka hatua moja kwenda hatua nyingine.

Naye ofisa kilimo kata ya Kikongo Fortunatus Ng'itu amesema kuwa hiyo ni fursa muhimu kwa wananchi na wanapaswa kuitumia ili kubadili maisha yao.

Moja ya wanufaika wa mradi huo Eliwaza Kingu amesema kuwa wanaishukuru taasisi hiyo kwa kuwapatia mradi huo kwani utawasaidia kuwapunguzia gharama za kununulia pembejeo ambazo ni kubwa.

Daila Lubawa amesema kuwa kupatiwa pembejeo hizo kutawasaidia kuongeza ukubwa wa maeneo yao ya kilimo ambapo walikuwa wakipata changamoto ya pembejeo ambapo baadhi ya vifaa walikuwa wakiazimana.

Kitongoji cha Mwanabwito ni vikundi  3 ambavyo vina watu 9 na kimoja kina watu 10 kwa Kitongoji cha Kidai kuna vikundi 6 vyenye watu 6 isipokuwa vikundi 2 vina watu 5.



Comments

Post a Comment

Popular posts from this blog

KAMATI YA KUDUMU YA BUNGE TAMISEMI YAKOSHWA NA UBORA WA MIRADI YA MAENDELEO KIBAHA TC

Image
Na Victor Massngu,DmNewsOnline,                                        KIBAHA  KAMATI  ya kudumu ya Bunge ya Tamisemi imesema kwamba  imeridhishwa kwa kiasi kikubwa  na  miradi ya maendeleo katika sekta ya afya na elimu  ambayo imetekelezwa katika Halmashauri ya Kibaha mji  kupitia fedha zinazotolewa  kutoka serikali kuu na nyingine kupitia makusanyo yanayotokana na fedha za  mapato yake  ya ndani kwa ajili ya kuwaletea wananchi maendeleo. Kauli hiyo imetolewa na  Mwenyekiti wa kamati hiyo  ya kudumu Justine Kamoga wakati wa kamati hiyo ilipofanya ziara yake ya kikazi  siku moja  katika Halmaashauri  ya mji Kibaha yenye lengo la  kugagua na kutembelea miradi mbali mbali ya maendeleo kwa lengo la kuweza kujionea mwenendo mzima wa utekelezaji wake. Mwenyekiti huyo amesema kwamba wameweza kufanya ziara hiyo kwa a...
Read more

MAMBO 10 MAZITO YANAYOIANGAMIZA NA KUIZAMISHA CHADEMA 2024/2025

Image
Na Mwandishi wetu,DmNewsOnline 1. Kupoteza Ushawishi kwa Umma: Chama Cha Chadema kimekosa mvuto kutokana na kukimbiwa na wanasiasa wenye uwezo wa kushawishi, wanasheria mahiri, na wanataaluma wakubwa. Wakati zamani walijenga hoja na ajenda zenye nguvu, sasa wamesalia bila nguvu ya kushawishi umma. 2. Migogoro ya Viongozi wa Juu: Mgawanyiko na chuki baina ya viongozi wakuu kama Freeman Mbowe na Tundu Lissu kwa ajili ya nafasi ya urais ni ishara ya ukosefu wa umoja. Migogoro hii inavuruga utendaji na kuashiria kukosekana kwa mshikamano. 3. Chaguzi za Ndani Zenye Matabaka: Mfumo mpya wa usajili "Chadema Digital" umeweka kipaumbele kwa wenye nacho, hivyo kupunguza uaminifu wa chama kwa masikini na kuwagawa wanachama kulingana na uwezo wao kifedha. Je, chama kinachodai kusimama na maskini kinauza kadi kwa milioni moja kwa wanachama wake? 4. Rushwa Inayotawala Chama: Viongozi wa Chadema wanahusishwa na rushwa, kutoka kwa wafanyabiashara wakubwa hadi rushwa ya ngono katika nafasi za...
Read more