RC CHACHA APONGEZA KASI YA UKUSANYAJI MAPATO KALIUA




Na Allan Vicent,DmNewsOnline 
TABORA

OFISI ya Mkurugenzi, Madiwani, Wataalamu na Watendaji wa halmashauri  ya Wilaya ya Kaliua Mkoani Tabora wamepongezwa kwa usimamizi mzuri wa miradi ya maendeleo na kasi nzuri ya ukusanyaji mapato kutoka katika vyanzo vyake.

Pongezi hizo zimetolewa na Mkuu wa Mkoa huo Paul Matiko Chacha alipokuwa akizungumza na watendaji hao katika kikao maalumu cha baraza la madiwani wa halmashauri hiyo cha mapitio ya taarifa ya Mdhibiti na Mkaguzi wa Hesabu za Serikali (CAG).

Amesema kuwa halmashauri zote 8 za Mkoa huo zinafanya vizuri lakini halmashauri Kaliua ina kasi kubwa zaidi kwani mwishoni mwa mwezi Mei 2024 walikuwa wamekusanya sh bil 6.5 ambazo ni zaidi ya asilimia 100 ya malengo yao.

RC  Chacha amebainisha kuwa kwa mwaka wa fedha 2023/2024 Mkoa huo ulikisia kukusanya jumla ya sh bil 39 kutoka katika vyanzo vyake vya ndani lakini kabla ya mwaka wa fedha kumalizika kiasi cha sh bil 33.4 zilikuwa zimekusanywa.

‘Nawapongeza kwa mshikamano mzuri wa kiutendaji, ila wale wote wanaozembea kwa namna moja au nyingine na kukwamisha utekelezaji miradi ya maendeleo msiwafumbie macho, wachukulieni hatua mara moja’, amesema.

Aidha Mkuu wa Mkoa ameagiza kila Mkuu wa Kitengo na Divisheni katika halmashauri hiyo kutimiza wajibu wake ipasavyo na kuelekeza Ofisi ya Mkurugenzi kuchukua hatua stahiki kwa wale wanaoenda kinyume.

Kuelekea kwenye Uchaguzi wa Serikali za Mitaa na Uchaguzi Mkuu , amewataka madiwani kuitisha mikutano ya hadhara na kuwaeleza wananchi mazuri yote yaliyofanywa na serikali yao inayoongozwa na Rais Dkt Samia Suluhu Hassan.

Pia amewataka kutoa taarifa ya miradi yote inayosuasua katika kata zao kwa Mkurugenzi ili taratibu zifanyike na utekelezaji miradi hiyo uendelee.

Kuhusiana na taarifa ya CAG, RC amemwagiza Mkurugenzi wa Halmashauri hiyo Jerry Mwaga kuhakikisha hoja zote zilizoibuliwa na Mkaguzi zinafanyiwa kazi haraka ili kabla ya mwezi Julai ziwe zimepatiwa majibu na kufungwa.

Akihitimisha kikao hicho Mwenyekiti wa Halmashauri Japhael Lufungija amemhakikishia Mkuu wa Mkoa kuwa wamepokea maelekezo yote aliyoyatoa na watayafanyia kazi kwa wakati.

Amemshukuru Rais Dkt Samia Suluhu Hassan kwa kuwaletea fedha nyingi kwa ajili ya utekelezaji miradi ya maendeleo na kubainisha kuwa fedha zote zimetumika kwa kazi iliyokusudiwa na kusimamiwa ipasavyo.

Aidha amemhakikishia RC Chacha  kuwa wataendelea kulinda maadili ya jamii kwa kufichua, kukamata na kuwachukulia hatua wale wote wanaojihusisha na vitendo vya ushoga, ubakaji ikiwemo kuua watu wenye albinism.



Comments

Post a Comment

Popular posts from this blog

KAMATI YA KUDUMU YA BUNGE TAMISEMI YAKOSHWA NA UBORA WA MIRADI YA MAENDELEO KIBAHA TC

Image
Na Victor Massngu,DmNewsOnline,                                        KIBAHA  KAMATI  ya kudumu ya Bunge ya Tamisemi imesema kwamba  imeridhishwa kwa kiasi kikubwa  na  miradi ya maendeleo katika sekta ya afya na elimu  ambayo imetekelezwa katika Halmashauri ya Kibaha mji  kupitia fedha zinazotolewa  kutoka serikali kuu na nyingine kupitia makusanyo yanayotokana na fedha za  mapato yake  ya ndani kwa ajili ya kuwaletea wananchi maendeleo. Kauli hiyo imetolewa na  Mwenyekiti wa kamati hiyo  ya kudumu Justine Kamoga wakati wa kamati hiyo ilipofanya ziara yake ya kikazi  siku moja  katika Halmaashauri  ya mji Kibaha yenye lengo la  kugagua na kutembelea miradi mbali mbali ya maendeleo kwa lengo la kuweza kujionea mwenendo mzima wa utekelezaji wake. Mwenyekiti huyo amesema kwamba wameweza kufanya ziara hiyo kwa a...
Read more

MAMBO 10 MAZITO YANAYOIANGAMIZA NA KUIZAMISHA CHADEMA 2024/2025

Image
Na Mwandishi wetu,DmNewsOnline 1. Kupoteza Ushawishi kwa Umma: Chama Cha Chadema kimekosa mvuto kutokana na kukimbiwa na wanasiasa wenye uwezo wa kushawishi, wanasheria mahiri, na wanataaluma wakubwa. Wakati zamani walijenga hoja na ajenda zenye nguvu, sasa wamesalia bila nguvu ya kushawishi umma. 2. Migogoro ya Viongozi wa Juu: Mgawanyiko na chuki baina ya viongozi wakuu kama Freeman Mbowe na Tundu Lissu kwa ajili ya nafasi ya urais ni ishara ya ukosefu wa umoja. Migogoro hii inavuruga utendaji na kuashiria kukosekana kwa mshikamano. 3. Chaguzi za Ndani Zenye Matabaka: Mfumo mpya wa usajili "Chadema Digital" umeweka kipaumbele kwa wenye nacho, hivyo kupunguza uaminifu wa chama kwa masikini na kuwagawa wanachama kulingana na uwezo wao kifedha. Je, chama kinachodai kusimama na maskini kinauza kadi kwa milioni moja kwa wanachama wake? 4. Rushwa Inayotawala Chama: Viongozi wa Chadema wanahusishwa na rushwa, kutoka kwa wafanyabiashara wakubwa hadi rushwa ya ngono katika nafasi za...
Read more