DC ATAKA KUANZISHWA MIRADI YA KIELELEZO KALIUA




Na Allan Vicent,DmNewsOnline
TABORA 

HALMASHAURI ya Wilaya ya Kaliua Mkoani Tabora imepongezwa kwa kuweka rekodi ya kufanya vizuri katika utekelezaji shughuli za maendeleo ya wanachi ikiwemo kuendelea kupata hati safi kila mwaka kwa kuweka vizuri taarifa zake.

Hayo yamebainishwa Leo  Juni 26 ,2024 na Mkuu wa Wilaya hiyo Dkt.Rashid Chuachua alipokuwa akizungumza na Madiwani, Wataalamu na Watendaji wote wa halmashauri hiyo katika kikao cha kawaida cha baraza la madiwani.

Amesema kuwa halmashauri hiyo ni miongoni mwa halmashauri chache nchini zinazofanya vizuri sana katika suala zima la utekelezaji shughuli za maendeleo kupitia fedha zake za ndani na zile za serikali kuu ikiwemo kuingiza mapato mengi

Amesisitiza kuwa hayo yote yanachochewa kwa kiasi kikubwa na kazi nzuri yenye weledi na mshikamano mzuri wa Waheshimiwa madiwani, Wataalamu, Watendaji wa Vijiji na Kata na Mkurugenzi Mtendaji wa halmashauri hiyo Jerry Mwaga.

‘Halmashauri Kaliua inafanya kazi nzuri sana, na kila mwaka inavuka lengo la ukusanyaji mapato, naamini mnaweza kufanya zaidi ya hapo, ongezeeni ubunifu wa vyanzo vya mapato, ili kufanya makubwa zaidi’, amesema.

Dkt Chuachua ameshauri kuanzishwa kwa miradi ya kielelezo ambayo itaakisi mapato makubwa ya halmashauri na kuchochea maendeleo ya wananchi kwa kiasi kikubwa zaidi.

‘Najua halmashauri inafanya kazi kubwa, lakini kwa kuwa tunapata mapato mengi nashauri ianzishwe miradi ya kimkakati ya kielelezo ambayo mbali na kutoa huduma kwa wananchi pia itakuwa kichocheo kikubwa cha mapato’, amesema.  

Ametoa mfano wa miradi hiyo kuwa ni kuanzishwa shule za mchepuo wa kiingereza, chuo cha kutoa huduma za afya, ufundi, miradi ya uzalishaji mali na mingine mingi, ili kuifanya halmashauri hiyo kuwa mfano wa kuigwa nchini.

Mwenyekiti wa Halmashauri hiyo Japhael Lufungija ameafiki ushauri huo na kumhakikishia Mkuu wa Wilaya kuwa wataufanyia kazi, alidokeza kuwa tayari wapo kwenye mchakato wa kuanzisha baadhi ya miradi ya kimkakati.

Ameongeza kuwa katika mwaka ujao wa fedha 2024/2025 halmashauri imetenga bajeti kwa ajili ya utekelezaji baadhi ya miradi ya kimkakati ili kuharakisha maendeleo ya wananchi na kuongeza mapato zaidi.



Comments

Post a Comment

Popular posts from this blog

KAMATI YA KUDUMU YA BUNGE TAMISEMI YAKOSHWA NA UBORA WA MIRADI YA MAENDELEO KIBAHA TC

Image
Na Victor Massngu,DmNewsOnline,                                        KIBAHA  KAMATI  ya kudumu ya Bunge ya Tamisemi imesema kwamba  imeridhishwa kwa kiasi kikubwa  na  miradi ya maendeleo katika sekta ya afya na elimu  ambayo imetekelezwa katika Halmashauri ya Kibaha mji  kupitia fedha zinazotolewa  kutoka serikali kuu na nyingine kupitia makusanyo yanayotokana na fedha za  mapato yake  ya ndani kwa ajili ya kuwaletea wananchi maendeleo. Kauli hiyo imetolewa na  Mwenyekiti wa kamati hiyo  ya kudumu Justine Kamoga wakati wa kamati hiyo ilipofanya ziara yake ya kikazi  siku moja  katika Halmaashauri  ya mji Kibaha yenye lengo la  kugagua na kutembelea miradi mbali mbali ya maendeleo kwa lengo la kuweza kujionea mwenendo mzima wa utekelezaji wake. Mwenyekiti huyo amesema kwamba wameweza kufanya ziara hiyo kwa a...
Read more

MAMBO 10 MAZITO YANAYOIANGAMIZA NA KUIZAMISHA CHADEMA 2024/2025

Image
Na Mwandishi wetu,DmNewsOnline 1. Kupoteza Ushawishi kwa Umma: Chama Cha Chadema kimekosa mvuto kutokana na kukimbiwa na wanasiasa wenye uwezo wa kushawishi, wanasheria mahiri, na wanataaluma wakubwa. Wakati zamani walijenga hoja na ajenda zenye nguvu, sasa wamesalia bila nguvu ya kushawishi umma. 2. Migogoro ya Viongozi wa Juu: Mgawanyiko na chuki baina ya viongozi wakuu kama Freeman Mbowe na Tundu Lissu kwa ajili ya nafasi ya urais ni ishara ya ukosefu wa umoja. Migogoro hii inavuruga utendaji na kuashiria kukosekana kwa mshikamano. 3. Chaguzi za Ndani Zenye Matabaka: Mfumo mpya wa usajili "Chadema Digital" umeweka kipaumbele kwa wenye nacho, hivyo kupunguza uaminifu wa chama kwa masikini na kuwagawa wanachama kulingana na uwezo wao kifedha. Je, chama kinachodai kusimama na maskini kinauza kadi kwa milioni moja kwa wanachama wake? 4. Rushwa Inayotawala Chama: Viongozi wa Chadema wanahusishwa na rushwa, kutoka kwa wafanyabiashara wakubwa hadi rushwa ya ngono katika nafasi za...
Read more