VIJIJI 14 ,SIMANJIRO,KITETO KUNUFAIKA NA MRADI MPYA TOKA UCRT



Na Mary Margwe,DmNewsOnline
SIMANJIRO 

JUMLA ya Vijiji  14 , kati ya hivyo Vijiji 9 kutoka Halmashauri ya Wilaya ya Simanjiro na  Vijiji 5 kutoka Halmashauri ya Wilaya ya Kiteto vinatarajia kunufaika na mradi mpya kutoka Shirika la UCRT Mkoani Manyara, Hali itakayosaidia kuondokana na Migogoro mingi ya ardhi.

Hayo yamebainishwa hivi karibuni na Mratibu wa Shirika lisilo la Kiserikali la UJamaa Community Resource Team ( UCRT ) Edward Loure wakati wa kuutambulisha Mradi mpya wa " Uhifadhi Jumuishi wa Mazingira na kuboresha maisha ya Jamii katika Halmashauri hizo mbili za Mkoa wa Manyara.

Mradi huo umezinduliwa na Mkuu wa Wilaya hiyo Dkt.Suleiman Serera katika Mji Mdogo wa Orkesument mbele ya Mwenyekiti wa Halmashauri hiyo Mh.Baraka Kanunga, Mbunge wa Jimbo hilo Mh. Christopher Ole Sendeka, pamoja na madiwani, Maafisa Tarafa, watendaji  wa Kata na Vijiji pamoja, viongozi wengine pamoja nawataalam kutoka idara mbalimbali.

Aidha Loure amesema Shirika la UCRT linashughulikia masuala ya kusaidia jamii kusimamia Mipango ya matumizi bora ya ardhi na Utekelezaji sahihi wa Sheria, na hatimaye kuwezesha jamii za asili kumiliki, kusimamia ardhi na kunufaika nayo Kwa lengo la kuboresha maisha yao.

" Lengo kuu la Mradi huu ni kuweka ulinzi wa miliki zaza jamii, kujengea uwezo Taasisi za Vijiji, ili kuweza Kusimamia, kutumia na kunufaika na rasilimali Maliasili katika misingi endelevu " amesema  Loure.

" Mimi niende moja kwa Moja kuwapongeza  ndugu zetu wa UCRT chini ya Mratibu wake Edward Loure kwa kazi kubwa na nzuri, ambayo mnaifanya na mnaendelea nayo kuzifanya, katika Wilaya yetu ya Simanjiro na Kiteto , kwasababu tunaona matokeo yake mazuri na makubwa yamechangia hata kuondoa baadhi ya Migogoro mkubwa ya ardhi tuliyokuwa nayo  katika Wilaya hizi " ndivyo anavyoanza kuzungumza Mkuu wa Wilaya ya Simanjiro Mkoani Manyara Dkt.Suleiman Serera.

Dkt. Serera amesema miaka ya nyuma walikua wakiju ukiitaja Wilaya ya Kiteto, Simanjiro kwa mambo ya Migogoro ya ardhi nanhata watu kuzuriana ilikua kazi kubwa sana , lakini UCRT imeganya kazi kubwa na bidii mlioionyesha Kwa kupima kupata matumizi bora ya ardhi mmefanya namna njia inavyoenda  na hatimaye mmepunguza  kwa kiasi kikubwa sana Migogoro ya ardhi.

" Mimi nikuhakikishie tu Kwa naiba ya Serikali nitaendelea kushirikiana na UCRT ambayo mnakwenda moja kwa moja kwa jamii na kuhakikisha mnatatua changamoto ambazo wananchi wanahitaji, ndugu zangu nataka kusema hakuna jambo gumu duniani kama kumshawishi mzungu Kwa lugha yake akupatie pesa, yaani hilo ni gumu sana, ndio maana UCRT leo tunaipongeza Kwa juhudi zao na kuwa miongoni mwa wanaopata fedha hizo hii ni kwasababu wanajua kuandika proposal ( andiko ) vizuri sana" amesema Dkt. Serera.

Naye Mbunge wa Jimbo hilo Christopher Ole Sendeka amempongeza Mratibu wa mradi huo Edward Loure kwa mambo makubwa ya msingi ya maana sana, awali zaidi ya Vijiji 30 vimeingia katika matumizi bora ya ardhi na Sasa Vijiji 9 pia vimo, hilo ni jambo kubwa sana kwa Maendeleo endelevu ya Wana Simanjiro.

" Mradi huu unakwenda kutoa elimu kwa wananchi, unatoka elimu ya Sera, sheria, kanuni na taratibu zinazosimamia masuala ya ardhi na wakati mwingine biblia inasema ukishaijua kweli na hiyo kweli itakuweka kuwa huru, nina maana wakati mwingine wananchi wetu wakishajua sera ya nchi inasema Nini katika masuala ya ardhi , Mazito, mifugo basi watakua wapole tu maana tayari wameshaelimishwa na shirika la UCRT, hivyo hongera sana mdogo wangu Edward Loure.

Hata hivyo Sendeka amefafanua kuwa kazi ya kupima vijiji  ni kazi ya Serikali nisipokua Serikali kwa sasa haina fedha , waliweza kuwezesha ni mashirika yasiyo ya Kiserikali " Sisia tumshukuri Mungu tu kwamba tumempata mmoja wetu yaani mdogo wangu Edward Loure anaweza kuandikana wazungu wakamkubali, Sasa kazi yetu kubwa ni kumpa tu ushirikiano ili aweze kutimiza ndogo zake " anasema Mh.Sendeka.

Kwa upande wake Mwenyekiti wa Halmashauri ya Wilaya hiyo Mh.Baraka Kanunga anasema palipo na Migogoro kamwe Maendeleo huwa ni vigumu kupatikana hivyo kuwepo Kwa UCRT Wilayani Simanjiro ni jambo kubwa linalotakiwa kuungwa mkono wazi wazi.

" UCRT imefanya kazi kubwa sana katika Halmashauri yetu, hivyo ninachowaomba Waheshimiwa Madiwani mpo hapa nawaona, watumishi mbalimbali pia nawaona mpo hakikisheni mnatoa ushirikiano pale mara unapohitajika, msije mkawa ni tatizo huko  la kukwamisha kutaendelea Kwa Mipango hii iliyopangwa hapa" amesisitiza Kanunga 

Mratibu wa mradi wa UCRT Edward Loure anasema Mchakato wa uibuaji wa mradi huo mpya ulitokana baada ya UCRT kupokea maombi kutoka Halmashauri za wilaya kadhaa zikiwemo hizi za Simanjiro and Kiteto kuomba kufanyiwa michakato ya Mpango ya matumizi ya ardhi.

Mratibu Loure amesema GEF ilipokea maombi Zaidi ya 400 ambapo kati ya hayo, miradi kutoka nchi 9 ziliidhinishwa ukiwemo mradi huu, tuliomba mradi wenye thamani ya dola laki nane na elfu arobaini/USD 840,000, baadaye kiwango hiki kiliongezeka hadi kufikia dola zaidi ya milioni moja na laki nne, ambapo kati ya fedha hizo Wialaya mbiliza Simanjiro  na Kiteto tutapata zaidi ya milioni mia nne (400) za Kitanzania, ambapo Mradi huu utatekelezwa kwa kipindi cha miaka 4 kuanzia mwaka huu (2024-2027)

" Vijiji vilivyolengwa na mradi mpya Kwa Halmashauri ya Wilaya ya Simanjiro mradi imelenga Vijiji vya Ruvuremit, Lerumo, Ngage, Lobosoit B, Gunge, Lemkuna, Lengasiti,Losoito na Naisinyai huku Halmashauri ya Wilaya ya  Kiteto mradi umelenga vijiji vya Makame, Ngabolo, Irkiushioibor, katikati na Ndedo" amesema Mratibu Loure





Comments

Post a Comment

Popular posts from this blog

KAMATI YA KUDUMU YA BUNGE TAMISEMI YAKOSHWA NA UBORA WA MIRADI YA MAENDELEO KIBAHA TC

Image
Na Victor Massngu,DmNewsOnline,                                        KIBAHA  KAMATI  ya kudumu ya Bunge ya Tamisemi imesema kwamba  imeridhishwa kwa kiasi kikubwa  na  miradi ya maendeleo katika sekta ya afya na elimu  ambayo imetekelezwa katika Halmashauri ya Kibaha mji  kupitia fedha zinazotolewa  kutoka serikali kuu na nyingine kupitia makusanyo yanayotokana na fedha za  mapato yake  ya ndani kwa ajili ya kuwaletea wananchi maendeleo. Kauli hiyo imetolewa na  Mwenyekiti wa kamati hiyo  ya kudumu Justine Kamoga wakati wa kamati hiyo ilipofanya ziara yake ya kikazi  siku moja  katika Halmaashauri  ya mji Kibaha yenye lengo la  kugagua na kutembelea miradi mbali mbali ya maendeleo kwa lengo la kuweza kujionea mwenendo mzima wa utekelezaji wake. Mwenyekiti huyo amesema kwamba wameweza kufanya ziara hiyo kwa a...
Read more

MAMBO 10 MAZITO YANAYOIANGAMIZA NA KUIZAMISHA CHADEMA 2024/2025

Image
Na Mwandishi wetu,DmNewsOnline 1. Kupoteza Ushawishi kwa Umma: Chama Cha Chadema kimekosa mvuto kutokana na kukimbiwa na wanasiasa wenye uwezo wa kushawishi, wanasheria mahiri, na wanataaluma wakubwa. Wakati zamani walijenga hoja na ajenda zenye nguvu, sasa wamesalia bila nguvu ya kushawishi umma. 2. Migogoro ya Viongozi wa Juu: Mgawanyiko na chuki baina ya viongozi wakuu kama Freeman Mbowe na Tundu Lissu kwa ajili ya nafasi ya urais ni ishara ya ukosefu wa umoja. Migogoro hii inavuruga utendaji na kuashiria kukosekana kwa mshikamano. 3. Chaguzi za Ndani Zenye Matabaka: Mfumo mpya wa usajili "Chadema Digital" umeweka kipaumbele kwa wenye nacho, hivyo kupunguza uaminifu wa chama kwa masikini na kuwagawa wanachama kulingana na uwezo wao kifedha. Je, chama kinachodai kusimama na maskini kinauza kadi kwa milioni moja kwa wanachama wake? 4. Rushwa Inayotawala Chama: Viongozi wa Chadema wanahusishwa na rushwa, kutoka kwa wafanyabiashara wakubwa hadi rushwa ya ngono katika nafasi za...
Read more