RAIS SAMIA APELEKA BIL 5 KUCHIMBA BWAWA KUBWA LA MAJI URAMBO


Na Allan Vicent, DmNewsOnline
TABORA

WAKAZI wa Vijiji vya Kalemela A na B katika kata ya Muungano Wilayani Urambo Mkoani Tabora wamemshukuru Rais Dkt Samia Suluhu Hassan kwa kuwapelekea kiasi cha sh bil 5.9 kwa ajili ya kutekelezwa mradi mkubwa wa Bwawa la Maji utakaowezesha wananchi kupata maji safi na salama ya kunywa.

Wakizungumza na gazeti hili juzi wamesema kuwa ujio wa mradi huo ni mkombozi kwao kwa kuwa utamaliza kilio chao cha miaka mingi cha ukosefu wa huduma ya  maji safi na salama katika vijiji vyote vya kata hiyo na maeneo mengine.


Zebedayo Lukungu (50) mkulima, mkazi wa Kijiji cha Kalemela A ameeleza kuwa ukosefu wa maji safi na salama kwa wakazi wa vijiji hivyo ulipelekea wengi wao kuugua magonjwa ya kuhara mara kwa mara na ndoa nyingi kuvunjika.

‘Tunamshukuru sana mama yetu Rais Samia kwa kutuletea mradi huu, sasa tuna uhakika wa kunywa maji safi na salama ya bomba mwaka huu, tunachoomba mafundi waongeze bidii ili ukamilike kwa wakati’, amesema.


Mfanyabiashara Hussein Saidi (60) mkazi wa madukani katika Kijiji cha Kalemela B, amesema kuwa ujio wa mradi huo katika kata yao umesaidia vijana wengi kupata ajira za muda mfupi na wauza vifaa vya ujenzi kujipatia kipato.

Mwalimu Zena Sued wa shule ya msingi Kalemela ameishukuru serikali ya awamu ya 6 kwa kujali maisha ya wananchi wake na kutenga fedha kwa ajili ya kufikisha huduma ya maji safi na salama katika vijiji mbalimbali wilayani humo.

Meneja wa Wakala wa Maji na Usafi wa Mazingira Vijijini (RUWASA) Wilayani humo Mhandisi Mapengu Gendai amefafanua kuwa mradi huo utakapokamilika utawezesha jumla ya vijiji 17 vyenye wakazi zaidi ya 148,000 kunufaika.


Ameongeza kuwa ujenzi wa mradi huo unaotekelezwa na Mkandarasi Kampuni ya Halem Construction ya Jijini Dar es salaam kwa gharama ya sh bil 5.9 ulianza mwezi Aprili mwaka jana na unatarajiwa kukamilika mwezi Novemba mwaka huu.

Amebainisha kuwa mradi huo utahusisha ujenzi wa tuta kubwa, utoro wa maji, magati ya kuchotea maji na eneo la kunyweshea mifugo na litakuwa na uwezo wa kukusanya maji kiasi cha mita za ujazo milioni 4.6.

Mhandisi Gendai ameongeza kuwa kati ya mita hizo za ujazo kiasi cha mita 3,331,637.17 zitatumika kwa matumizi ya binadamu na kiasi kilichobaki kitatumika kwa matumizi mengineyo ikiwemo kunyweshea mifugo.

Comments

Post a Comment

Popular posts from this blog

KAMATI YA KUDUMU YA BUNGE TAMISEMI YAKOSHWA NA UBORA WA MIRADI YA MAENDELEO KIBAHA TC

Image
Na Victor Massngu,DmNewsOnline,                                        KIBAHA  KAMATI  ya kudumu ya Bunge ya Tamisemi imesema kwamba  imeridhishwa kwa kiasi kikubwa  na  miradi ya maendeleo katika sekta ya afya na elimu  ambayo imetekelezwa katika Halmashauri ya Kibaha mji  kupitia fedha zinazotolewa  kutoka serikali kuu na nyingine kupitia makusanyo yanayotokana na fedha za  mapato yake  ya ndani kwa ajili ya kuwaletea wananchi maendeleo. Kauli hiyo imetolewa na  Mwenyekiti wa kamati hiyo  ya kudumu Justine Kamoga wakati wa kamati hiyo ilipofanya ziara yake ya kikazi  siku moja  katika Halmaashauri  ya mji Kibaha yenye lengo la  kugagua na kutembelea miradi mbali mbali ya maendeleo kwa lengo la kuweza kujionea mwenendo mzima wa utekelezaji wake. Mwenyekiti huyo amesema kwamba wameweza kufanya ziara hiyo kwa a...
Read more

MAMBO 10 MAZITO YANAYOIANGAMIZA NA KUIZAMISHA CHADEMA 2024/2025

Image
Na Mwandishi wetu,DmNewsOnline 1. Kupoteza Ushawishi kwa Umma: Chama Cha Chadema kimekosa mvuto kutokana na kukimbiwa na wanasiasa wenye uwezo wa kushawishi, wanasheria mahiri, na wanataaluma wakubwa. Wakati zamani walijenga hoja na ajenda zenye nguvu, sasa wamesalia bila nguvu ya kushawishi umma. 2. Migogoro ya Viongozi wa Juu: Mgawanyiko na chuki baina ya viongozi wakuu kama Freeman Mbowe na Tundu Lissu kwa ajili ya nafasi ya urais ni ishara ya ukosefu wa umoja. Migogoro hii inavuruga utendaji na kuashiria kukosekana kwa mshikamano. 3. Chaguzi za Ndani Zenye Matabaka: Mfumo mpya wa usajili "Chadema Digital" umeweka kipaumbele kwa wenye nacho, hivyo kupunguza uaminifu wa chama kwa masikini na kuwagawa wanachama kulingana na uwezo wao kifedha. Je, chama kinachodai kusimama na maskini kinauza kadi kwa milioni moja kwa wanachama wake? 4. Rushwa Inayotawala Chama: Viongozi wa Chadema wanahusishwa na rushwa, kutoka kwa wafanyabiashara wakubwa hadi rushwa ya ngono katika nafasi za...
Read more