MANISPAA TABORA WAKABILIWA NA UPUNGUFU WA MADAWATI 9,500


Na Allan Vicent, DmNewsOnline
TABORA

HALMASHAULI ya Manispaa Tabora inakabiliwa na upungufu wa madawati 9,500 katika shule za msingi na sekondari ili kuwezesha kila mtoto kukaa kwenye dawati pindi wawapo darasani.

Hayo yamebainishwa na Mkuu wa Wilaya ya Tabora Luis Bura alipokuwa akitoa taarifa ya hali ya miundombinu ya shule za msingi na sekondari katika kikao cha Kamati ya Ushauri ya Wilaya (DCC) kilichofanyika hivi karibuni  katika ukumbi wa halmashauri hiyo.




Amesema kuwa upungufu huo unapaswa kutatuliwa haraka iwezekanavyo ili kwenda na kasi ya maboresho makubwa ya miundombinu ya shule zote yanayoendelea kufanywa na serikali ya awamu ya 6 ya Rais Dkt Samia Suluhu Hassan.

DC Bura amesisitiza kuwa ili kufanikisha upatikanaji madawati hayo wananchi, wadau na taasisi mbalimbali wanapaswa kushirikishwa ili watoto wote wanaoripoti shuleni wapate sehemu ya kukaa.

‘Tunahitaji michango ya hali na mali katika kipindi hiki, naomba taasisi zote zilizopo hapa manispaa zikiwemo asasi za kiraia, vyama vya siasa na watu binafsi washirikishwe ili kufanikisha jambo hilo,’ amesema.


 Amebainisha kuwa ataunda Kamati itakayofuatilia michango hiyo hivyo akawataka wajumbe kutoa ushirikiano wa kutosha ili kufanikisha zoezi hilo kwa wakati.

Akichangia hoja hiyo Mjumbe wa Kamati hiyo kutoka Chama cha Wananchi (CUF), Rehema Kabata ameafiki wazo hilo na kuongeza kuwa limekuja kwa muda muafaka kwa kuwa watoto walioandikishwa kuanza shule ni wengi.

Ameomba zoezi hilo lifanyike kwa haraka zaidi ili watoto wote waweze kusomea sehemu nzuri na salama kwa mstakabali wa taifa la kesho.

‘Tunaunga mkono kwa asilimia 100 wazo hili, ila tunashauri liwe endelevu kwani kila mwaka watoto wanajiunga shule za msingi na sekondari na idadi yao inaongezeka kila mwaka kutokana na hamasa kubwa ya serikali, hivyo ni muhimu sana wadau kuchangia’, alisema Rehema.

Mkurugenzi Mtendaji wa halmashauri ya manispaa hiyo Elias Kayandabila amewataarifu Wajumbe wa Kikao hicho kuwa tayari wametenga fedha za mapato ya ndani kwa ajili ya ununuzi wa madawati 420 ya kuanzia.

Amebainisha kuwa wamelipa kipaumbele kikubwa suala hilo na juhudi za kupata madawati zaidi zinaendelea kufanyika, hivyo akaomba wananchi na wadau mbalimbali kuwaunga mkono ili kuimaliza changamoto hiyo.

Comments

Post a Comment

Popular posts from this blog

KAMATI YA KUDUMU YA BUNGE TAMISEMI YAKOSHWA NA UBORA WA MIRADI YA MAENDELEO KIBAHA TC

Image
Na Victor Massngu,DmNewsOnline,                                        KIBAHA  KAMATI  ya kudumu ya Bunge ya Tamisemi imesema kwamba  imeridhishwa kwa kiasi kikubwa  na  miradi ya maendeleo katika sekta ya afya na elimu  ambayo imetekelezwa katika Halmashauri ya Kibaha mji  kupitia fedha zinazotolewa  kutoka serikali kuu na nyingine kupitia makusanyo yanayotokana na fedha za  mapato yake  ya ndani kwa ajili ya kuwaletea wananchi maendeleo. Kauli hiyo imetolewa na  Mwenyekiti wa kamati hiyo  ya kudumu Justine Kamoga wakati wa kamati hiyo ilipofanya ziara yake ya kikazi  siku moja  katika Halmaashauri  ya mji Kibaha yenye lengo la  kugagua na kutembelea miradi mbali mbali ya maendeleo kwa lengo la kuweza kujionea mwenendo mzima wa utekelezaji wake. Mwenyekiti huyo amesema kwamba wameweza kufanya ziara hiyo kwa a...
Read more

MAMBO 10 MAZITO YANAYOIANGAMIZA NA KUIZAMISHA CHADEMA 2024/2025

Image
Na Mwandishi wetu,DmNewsOnline 1. Kupoteza Ushawishi kwa Umma: Chama Cha Chadema kimekosa mvuto kutokana na kukimbiwa na wanasiasa wenye uwezo wa kushawishi, wanasheria mahiri, na wanataaluma wakubwa. Wakati zamani walijenga hoja na ajenda zenye nguvu, sasa wamesalia bila nguvu ya kushawishi umma. 2. Migogoro ya Viongozi wa Juu: Mgawanyiko na chuki baina ya viongozi wakuu kama Freeman Mbowe na Tundu Lissu kwa ajili ya nafasi ya urais ni ishara ya ukosefu wa umoja. Migogoro hii inavuruga utendaji na kuashiria kukosekana kwa mshikamano. 3. Chaguzi za Ndani Zenye Matabaka: Mfumo mpya wa usajili "Chadema Digital" umeweka kipaumbele kwa wenye nacho, hivyo kupunguza uaminifu wa chama kwa masikini na kuwagawa wanachama kulingana na uwezo wao kifedha. Je, chama kinachodai kusimama na maskini kinauza kadi kwa milioni moja kwa wanachama wake? 4. Rushwa Inayotawala Chama: Viongozi wa Chadema wanahusishwa na rushwa, kutoka kwa wafanyabiashara wakubwa hadi rushwa ya ngono katika nafasi za...
Read more