MGOMBEA URAIS WA ADA-TADEA AAHIDI TANZANIA KUMILIKI SATELLITE YAKE ENDAPO ATAPATA RIDHAA YA KUWA RAIS

   Na Mwandishi wetu,DmNewsOnline

         DAR ES SALAAM 

 MGOMBEA Urais wa Jamhuri ya Muungano wa Tanzania kupitia Chama cha African Democratic Alliance (ADA -TADEA), Georges Bussungu amesema kwamba endapo atapata ridhaa ya kuwa  Rais atahakikisha Tanzania inamiliki Satellite yake

Akizungumza katika uzinduzi wa kampeni za Chama hicho Leo Septemba 14,2025 katika Viwanja vya Zakhem Mbagala Jijini Dar es Salaam amesema kwamba vipaumbele vya Ilani ya chama  itahakikisha inajenga kituo maalum cha teknolojia nchini kitakachoitwa Bongo Selcom City ambacho kitasimamia  masuala yote yahusuyo Teknolojia kwani teknolojia ndio inayotumika sana duniani 

Aidha amesema wataleta mapinduzi ya kifikra kwa watanzania  kwa kuanzisha elimu ya kujitegemea kuanzia elimu ya chekechea hadi chuo kikuu kwa kujifunza elimu ya nadhalia ili kuwapatia elimu iliyobora na yakujitegemea na namna  yakujiari wenyewe

Pia amesema atahakikisha kuweka mazingira Bora kwa wakulima ili kilimo kiwe Bora na chenye tija kwa wananchi kwa kuwapatia kila Kitongoji paratila Moja na Kila kijiji kuwa na trekta  kwa ajili yakuwasaidia wakulima wadogo.

Aliendelea kwamba atahakikisha serikali yake itaanzisha mashamba makubwa ya mazao mbalimbali nchini ambayo yatazalisha na kuwaletea wananchi kipato na kuingiza mapato Serikalini ilikukuza uchumi wa nchi

Kwa upande wake Mwenyekiti wa ADA-TADEA ,Juma Ally Khatibu ameishukuru Tume Huru ya Uchaguzi(INEC) kwa kutoa magari kwa  wagombea wa Urais wa Jamhuri ya Muungano wa Tanzania kutoka vyama mbalimbali vya siasa

Amesema magari hayo yanawawezesha wagombea wa Urais kuwafikia wananchi kwa urahisi ili kunadi sera za vyama vyao na kuomba ridhaa.

Pia ameeleza kwamba endapo watapata ridhaa yakuongoza nchi katika uchaguzi mkuu ujao,Serikali ya chama  itahakikisha kuwa kila mama anayejifungua nchini atapatiwa maziwa Bure kwa ajili ya watoto wake.

"Wapo wanawake ambao wanachangamoto zinaziwakabili wakati wakujifungua  ambao wanashindwa kumudu huduma za uzazi hali inayopelekea wengine kutupa watoto", amesema Mwenyekiti Khatibu

Aliongeza kwamba Serikali yake itajitahidi kuboresha huduma za afya na kuangalia maslahi ya wazee waliostaafu na wanaotegemea msaada,hivyo watahakikisha kila mzee anapatiwa kiasi cha pesa ili kuweza kumudu maisha yake.

Hata hivyo Mwenyekiti Juma Ally Khatibu amezindua rasmi Ilani ya Uchaguzi  ya Chama na kuwapatia wagombea wa Urais ili waweze kwenda kuinadi.

Uzinduzi wa kampeni hizo umehudhuriwa na viongozi mbalimbali wa chama,wanachama pamoja na wagombea Ubunge na Udiwani wa Chama hicho   

Comments

Post a Comment

Popular posts from this blog

KAMATI YA KUDUMU YA BUNGE TAMISEMI YAKOSHWA NA UBORA WA MIRADI YA MAENDELEO KIBAHA TC

Image
Na Victor Massngu,DmNewsOnline,                                        KIBAHA  KAMATI  ya kudumu ya Bunge ya Tamisemi imesema kwamba  imeridhishwa kwa kiasi kikubwa  na  miradi ya maendeleo katika sekta ya afya na elimu  ambayo imetekelezwa katika Halmashauri ya Kibaha mji  kupitia fedha zinazotolewa  kutoka serikali kuu na nyingine kupitia makusanyo yanayotokana na fedha za  mapato yake  ya ndani kwa ajili ya kuwaletea wananchi maendeleo. Kauli hiyo imetolewa na  Mwenyekiti wa kamati hiyo  ya kudumu Justine Kamoga wakati wa kamati hiyo ilipofanya ziara yake ya kikazi  siku moja  katika Halmaashauri  ya mji Kibaha yenye lengo la  kugagua na kutembelea miradi mbali mbali ya maendeleo kwa lengo la kuweza kujionea mwenendo mzima wa utekelezaji wake. Mwenyekiti huyo amesema kwamba wameweza kufanya ziara hiyo kwa a...
Read more

MAMBO 10 MAZITO YANAYOIANGAMIZA NA KUIZAMISHA CHADEMA 2024/2025

Image
Na Mwandishi wetu,DmNewsOnline 1. Kupoteza Ushawishi kwa Umma: Chama Cha Chadema kimekosa mvuto kutokana na kukimbiwa na wanasiasa wenye uwezo wa kushawishi, wanasheria mahiri, na wanataaluma wakubwa. Wakati zamani walijenga hoja na ajenda zenye nguvu, sasa wamesalia bila nguvu ya kushawishi umma. 2. Migogoro ya Viongozi wa Juu: Mgawanyiko na chuki baina ya viongozi wakuu kama Freeman Mbowe na Tundu Lissu kwa ajili ya nafasi ya urais ni ishara ya ukosefu wa umoja. Migogoro hii inavuruga utendaji na kuashiria kukosekana kwa mshikamano. 3. Chaguzi za Ndani Zenye Matabaka: Mfumo mpya wa usajili "Chadema Digital" umeweka kipaumbele kwa wenye nacho, hivyo kupunguza uaminifu wa chama kwa masikini na kuwagawa wanachama kulingana na uwezo wao kifedha. Je, chama kinachodai kusimama na maskini kinauza kadi kwa milioni moja kwa wanachama wake? 4. Rushwa Inayotawala Chama: Viongozi wa Chadema wanahusishwa na rushwa, kutoka kwa wafanyabiashara wakubwa hadi rushwa ya ngono katika nafasi za...
Read more