MGOMBEA UDIWANI CCM AAHIDI NEEMA KWA WANANCHI



Na Allan kitwe ,DmNewsonline 
  KALIUA 

MGOMBEA udiwani wa Kata ya Ukumbisiganga, Wilayani Kaliua Mkoani Tabora Andrea Makoba kupitia CCM amewataka wakazi wa Kata hiyo kuchagua wagombea wa chama hicho kwa kuwa kina ilani iliyojaa neema ya maendeleo kwa wananchi.

Akihutubia umati wa wanaCCM na wakazi wa Kitongoji cha Usinga namba 78 katika Kijiji cha Usinga (maarufu kama km 90) amesema kuwa wakazi wa Kijiji hicho wana kila sababu ya kuishukuru serikali ya CCM kwa mambo makubwa iliyowafanyia.

Amebainisha kuwa katika kipindi cha miaka 4 tu tangu Rais wa Awamu ya Sita, Dk Samia Suluhu Hassan aingie madarakani, Kata hiyo imeneemeka kwa kupata Kituo cha Afya ambacho kipo katika hatua mwisho za ukamilishaji.

Ameongeza kuwa Kituo hicho ni mkombozi kwa akinamama wajawazito na jamii kwa ujumla kwa kitamaliza kero wanayopata sasa ya kusafiri umbali mrefu kufuata huduma za matibabu katika hospitali ya Wilaya Mjini Kaliua.

Mambo mengine yaliyofanywa na Rais Samia Kijijini hapo ni kutekelezwa kwa mradi wa maji safi na salama ya kisima ambao umewezesha wakazi wa Kijiji hicho kupata huduma ya maji safi na salama ya kunywa tofauti na miaka ya nyuma.   

Aidha vyumba vya madarasa katika shule ya msingi Usinga na Ukumbi Kakoko vimeboreshwa kwa kiasi kikubwa na kufanya shule hizo kuwa na mazingira bora ya kusomea watoto.

‘Ilani mpya ya uchaguzi ya CCM ya 2025-2030 ina mambo mazuri sana, mpeni mitano tena Dkt Samia Suluhu Hassan ili ashushe neema ya maendeleo hapa Ukumbisiganga, Josephat Mtama awe mbunge na Andrea Makoba diwani’, amesema.   

Katibu Kata wa CCM, Mfaume Abdallah amedokeza kuwa wakazi wa Kata hiyo wanaishukuru sana serikali ya awamu ya sita inayoongozwa na Rais Samia kwa kuwaruhusu waendelee kuishi eneo hilo na kuomba Kijiji hicho kitambuliwe rasmi.

Amesisitiza kuwa wakazi wa eneo hilo wakiwemo wachache wa vyama vya upinzania, wote wamekunwa na utendaji wa Rais Samia na wameahidi kumpa kura za kishindo ili aendelee kuwafanyia mambo makubwa zaidi kwa mwaka 2025-2030.

Wakiongea kwa nyakati tofauti katika mkutano huo Dafroza Damas na Paulina Damas wamepongeza maboresho makubwa ya huduma za kijamii yaliyofanyika katika Kijiji hicho na kubainisha kuwa miaka 5 ijayo Mama atafanya makubwa zaidi.   



Comments

Post a Comment

Popular posts from this blog

KAMATI YA KUDUMU YA BUNGE TAMISEMI YAKOSHWA NA UBORA WA MIRADI YA MAENDELEO KIBAHA TC

Image
Na Victor Massngu,DmNewsOnline,                                        KIBAHA  KAMATI  ya kudumu ya Bunge ya Tamisemi imesema kwamba  imeridhishwa kwa kiasi kikubwa  na  miradi ya maendeleo katika sekta ya afya na elimu  ambayo imetekelezwa katika Halmashauri ya Kibaha mji  kupitia fedha zinazotolewa  kutoka serikali kuu na nyingine kupitia makusanyo yanayotokana na fedha za  mapato yake  ya ndani kwa ajili ya kuwaletea wananchi maendeleo. Kauli hiyo imetolewa na  Mwenyekiti wa kamati hiyo  ya kudumu Justine Kamoga wakati wa kamati hiyo ilipofanya ziara yake ya kikazi  siku moja  katika Halmaashauri  ya mji Kibaha yenye lengo la  kugagua na kutembelea miradi mbali mbali ya maendeleo kwa lengo la kuweza kujionea mwenendo mzima wa utekelezaji wake. Mwenyekiti huyo amesema kwamba wameweza kufanya ziara hiyo kwa a...
Read more

MAMBO 10 MAZITO YANAYOIANGAMIZA NA KUIZAMISHA CHADEMA 2024/2025

Image
Na Mwandishi wetu,DmNewsOnline 1. Kupoteza Ushawishi kwa Umma: Chama Cha Chadema kimekosa mvuto kutokana na kukimbiwa na wanasiasa wenye uwezo wa kushawishi, wanasheria mahiri, na wanataaluma wakubwa. Wakati zamani walijenga hoja na ajenda zenye nguvu, sasa wamesalia bila nguvu ya kushawishi umma. 2. Migogoro ya Viongozi wa Juu: Mgawanyiko na chuki baina ya viongozi wakuu kama Freeman Mbowe na Tundu Lissu kwa ajili ya nafasi ya urais ni ishara ya ukosefu wa umoja. Migogoro hii inavuruga utendaji na kuashiria kukosekana kwa mshikamano. 3. Chaguzi za Ndani Zenye Matabaka: Mfumo mpya wa usajili "Chadema Digital" umeweka kipaumbele kwa wenye nacho, hivyo kupunguza uaminifu wa chama kwa masikini na kuwagawa wanachama kulingana na uwezo wao kifedha. Je, chama kinachodai kusimama na maskini kinauza kadi kwa milioni moja kwa wanachama wake? 4. Rushwa Inayotawala Chama: Viongozi wa Chadema wanahusishwa na rushwa, kutoka kwa wafanyabiashara wakubwa hadi rushwa ya ngono katika nafasi za...
Read more