BILIONI 220 ZABORESHA HUDUMA ZA JAMII MANISPAA TABORA

    Na Allan Kitwe,DmNewsonline 

                   TABORA 

SERIKAli ya awamu ya sita inayoongozwa na Rais Dk Samia Suluhu Hassan  imepekeleka zaidi ya shilingi bilioni 220 katika Halmashauri ya Manispaa Tabora katika kipindi cha miaka 4 kwa ajili ya kutekeleza miradi ya maendeleo.

Fedha hizo zimeleta mageuzi makubwa katika sekta ya elimu na afya kwa kuboreshwa miundombinu ya shule zote za msingi na sekondari na kutatua kero ya upatikanaji huduma bora za afya katika manispaa hiyo.

Hayo yameelezwa na Mgombea Ubunge wa Jimbo la Tabora Mjini kupitia Chama Cha Mapinduzi (CCM) Hawa Mwaifunga kwenye mkutano wa uzinduzi wa kampeni za CCM uliofanyika jana katika uwanja wa Taasisi katika manispaa hiyo.

Amesema kuwa wakazi wa manispaa hiyo na Mkoa mzima wa Tabora wana kila sababu ya kumpigia kura za kishindo mgombea Urais wa Jamhuri ya Muungano wa Tanzania kupitia CCM kwa kuwa amewafanyia mambo makubwa.

‘Katika kipindi cha miaka nne na nusu tu aliyokaa madarakani, Rais Dk Samia Suluhu Hassan ameleta takribani shilingi bilioni 228 za miradi katika Jimbo hili ili kuharakisha maendeleo ya wananchi, hili ni jambo kubwa sana’, ameeleza.

‘Wakazi wa manispaa Tabora nawaombeni sana ifikapo Oktoba 29 mwaka huu twende tukampigie kura za kishindo mgombea Urais kupitia CCM, Dk Samia, mgombea ubunge Mwaifunga na wagombea udiwani wa CCM wote’, amesema.

Mwaifunga amefafanua mambo yaliyofanyika katika Jimbo hilo kuwa ni ujenzi wa shule mpya za sekondari na msingi na kuboreshwa vyumba vya madarasa, ofisi za walimu na matundu vyoo vilivyokuwa vimechakaa katika shule zote.

Ametaja baadhi ya kata ambazo zimenufaika na miradi hiyo na jamii kunufaika kwa kiasi kikubwa sana kuwa ni Ifucha, Kakola, Isevya, Ndevelwa, Mbugani, Mapambano, Kalunde, Kabila, Itetemia, Kitete na nyinginezo.

Kwa upande wa huduma za afya amesema kuwa Vituo vya afya vimejengwa katika kata za Kakola, Kabila, Uyui na Ikomwa na kuboreshwa miundombinu ya utoaji huduma za afya katika Vituo mbalimbali vya afya na zahanati.

Aidha ameeleza kuwa katika kipindi cha miaka minne serikali ya awamu ya sita imeongeza ikama ya watumishi katika sekta ya elimu na afya hivyo kupunguza kwa kiasi kikubwa uhaba wa watumishi katika manispaa hiyo.   

Comments

Post a Comment

Popular posts from this blog

KAMATI YA KUDUMU YA BUNGE TAMISEMI YAKOSHWA NA UBORA WA MIRADI YA MAENDELEO KIBAHA TC

Image
Na Victor Massngu,DmNewsOnline,                                        KIBAHA  KAMATI  ya kudumu ya Bunge ya Tamisemi imesema kwamba  imeridhishwa kwa kiasi kikubwa  na  miradi ya maendeleo katika sekta ya afya na elimu  ambayo imetekelezwa katika Halmashauri ya Kibaha mji  kupitia fedha zinazotolewa  kutoka serikali kuu na nyingine kupitia makusanyo yanayotokana na fedha za  mapato yake  ya ndani kwa ajili ya kuwaletea wananchi maendeleo. Kauli hiyo imetolewa na  Mwenyekiti wa kamati hiyo  ya kudumu Justine Kamoga wakati wa kamati hiyo ilipofanya ziara yake ya kikazi  siku moja  katika Halmaashauri  ya mji Kibaha yenye lengo la  kugagua na kutembelea miradi mbali mbali ya maendeleo kwa lengo la kuweza kujionea mwenendo mzima wa utekelezaji wake. Mwenyekiti huyo amesema kwamba wameweza kufanya ziara hiyo kwa a...
Read more

MAMBO 10 MAZITO YANAYOIANGAMIZA NA KUIZAMISHA CHADEMA 2024/2025

Image
Na Mwandishi wetu,DmNewsOnline 1. Kupoteza Ushawishi kwa Umma: Chama Cha Chadema kimekosa mvuto kutokana na kukimbiwa na wanasiasa wenye uwezo wa kushawishi, wanasheria mahiri, na wanataaluma wakubwa. Wakati zamani walijenga hoja na ajenda zenye nguvu, sasa wamesalia bila nguvu ya kushawishi umma. 2. Migogoro ya Viongozi wa Juu: Mgawanyiko na chuki baina ya viongozi wakuu kama Freeman Mbowe na Tundu Lissu kwa ajili ya nafasi ya urais ni ishara ya ukosefu wa umoja. Migogoro hii inavuruga utendaji na kuashiria kukosekana kwa mshikamano. 3. Chaguzi za Ndani Zenye Matabaka: Mfumo mpya wa usajili "Chadema Digital" umeweka kipaumbele kwa wenye nacho, hivyo kupunguza uaminifu wa chama kwa masikini na kuwagawa wanachama kulingana na uwezo wao kifedha. Je, chama kinachodai kusimama na maskini kinauza kadi kwa milioni moja kwa wanachama wake? 4. Rushwa Inayotawala Chama: Viongozi wa Chadema wanahusishwa na rushwa, kutoka kwa wafanyabiashara wakubwa hadi rushwa ya ngono katika nafasi za...
Read more